സ്ത്രീധനത്തിന്‍റെ പേരിൽ കൂട്ടബലാത്സംഗവും; നവവധുവിനെ ഭർത്താവും സഹോദരന്മാരും ചേർന്ന് പീഡിപ്പിച്ചു

ലഖ്നൗ: സ്ത്രീധനത്തിന്‍റെ പേരിൽ ഉത്തർപ്രദേശിൽ നവവധവിനെ ഭർത്താവും സഹോദരങ്ങളും ചേർന്ന് കൂട്ട ബലാത്സംഗം ചെയ്തു. കുടുംബാഗങ്ങളുടെ ക്രൂര പീഡനത്തിനിരയായ 20കാരി ആശുപത്രിയിൽ ഗുരുതരാവസ്ഥയിൽ ചികിത്സയിലാണ്. ഭർത്താവും രണ്ട് സഹോദരങ്ങളും ചേർന്നാണ് യുവതിയെ പീഡിപ്പിച്ചത്. കുടുംബത്തിലെ മറ്റംഗങ്ങളും ഉപദ്രവിച്ചിരുന്നെന്നാണ് പരാതിയെന്ന് ഇംഗ്ലീഷ് വാർത്താ ചാനാലയ ടൈംസ് നൗ റിപ്പോർട്ട് ചെയ്തു.



ഉത്തർപ്രദേശിലെ ബദായുന്‍ ജില്ലയിൽ നിന്നാണ് ക്രൂരസംഭവം റിപ്പോർട്ട് ചെയ്തിരിക്കുന്നത്. കോട്‍വാലി സ്വദേശിനിയായ പെൺകുട്ടിയും ഉസ്മാൻപുർ സ്വദേശിയായ യുവാവും തമ്മിലുള്ള വിവാഹം ജൂൺ 22നാണ് നടന്നത്. ഭർത്താവിന്‍റെ വീട്ടിലേക്കെത്തിയതിന് പിന്നാലെ സ്ത്രീധനത്തിന്‍റെ പേരിൽ കുടുംബാംഗങ്ങൾ ഉപദ്രവിക്കാൻ തുടങ്ങി. ഭർത്താവും സഹോദരങ്ങളും ചേർന്ന് കൂട്ടബലാത്സംഗവും ചെയ്തെന്നും യുവതി ആരോപിക്കുന്നു. ഷരീഫ്നഗർ പോലീസ് സ്റ്റേഷൻ പരിധിയിലാണ് സംഭവം.

Also Read : തന്റെ ‘കാസനോവ ജീവിത’ത്തെ എതി‍ർത്തു; ഡോക്ടര്‍ ഭാര്യയെ ഇരുമ്പ് വടികൊണ്ട് അടിച്ച് കൊന്നു



ക്രൂരമായ പീഡനമാണ് തനിക്ക് നേരിടേണ്ടി വന്നതെന്നാണ് യുവതി പറയുന്നത്. അവർ എന്നെ കൂട്ടബലാത്സംഗത്തിനിരയാക്കി, വടികൊണ്ട് ഉപദ്രവിച്ചു, സ്വകാര്യ ഭാഗങ്ങൾ പൊള്ളിച്ചു. വിഷം നൽകി കൊല്ലാനുള്ള ശ്രമവും ഉണ്ടായെന്നും യുവതി ആരോപിക്കുന്നു. വിവരമറിഞ്ഞ് യുവതിയുടെ പിതാവ് പോലീസുമായെത്തിയാണ് മകളെ രക്ഷിക്കുന്നത്. ഇവരെ ജില്ലാ ആശുപത്രിയിൽ പ്രവേിപ്പിരിക്കുകയാണ്.

ഇടുക്കിയിൽ പൂജാരി ദളിത് യുവതിയെ പീഡിപ്പിച്ചു; ദൃശ്യങ്ങൾ പകർത്തി, കേസെടുത്ത് പോലീസ്

പരാതിയുടെ അടിസ്ഥാനത്തിൽ ഏഴ് പേർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. അന്വേഷണം ആരംഭിച്ചതായും യുവതിയുടെ ഭർത്താവിനെ അറസ്റ്റ് ചെയ്തതായും പോലീസ് പറഞ്ഞു. വൈദ്യപരിശോധനയുടെ അടിസ്ഥാനത്തിലാകും കൂടുതൽ നടപടികൾ സ്വീകരിക്കുകയെന്ന് ബദായുന്‍ എസ്എസ്പി ശർമ പറഞ്ഞു.