ഒരാൾ വിശ്വസിച്ച പാർട്ടിയുടെ വെട്ടുകളേറ്റ് വീണ യോദ്ധാവിന്റെ ഭാര്യയും മറ്റേയാൾ പടക്കളത്തിൽ സ്വയം എരിഞ്ഞടങ്ങിയ പോരാളിയുടെ ഭാര്യയും ആണെന്ന് ജോയ് മാത്യു പറഞ്ഞു. കെ കെ രമ യുഡിഎഫിനൊപ്പം മത്സരിച്ച് ജയിച്ചു നിയമസഭയിൽ എത്തിയ ഒരേയൊരു സ്ത്രീയാണ്. രമയ്ക്ക് കരുത്തേകാൻ ഉമകൂടി വേണം എന്ന് ഏത് മലയാളിയാണ് ആഗ്രഹിക്കാത്തതെന്നുമാണ് ജോയ് മാത്യു ചോദിക്കുന്നത്.
Also Read : ‘തൃക്കാക്കരയിൽ ഉമാ ജയിക്കും, മുഖ്യമന്ത്രി പ്രചാരണം നയിക്കുന്നത് എന്തിനാണെന്ന് തനിക്കറിയില്ല”; എകെ ആൻ്റണി 27ന് മണ്ഡലത്തിൽ
ജോയ് മാത്യുവിന്‍റെ ഫേസ്ബുക്ക് പോസ്റ്റിന്‍റെ പൂർണ്ണരൂപം.
രക്തസാക്ഷികളുടെ ഭാര്യമാർ
ഒരാൾ വിശ്വസിച്ച പാർട്ടിയുടെ
വെട്ടുകളേറ്റ് വീണ
യോദ്ധാവിന്റെ ഭാര്യ
മറ്റൊരാൾ
പടക്കളത്തിൽ
സ്വയം എരിഞ്ഞടങ്ങിയ
പോരാളിയുടെ ഭാര്യ
ആദ്യം പറഞ്ഞയാൾ
യുഡിഎഫിനൊപ്പം
മൽസരിച്ചു ജയിച്ചു
തലയുയർത്തിപിടിച്ച്
നിയമസഭയിൽ എത്തിയ
ഒരേയൊരു സ്ത്രീ -രമ
ഇനിയുള്ളത് മത്സര രംഗത്തുള്ള ഉമ
രമയ്ക്ക് കരുത്തേകാൻ
ഉമകൂടി വേണം എന്ന്
ഏത് മലയാളിയാണ്
ആഗ്രഹിക്കാത്തത് !
അതേസമയം തൃക്കാക്കരയിൽ മുന്നണികളുടെ തെരഞ്ഞെടുപ്പ് പ്രചാരണം പുരോഗമിക്കുകയാണ്. മുന്ന് മുന്നണികൾക്കും വേണ്ടി പ്രധാന നേതാക്കളെല്ലാം പ്രചാരണ രംഗത്തുണ്ട്. മുഖ്യമന്ത്രിയും മന്ത്രിമാരും ചേർന്നാണ് ഇടതുപക്ഷത്തിന്‍റെ തെരഞ്ഞെടുപ്പ് പ്രചരണം നയിക്കുന്നത്. യുഡിഎഫിന്‍റെ പ്രധാന നേതാക്കളും മണ്ഡലത്തിൽ ക്യാമ്പ് ചെയ്യുന്നുണ്ട്.
Also Read : ആ പറഞ്ഞ സാധനം മുഖ്യമന്ത്രിയ്‍ക്കോ ജില്ലയിലെ മന്ത്രിയ്‍ക്കോ ഇല്ലാതെ പോയത് എംപിമാരുടെ കുറ്റമല്ല; മെട്രോ വിവാദത്തിൽ ഹൈബി
മുതിർന്ന കോൺഗ്രസ് നേതാവ് എ കെ ആന്‍റണിയും പ്രചാരണത്തിനായി മണ്ഡലത്തിലേക്ക് എത്തും. ഈ മാസം 27ന് തമ്മനത്തും കാക്കനാടും നടക്കുന്ന പൊതുയോഗങ്ങളിലും തെരഞ്ഞെടുപ്പ് പ്രചാരണ പ്രവർത്തനങ്ങളിലും ആന്‍റണി സംസാരിക്കും.
ആരെയും എന്തും പറയാമോ? സുധാകരനെതിരെ ഇ പി
Web Title : joy mathew facebook post support uma thomas in thrikkakara by election
Malayalam News from Samayam Malayalam, TIL Network
