Teena Mathew | Samayam Malayalam | Updated: May 20, 2022, 10:48 AM
ഭക്ഷണം മോഷ്ടിക്കാനായി ഒരു കുട്ടി കുരങ്ങന്‍ കാണിക്കുന്ന സൂത്രമാണ് ഇപ്പോള്‍ സോഷ്യല്‍ മീഡിയയില്‍ ആളുകളെ ചിരിപ്പിക്കുന്നത്.
ഹൈലൈറ്റ്:
- ഒരു പാക്കറ്റ് ചിപ്പ്‌സിന് വേണ്ടിയാണ് കുരങ്ങന്റെ ശ്രമം
- കുരങ്ങനും നായ്ക്കുട്ടിയും നല്ല സുഹൃത്തുക്കളാണ്
- വീഡിയോ കണ്ട് പൊട്ടി ചിരിച്ച് സോഷ്യല്‍ മീഡിയ
ഭക്ഷണം മോഷ്ടിക്കാനായി ഒരു കുട്ടി കുരങ്ങന്‍ കാണിക്കുന്ന സൂത്രമാണ് ഇപ്പോള്‍ സോഷ്യല്‍ മീഡിയയില്‍ ആളുകളെ ചിരിപ്പിക്കുന്നത്. ഒരു പാക്കറ്റ് ചിപ്‌സ് അടിച്ച് മാറ്റാനാണ് കുരങ്ങന്റെ ശ്രമം. ഒരു നായ്ക്കുട്ടിയുടെ സഹായത്തോടെ ആണ് ആശാന്‍ ചിപ്പ്‌സ് അടിച്ച് മാറ്റുന്നത്.
ഒരു വഴിയോര കടയില്‍ തുക്കിയിട്ടിരിക്കുന്ന ചിപ്പ്‌സാണ് കുരങ്ങന്‍ പട്ടിയുടെ പുറത്ത് കയറി നിന്ന് പൊട്ടിച്ച് എടുക്കാന്‍ ശ്രമിക്കുന്നത്. ആദ്യം ശ്രമിച്ചപ്പോള്‍ താഴെ വീണെങ്കിലും പിന്നെയും തളരാതെ കയറി നിന്ന് ചിപ്പ്‌സ് പൊട്ടിക്കാന്‍ നോക്കുകയാണ് കുരങ്ങന്‍. സംഗതി എന്തായാലും സോഷ്യല്‍ മീഡിയ ഏറ്റെടുത്ത് കഴിഞ്ഞു.
മെമീസ്.ബികെഎസ് എന്ന ഇന്‍സ്റ്റാഗ്രാം പേജിലൂടെയാണ് വീഡിയോ പുറത്ത് വന്നത്. ആരാണ് പറഞ്ഞത് കുരങ്ങന്മാരും നായ്ക്കളും നല്ല സുഹൃത്തുക്കളല്ലെന്ന് എന്ന അടിക്കുറിപ്പോടെയാണ് വീഡിയോ പങ്കുവച്ചിരിക്കുന്നത്.
സാധരണയായി നായ്ക്കളും കുരങ്ങന്മാരും തമ്മില്‍ കണ്ടാല്‍ കടിപിടി കൂടാറാണ് പതിവ്. എന്നാല്‍ ഇവിടെ നേരെ തിരിച്ചാണ്. ഇരുവരും ഏറെ നാളായി സൗഹൃദത്തിലാണെന്ന് ഈ വീഡിയോയില്‍ നിന്ന് വ്യക്തമാണ്. വികൃതിക്കാരന്‍ കുരങ്ങനെ സഹായിക്കാന്‍ ശാന്തനായാണ് നായ്ക്കുട്ടി നില്‍ക്കുന്നത് എന്നതും ശ്രദ്ധേയമാണ്. താഴെ പോകാതിരിക്കാന്‍ കുട്ടി കുരങ്ങന്‍ നായ്ക്കുട്ടിയെ കെട്ടി പിടിച്ചിരിക്കുന്നതും ഏറെ ഓമനത്തമുള്ള കാഴ്ചയാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : monkey steals chips packet from street shop with the help of a dog
Malayalam News from Samayam Malayalam, TIL Network
