വിരശല്യം അഥവാ കൃമിശല്യം കുട്ടികളെയും ചിലപ്പോള്‍ മുതിര്‍ന്നവരേയും അലട്ടുന്ന പ്രശ്‌നമാണ്. അസഹ്യമായ ചൊറിച്ചിലാണ് ഇതുണ്ടാക്കുന്ന പ്രശ്‌നമെന്നു കരുതാനാകില്ല. വിരശല്യമെങ്കില്‍ വിശപ്പു കുറയുക, ശരീരം നന്നാകാതിരിയ്ക്കുക, അനീമിയ തുടങ്ങിയ പല പ്രശ്‌നങ്ങളുമുണ്ടാകും. ഇത് കൂടുതലായാല്‍ ഛര്‍ദി, മലബന്ധം പോലുള്ള പ്രശ്‌നങ്ങള്‍ വേറെയും. വിരകള്‍ പല തരമുണ്ടെങ്കിലും പൊതുവേ മൂന്നു തരമാണ് കാണുന്നത്. പിന്‍വേം, ഹുക്ക് വേം, റൗണ്ട് വേം എന്നിവയാണ് ഇവ. ഈ വിര മുട്ടയിടാന്‍ സാധാരണ മലദ്വാരത്തിനടുത്ത് വരുമ്പോഴാണ് ചൊറിച്ചിലുണ്ടാകുന്നത്. പെണ്‍വിരയാണ് ഈ ചൊറിച്ചിലുണ്ടാക്കുന്നത്. ഇതിന്റെ വാല്‍ ഭാഗം കൊണ്ട് ചര്‍മത്തില്‍ കുത്തുമ്പോഴാണ് ഈ അസ്വസ്ഥത അനുഭവപ്പെടുന്നത്.

സാധാരണ കണ്ടു വരുന്നത്

ഇവയില്‍ തന്നെ സാധാരണ കണ്ടു വരുന്നത് പിന്‍വേം ആണ്. വെളുത്ത ചെറിയ വലിപ്പത്തിലെ ഇവ ചൊറിച്ചിലുണ്ടാകുമ്പോള്‍ ചൊറിയുന്ന സമയത്ത് നഖത്തിനിടയില്‍ പറ്റിപ്പിടിച്ച് ഇതിലൂടെ ഉള്ളിലെത്തിയും മറ്റുള്ളവരിലുമെല്ലാം ഈ പ്രശ്‌നമുണ്ടാക്കും. സീറ്റ് വേം എന്നും ഇത് അറിയപ്പെടുന്നു. അടിവസ്ത്രങ്ങളിലും ഇരിയ്ക്കുന്ന സീറ്റിലുമെല്ലാം ഇവ കാണപ്പെടാം. ഇത്തരം പ്രശ്‌നമുള്ളവര്‍ ഉപയോഗിയ്ക്കുന്ന ടോയ്‌ലറ്റിലൂടെ മറ്റുള്ളവരിലേയ്ക്കും ഇതു വരാം. ഇത്തരം വിരശല്യമെങ്കില്‍ നഖങ്ങള്‍ വൃത്തിയായി വെട്ടുക. ഇതുപോലെ ഇവരുടെ അടിവസ്ത്രം ചൂടുവെള്ളമുപയോഗിച്ചു കഴുകുക. നല്ല വെയിലില്‍ ഇട്ടുണക്കുക. ഇതിനൊപ്പം മറ്റു വസ്ത്രങ്ങള്‍ കഴുകാതിരിയ്ക്കുക, കൈകള്‍ നല്ലതുപോലെ സോപ്പിട്ടു കഴുകുക എന്നതെല്ലാം പെടുന്നു.

​റൗണ്ട് വേം

റൗണ്ട് വേം പേര് സൂചിപ്പിയ്ക്കുന്നതു പോലെ തന്നെ അല്‍പം തടിച്ച ഒന്നാണ്. ഇത് വയറില്‍ കൂടുതലായാല്‍ വയറ്റില്‍ ബ്ലോക്കുണ്ടാക്കും. മലബന്ധവും ഛര്‍ദിയുമുണ്ടാകും. ഇത് ശ്വാസകോശത്തിലേയ്ക്കു വരെ കടക്കാന്‍ സാധ്യതയുണ്ട്. ഇത് ശ്വസന തടസമുണ്ടാക്കാം. പനിയുണ്ടാകും. വയറുവേദനയ്ക്കും സാധ്യതയുണ്ട്. അടുത്തത് ഹുക്ക് വേം അഥവാ കൊക്കപ്പുഴു എന്നതാണ്. ഇത് അനീമിയയുണ്ടാക്കും. വിശപ്പു കുറവുണ്ടാക്കും. ചെരിപ്പില്ലാതെ നടന്നാല്‍ ചര്‍മം തുളച്ച് കയറാന്‍ കഴിയുന്നവരാണ് ഇത്തരം വിര. ഇതുപോലെ നല്ലതു പോലെ തിളപ്പിച്ച വെള്ളം കുടിയ്ക്കുക.

ഡീവേം

ഇതിന് ഡീവേം അഥവാ വിര മരുന്നു കൊടുക്കേണ്ടത് അത്യാവശ്യമാണ്. പൊതുവേ ഇതിനായി നല്‍കാറുള്ള മരുന്നുകള്‍ ആല്‍ബെന്റസോള്‍, മെബന്റസോള്‍ എന്നിവയാണ്. 2 വയസിന് മീതേ പ്രായമെങ്കില്‍ ഗുളിക കൊടുക്കാം. ആല്‍ബെന്റസോള്‍ എന്നത് 2 വയസില്‍ താഴെയുള്ള കുട്ടിയ്ക്ക് 15 ദിവസത്തെ ഇടവേളയില്‍ രണ്ടു ഡോസായി 200 മില്ലിഗ്രാം കൊടുക്കാം. 2 വയസിന് മീതേയുളള കുട്ടിയെങ്കില്‍ 400 ഗ്രാം വീതം ഇതു പോലെ രണ്ടു തവണ കൊടുക്കാം. ആറു മാസത്തില്‍ ഒരിക്കലാണ് ഇതുപോലെ ഡീ വേം ചെയ്യേണ്ടത്. മെബന്റസോള്‍ എന്നത് 100 മില്ലീഗ്രാം കൊടുക്കാം. ഒരു തവണ കൊടുത്ത് വീണ്ടും വിരയെങ്കില്‍ മൂന്നാഴ്ച കഴിഞ്ഞ് കൊടുക്കാം.

കാരണം

ഇതിന് മരുന്നു നല്‍കിയിട്ടും ഗുണമില്ലെങ്കില്‍ ഡോക്ടറെ കാണിയ്ക്കുക. ഇത് കുടുംബത്തില്‍ ഒരാള്‍ക്കെങ്കില്‍ ബാക്കിയെല്ലാവര്‍ക്കും വരാന്‍ സാധ്യതയുണ്ട്. പ്രത്യേകിച്ചും കോമണ്‍ ടോയ്‌ലറ്റ് ഉപയോഗിയ്ക്കുന്നുവെങ്കില്‍. ഇതു പോലെ ചികിത്സ കുടുംബത്തിലെ എല്ലാവരും ചേര്‍ന്ന് എടുക്കുന്നുവെങ്കില്‍ കൂടുതല്‍ നല്ലതാണ്. വ്യക്തിശുചിത്വം പ്രധാനം. അതായത് നഖം പെട്ടുക, കൈകള്‍ കഴുകി ആഹാരം കഴിയ്ക്കുക എന്നത്. മലമൂത്ര വിസര്‍ജനം തുറസായ സ്ഥലത്ത് നടക്കുന്നതാണ് ഇത്തരം രോഗങ്ങള്‍ക്കുള്ള പ്രധാന കാരണം. ഇത് ഒഴിവാക്കുക. ഏതു കടുത്ത ഗ്യാസ് പ്രശ്‌നവും മാറ്റും അയമോദകം കഷായം…