തലശ്ശേരിയിൽ പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയി പീഡിപ്പിക്കാൻ ശ്രമം: വ്യവസായി അറസ്റ്റിൽ

കണ്ണൂര്‍: കണ്ണൂര്‍ തലശ്ശേരിയിൽ പ്രായപൂര്‍ത്തിയാകാത്ത പെൺകുട്ടിയെ പീഡിപ്പിച്ച സംഭവത്തിൽ വ്യവസായി അറസ്റ്റിൽ. തലശ്ശേരി സ്വദേശിയും പ്രമുഖ വ്യവസായിയുമായ ഷറാറ ഷറഫുദ്ദീന്‍ ആണ് അറസ്റ്റിലായത്. ഷറാറ ഗ്രൂപ് ഓഫ് കമ്പനീസ് ചെയർമാനാണ്.



Also Read : കൊവി‍ഡ് വ്യാപനം കുറയുന്നില്ല; നിയന്ത്രണങ്ങള്‍ കടുപ്പിച്ചേക്കും; അവലോകന യോഗം ഇന്ന്

കഴിഞ്ഞ മാര്‍ച്ചിലാണ് കേസിനാസ്പദമായ സംഭവമുണ്ടായത്. പെൺകുട്ടിയുടെ ഇളയമ്മയും ഭര്‍ത്താവും ചേര്‍ന്ന് ധര്‍മ്മടത്ത് നിന്നും കുട്ടിയെ കൊണ്ടുപോകുകയായിരുന്നു. ഇളയമ്മക്ക് പല്ല് വേദനയാണെന്നും ഡോക്ടറെ കാണിക്കാൻ കൂടെ വരണമെന്നും പറഞ്ഞാണ് പെൺകുട്ടിയെ ഓട്ടോറിക്ഷയിൽ കയറ്റിയത്. എന്നാൽ, പിന്നീട് ഇവര്‍ തലശ്ശേരിയിലെ ഷറാറ ഷറഫുദ്ദീന്റെ വീട്ടിലേക്ക് എത്തിക്കുകയായിരുന്നു.

ഓട്ടോയിലുള്ള പെണ്‍കുട്ടിയെ കണ്ട ഷറഫുദ്ദീൻ പ്രതികൾക്ക് വീടും പണവും വാഗ്ദാനം ചെയ്യുകയുമായിരുന്നുവെന്നു ഏഷ്യാനെറ്റ് റിപ്പോര്‍ട്ട് ചെയ്യുന്നു. പത്ത് ദിവസത്തേക്കാണ് കുട്ടിയെ വിട്ടു നൽകണമെന്ന് ഇയാള്‍ ആവശ്യപ്പെട്ടത്. അതിന് ശേഷം, മറ്റൊരിടത്തേക്ക് കൊണ്ടുപോയി പീഡിപ്പിക്കാൻ ശ്രമിച്ചതായും റിപ്പോര്‍ട്ടുണ്ട്.

ഇതിന് ശേഷം ഭയന്ന് വീട്ടിലേക്കോടിയ കുട്ടി ആരോടും സംഭവത്തെക്കുറിച്ച് പറഞ്ഞില്ല. അതേസമയം, കുട്ടിയുടെ പെരുമാറ്റത്തിൽ മാറ്റം വന്നപ്പോൾ ബന്ധു കൗണ്‍സിലിംഗിന് കൊണ്ടുപോയി.

ഇവിടെ വച്ചാണ് ഇളയച്ഛൻ തന്നെ പലതവണ പീഡിപ്പിച്ചിട്ടുണ്ടെന്നും വ്യവസായിയുടെ അടുത്ത് കൊണ്ടുപോയി ഉപദ്രവിച്ചെന്നും കുട്ടി വെളിപ്പെടുത്തിയത്. തട്ടിക്കൊണ്ട് പോകൽ, ലൈംഗീക പീഡന ശ്രമം, ലൈംഗീക ചുവയോടെ സമീപിക്കൽ തുടങ്ങിയ വകുപ്പുകൾ ചുമത്തിയാണ് പ്രതികളായ ഇളയച്ഛനെയും, ഷറഫുദ്ദീനെയും പൊലീസ് അറസ്റ്റ് ചെയ്തത്. അതേസമയം, ഇളയമ്മ ഒളിവിലാണ്.

ജമ്മുവിൽ മൂന്നാം ദിവസവും വട്ടമിട്ട് ഡ്രോൺ; ഗൗരവമെന്ന് ഇന്ത്യ, അന്വേഷണം എൻഐഎക്ക്

കേസ് ധർമ്മടം കതിരൂർ സിഐമാരാണ് കേസന്വേഷിക്കുന്നത്. അതേസമയം, തലശ്ശേരിയിലെ വ്യവസായി ഷറഫുദ്ദീനെതിരെ നേരത്തെ സമാനമായ പരാതികൾ കിട്ടിയിട്ടുണ്ടെന്ന് പൊലീസ് അറിയിച്ചു.