സ്കൂളിൽവെച്ച് അധ്യാപകൻ ലൈംഗികമായി ചൂഷണം ചെയ്തിരുന്നെന്ന് കാട്ടിയാണ് കേന്ദ്രീയ വിദ്യാലയത്തിലെ 22 വിദ്യാർഥിനികൾ പരാതി നൽകിയത്. അധ്യാപകൻ ഇപ്പോഴും സർവീസിലുണ്ട്
പ്രതീകാത്മക ചിത്രം. PHOTO: TNN
ഹൈലൈറ്റ്:
- ചെന്നൈയിൽ വീണ്ടും അധ്യാപകനെതിരെ പരാതി
- ലൈംഗികമായി ചൂഷണം ചെയ്തെന്ന് ആരോപണം
- പരാതി നൽകിയത് 22 പൂർവ്വ വിദ്യാർഥിനികൾ
അധ്യാപകനെതിരെ പരാതി ഉയർന്ന സാഹചര്യത്തിൽ അന്വേഷണം നടത്താൻ ഒരു കമ്മിറ്റിയെ രൂപീകരിച്ചതായി കേന്ദ്രീയ വിദ്യാലയം വ്യക്തമാക്കി. പ്രാഥമിക അന്വേഷണം നടത്താൻ മൂന്നംഗ കമ്മിറ്റിയെയാണ് നിയോഗിച്ചിരിക്കുന്നത്. അധ്യപകനെ ഇതുവരെ സസ്പെൻഡ് ചെയ്യുകയോ മറ്റ് നടപടികൾ സ്വീകരിക്കുകയോ ഒന്നും ചെയ്തിട്ടില്ല.
13കാരിയെ പീഡിപ്പിച്ചു ഗർഭിണിയാക്കിയത് കാഴ്ചാപരിമിതിയുള്ള ബന്ധു; സംഭവം തുറന്നുപറഞ്ഞ് പെൺകുട്ടി
സംഭവത്തെക്കുറിച്ച് പ്രതികരിച്ച പ്രിൻസിപ്പൾ ആരോപണവിധേയനായ അധ്യാപകനെ സസ്പെൻഡ് ചെയ്യാനുള്ള അധികാരം തനിക്ക് ഇല്ലെന്നാണ് പറഞ്ഞത്. രണ്ട് അധ്യാപകരും പുറത്ത് നിന്നുള്ള മറ്റൊരു അംഗവും ഉൾപ്പെടുന്ന മൂന്നംഗ സമിതി വിഷയത്തിൽ അന്വേഷണം നടത്തി റിപ്പോർട്ട് സമർപ്പിക്കും. ഇതിന്‍റെ അടിസ്ഥാനത്തിൽ രണ്ടാം ഘട്ട അന്വേഷണത്തിൽ മാത്രമേ നടപടി സ്വീകരിക്കാനാകൂവെന്നും പ്രിൻസിപ്പൾ പറഞ്ഞു. രണ്ടാം ഘട്ട അന്വേഷണം റീജിയണൽ ഓഫീസാണ് നടത്തുക. അധ്യാപകനെതിരെ നടപടി സ്വീകരിക്കണമോ വേണ്ടയോ എന്ന് തീരുമാനിക്കുക അവരാണെന്നും അദ്ദേഹം പറയുന്നു,
തന്‍റെ പിറന്നാൾ ദിവസം ക്ലാസിൽ വെച്ച് സഹപാഠികൾക്ക് ചോക്ലേറ്റ് നൽകുമ്പോൾ അധ്യാപകൻ മോശമായി സ്പർശിച്ചിരുന്നെന്നാണ് പരാതിക്കാരിൽ ഒരാൾ പറയുന്നത്. നിലവിൽ ഇവർക്ക് 28 വയസുണ്ട്. ലൈംഗിക പീഡനക്കേസിൽ ചെന്നൈയിൽ മറ്റൊരു അധ്യാപകൻ ഈയടുത്ത് അറസ്റ്റിലായിരുന്നു. ഈ സാഹചര്യത്തിൽ യുവതി തനിക്കുണ്ടായ ദുരനുഭവത്തെക്കുറിച്ച് സോഷ്യൽ മീഡിയയിൽ വിവരിച്ചിരുന്നു. ഈ സമയത്താണ് നിരവധിപ്പേർ സമാന അനുഭവം പങ്കുവെച്ച് തന്നെ സമീപിച്ചതെന്നും യുവതി പറയുന്നു.
7 മാസം പ്രായമുള്ള കുട്ടിയെ അമ്മ ക്രൂരമായി മർദ്ദിച്ചു; വീഡിയോ പ്രചരിച്ചതിന് പിന്നാലെ കുട്ടിയെ രക്ഷപ്പെടുത്തിഎന്നോടും എന്‍റെ സുഹൃത്തുക്കളോടും നിരവധിപ്പേരാണ് സമാന അനുഭവം പങ്കുവെച്ചത്. കേന്ദ്രീയ വിദ്യാലയത്തിലെ ഈ അധ്യാപകനിൽ നിന്ന് നേരിടേണ്ടി വന്ന ലൈംഗിക ചൂഷണത്തെക്കുറിച്ച് തന്നെയായിരുന്നു അവരും സംസാരിച്ചത്. അന്ന് എന്താണ് സംഭവിക്കുന്നതെന്ന് തനിക്ക് അറിയില്ലെന്നായിരുന്നു ഒരു പരാതിക്കാരി പറയുന്നത്. രക്ഷിതാക്കൾ ഇതറിഞ്ഞാൽ എങ്ങനെ പ്രതികരിക്കുമെന്ന ഭയം ഉണ്ടായിരുന്നെന്നും അവർ പറയുന്നു. ശരീരത്തിന്‍റെ പല ഭാഗങ്ങളിലും അധ്യാപകൻ സ്പർശിച്ചിരുന്നെന്നും ഇവർ പറയുന്നു.
തങ്ങളോട് മോശമായി പെരുമാറിയ അധ്യാപകൻ ഇന്നും സ്കൂളിലുണ്ട്. ഇപ്പോഴത്തെക്കുട്ടികളോടും അദ്ദേഹം മോശമായി പെരുമാറുന്നുണ്ടാകും, ഭയം കൊണ്ട് അവർ പറയാതിരിക്കുകയാകുമെന്നും മറ്റൊരു യുവതി പരാതിയിൽ പറയുന്നു.
ഒറ്റപ്രസവത്തിലെ 4 കുഞ്ഞുങ്ങൾ; അദൃശ്യയും സഹോദരങ്ങളും സ്‌കൂളിലേക്ക്…
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : 22 ex-kendriya vidyalaya students filed a complaint against a teacher in chennai
Malayalam News from malayalam.samayam.com, TIL Network
