പോലീസുകാരൻ സ്വയം വെടിവെച്ച് ജീവനൊടുക്കി

Authored by Samayam Desk | Samayam Malayalam | Updated: 16 Oct 2022, 6:10 pm

ഛത്തീസ്ഗഡിൽ പോലീസുകാരൻ സ്വയം വെടിവെച്ച് ജീവനൊടുക്കി. ബിലാസ്പൂർ സ്വദേശി വെദ്രം രാജ് ആണ് മരിച്ചത്. പോലീസ് ക്യാമ്പിൽ ഇന്ന് രാവിലെ ഏഴുമണിയോടെയാണ് സംഭവം..

Chhattisgarh Constable Suicide — പ്രതീകാത്മക ചിത്രം.

ഹൈലൈറ്റ്:

പോലീസ് കോൺസ്റ്റബിൾ സ്വയം വെടിവെച്ചു ജീവനൊടുക്കി.
സംഭവം ഛത്തീസ്ഗഡിൽ.
ആത്മഹത്യയ്ക്കുള്ള കാരണം അവ്യക്തം.

രാജ്നന്ദ്ഗാവ്: ഛത്തീസ്ഗഡിലെ ചൗക്കിയിൽ പോലീസ് കോൺസ്റ്റബിൾ സ്വയം വെടിവെച്ചു ജീവനൊടുക്കി. ബിലാസ്പൂർ സ്വദേശിയായ വെദ്രം രാജ് ആണ് സർവീസ് തോക്ക് ഉപയോഗിച്ചു സ്വയം വെടിവെച്ചു ആത്മഹത്യ ചെയ്തത്. ആത്മഹത്യയ്ക്കുള്ള കാരണം അവ്യക്തമാണ്. സംഭവസ്ഥലത്തുനിന്ന് ആത്മഹത്യാക്കുറിപ്പ് കണ്ടെത്തിയിട്ടില്ല.

പ്രായപൂര്‍ത്തിയാകാത്ത സഹപാഠിയെ വിവാഹം ചെയ്ത് ഗര്‍ഭിണിയായ കോളജ് വിദ്യാര്‍ഥിനി അറസ്റ്റില്‍

രാജ്നന്ദ്ഗാവ് ജില്ലയിലെ ഔന്ദിയ്ക്കു സമീപമുള്ള ദോമിക്കലയിലെ പോലീസ് ക്യാമ്പിൽ ഇന്ന് രാവിലെ ഏഴുമണിയോടെയാണ് സംഭവം. കോൺസ്റ്റബിളായ വെദ്രം രാജ് സർവീസ് തോക്ക് ഉപയോഗിച്ചു സ്വയം വെടിവെക്കുകയായിരുന്നു. വെടിയൊച്ച കേട്ടു സഹപ്രവർത്തകർ ഓടിയെത്തുകയായിരുന്നു. എന്നാൽ രക്തത്തിൽ കുളിച്ചു കിടക്കുന്ന വെദ്രം രാജിനെയാണ് കണ്ടത്. മൃതദേഹം പോസ്റ്റുമോർട്ടത്തിനായി ആശുപത്രിയിലേക്ക് മാറ്റി.

വെള്ളി പാദസരം മോഷ്ടിക്കാന്‍ 108 കാരിയുടെ കാല്‍പാദം വെട്ടിമാറ്റി, കൊടുംക്രൂരത

ഈ മാസം ഏഴിന് ഛത്തീസ്ഗഡ് ആംഡ് ഫോഴ്സിലെ കോൺസ്റ്റബിളും സ്വയം വെടിവെച്ചു ജീവനൊടുക്കിയിരുന്നു. ബസ്തറിലെ ബീജാപ്പൂരിലുള്ള സിഎഎഫ് ക്യാമ്പിൽ രാത്രി 11 മണിയോടെയായിരുന്നു സംഭവം. മധ്യപ്രദേശ് സ്വദേശിയാണ് മരിച്ചത്. സംഭവസ്ഥലത്തുവെച്ചു തന്നെ കോൺസ്റ്റബിൾ മരിച്ചുവെന്ന് ഉന്നത ഉദ്യോഗസ്ഥർ അറിയിച്ചിരുന്നു. കോൺസ്റ്റബിളിൻ്റെ ആത്മഹത്യയിൽ പോലീസ് കേസെടുത്തിരുന്നു.