തുറിച്ചു നോക്കിയത് ഇഷ്ടപ്പെട്ടില്ല; യുവാവിനെ മൂന്നംഗ സംഘം ഇടിച്ചുകൊന്നു

Authored by

| Samayam Malayalam | Updated: 25 Oct 2022, 9:10 am

സംഭവ സമയത്ത് യുവാവ് ഒരു സുഹൃത്തിനൊപ്പം സംസാരിച്ച് നില്‍ക്കുകയായിരുന്നു. ഈ സമയം തുറിച്ചുനോക്കിയെന്ന് ആരോപിച്ച് മൂന്നംഗ സംഘവും യുവാവും തമ്മില്‍ തര്‍ക്കം ഉണ്ടാകുകയായിരുന്നു.

ഹൈലൈറ്റ്:

സംഭവസ്ഥലത്ത് തന്നെ യുവാവ് കുഴഞ്ഞ് വീണു
യുവാവിനെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല
മൂന്ന് പ്രതികളെയും അറസ്റ്റ് ചെയ്ത് കോടതിയില്‍ ഹാജരാക്കി

മുംബൈ: തുറിച്ചു നോക്കിയത് ഇഷ്ടപ്പെടാതിരുന്നതിന് 28 കാരനെ മൂന്നംഗ സംഘം ഇടിച്ചുകൊന്നു. മുംബൈയില്‍ ഞായറാഴ്ച പുലര്‍ച്ചെയാണ് മാട്ടുംഗയിലെ ഒരു റെസ്റ്റോറന്റിന് സമീപം സംഭവം നടന്നത്. പ്രതികളെ തുറിച്ച് നോക്കിയെന്ന് ആരോപിച്ച് ഉണ്ടായ തര്‍ക്കമാണ് അടിപിടിയിലേക്കും പിന്നീട് കൊലപാതകത്തിലേക്കും നയിച്ചത്. കോള്‍ സെന്റര്‍ ജീവനക്കാരനായ റോണിത് ഭലേക്കര്‍ എന്ന യുവാവാണ് കൊല്ലപ്പെട്ടത്.

Also Read: ഇനി ‘പുക ഷോ’ വേണ്ട, ഫ്രീക്കന്‍ കാറിന് കൈയ്യോടെ പൊക്കി എംവിഡി

സംഭവ സമയത്ത് യുവാവ് ഒരു സുഹൃത്തിനൊപ്പം സംസാരിച്ച് നില്‍ക്കുകയായിരുന്നു. ഈ സമയം തുറിച്ചുനോക്കിയെന്ന് ആരോപിച്ച് മൂന്നംഗ സംഘവും യുവാവും തമ്മില്‍ തര്‍ക്കം ഉണ്ടാകുകയായിരുന്നു. ബെല്‍റ്റ് ഉപയോഗിച്ചും കൈകള്‍ കൊണ്ടും മൂന്നംഗ സംഘം യുവാവിനെ മര്‍ദിച്ചു.

Also Read: ശ്യാംജിത്തിനെ കുരുക്കാൻ രണ്ട് സാക്ഷികൾ; വിഷ്ണുപ്രിയ കേസിൽ പഴുതടച്ച നീക്കങ്ങളുമായി പോലീസ്; ഇന്ന് കസ്റ്റഡിയിൽ വാങ്ങും

സംഭവസ്ഥലത്ത് തന്നെ കുഴഞ്ഞ് വീണ യുവാവിനെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല. ബെല്‍റ്റു കൊണ്ടുള്ള അടിയേറ്റ് തലയ്ക്കും മുറിവുണ്ടായിരുന്നു. മൂന്ന് പ്രതികളെയും അറസ്റ്റ് ചെയ്ത് കോടതിയില്‍ ഹാജരാക്കി. ഇവര്‍ക്കെതിരെ കൊലപാതകക്കുറ്റത്തിന് കേസെടുത്തിട്ടുണ്ട്.

Read Latest National News and Malayalam News

കെ എസ് യു പ്രവർത്തകരുടെ മാർച്ചിന് നേരെ പൊലീസ് അതിക്രമം ! | Kannur University |

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക