ഒരു കയ്യിൽ ബിയർ! മറുകൈയ്യിലെ കുട്ടിയെ വിട്ട് പന്ത് പിടിച്ചു, ഈ അച്ഛൻ സൂപ്പറാ…

കുട്ടിയെ വിട്ട് പന്ത് പിടിച്ച അച്ഛൻ സൂപ്പറോ? തലക്കെട്ട്‌ വായിച്ചു തെറ്റിദ്ധരിക്കേണ്ട. കുട്ടി സുരക്ഷിതയാണ്, അതും അച്ഛന്റെ കൈയിൽ തന്നെ. ഗുരുത്വാകർഷണത്തെയും ഫിസിക്സിനെയും വെല്ലുവിളിച്ച് പന്ത് പിടിച്ച അതെ കയ്യിൽ തന്നെ ഒരു സെക്കന്റിനേക്കാൾ കുറഞ്ഞ സമയം കൊണ്ട് താഴേക്ക് വീഴുന്ന മകളെയും ശരീരത്തോട് ചേർത്ത് പിടിച്ചു. അപ്പോഴും മറുകയ്യിൽ ഗ്ലാസിൽ പിടിച്ചിരിക്കുന്ന ബിയർ ഭദ്രം.



കഴിഞ്ഞ ഞായറാഴ്ച അമേരിക്കയിൽ നടന്ന ബേസ്ബോൾ മത്സരത്തിനിടയാണ് സംഭവം. ആരിസോണയിലെ ഫിനിക്‌സിൽ ഡയമണ്ട്ബാക്ക്സ്-ജയന്റ്സ് ബേസ് ബോൾ മത്സരത്തിന്റെ കാണികളുടെ അടുത്തേക്ക് പറന്നെത്തിയ പന്താണ് പിതാവ് സാഹസികമായി കൈക്കലാക്കിയത്. സംഭവത്തിന്റെ വീഡിയോ സമൂഹ മാധ്യമങ്ങളിൽ വൈറലാണ്.

രണ്ട് വിരൽ മുറിച്ചു, വെള്ളിയിൽ കൊമ്പൻ പല്ലും! മനുഷ്യപിശാചിന്റെ ലുക്ക് നേടാൻ മൈക്കൽ എന്തും ചെയ്യും

താൻ ഇരിക്കുന്ന ഭാഗത്തേക്ക് പന്ത് വരുന്നുണ്ട് എന്ന് കണ്ട പിതാവ് ഉടനെ എഴുന്നേറ്റ് നിന്നു. പന്ത് അടുത്തെത്തിയപ്പോൾ ഇടതുകൈയിൽ തന്റെ ഇടനെഞ്ചിൽ ചേർത്ത് പിടിച്ചിരുന്ന രണ്ടോ മൂന്നോ വയസ്സ് പ്രായം തോന്നിക്കുന്ന മകളെ വിട്ട് കൈ ഉയർത്തി പന്ത് കൈക്കലാക്കി പിതാവ്. ഉടൻ താഴേക്ക് ഊർന്നു പോവുകയായിരുന്ന മകളെയും തിരികെ ഇടതു കൈക്കുള്ളിലാക്കി വിദ്വാൻ. എല്ലാം നടന്നത് വെറും ഒരു സെക്കൻഡിൽ. ഈ സമയത്ത് വലതു കയ്യിലെ ഗ്ലാസിൽ നിന്നും കുറച്ചു ബിയർ തുള്ളികൾ നിലത്ത് വീണതല്ലാതെ നഷ്ടം ഒന്നുമില്ല. ഒരു വെടിക്ക് മൂന്ന് പക്ഷി.

ഞാൻ മഹാവിഷ്ണുവിന്റെ പത്താം അവതാരം, ഉടൻ ശമ്പളം വേണം

“ഒരു നിമിഷം, നിങ്ങളിത് കണ്ടോ? 1. അയാൾ കുഞ്ഞിനെ വിടുന്നു. 2. പന്ത് പിടിക്കുന്നു. 3. ഊർന്നു പോകുന്ന കുഞ്ഞിനെ വീണ്ടും പിടിക്കുന്നു. 4. ബിയർ നിലത്തുവീഴാതെ സൂക്ഷിക്കുന്നു” ഈ അടിക്കുറിപ്പുമായി ട്വിറ്ററിൽ പോസ്റ്റ് ചെയ്ത വീഡിയോ 11.6 മില്യൺ പേരാണ് കണ്ടത്. 12 സെക്കൻഡ് ദൈർഘ്യമുള്ള ക്ലിപ്പ് കണ്ടവർ പലരും ഈ അച്ഛൻ ഒരു ഭീകരനും, നായകനുമാണ് എന്ന് കുറിച്ചിട്ടുണ്ട്. മൾട്ടി ടാസ്കിങ് സിംഹം എന്നാണ് മറ്റൊരു വിശേഷണം. അതെ സമയം എങ്ങനെ ഒരു രക്ഷകർത്താവാകരുത് എന്നതിനുള്ള ഉദാഹരമാണ് ഈ അച്ഛൻ എന്ന വിമർശനവും ഉയർന്നിട്ടുണ്ട്.