കാമുകിയുടെ മകളായ 3 വയസുകാരിയെ ബലാത്സംഗം ചെയ്ത് കൊലപ്പെടുത്തി; 26കാരൻ പിടിയിൽ

ബെംഗളൂരുവിൽ 3 വയസുകാരിയെ ബലാത്സംഗം ചെയ്ത് കൊലപ്പെടുത്തി. 26കാരനായ യുവാവിനെ ബെംഗളൂരു പോലീസ് അറസ്റ്റ് ചെയ്തു. കുട്ടിയുടെ മാതാവും പ്രതിയുമായി കഴിഞ്ഞ ഒരുവർഷമായി ബന്ധമുണ്ടായിരുന്നു. ഇവർ സമീപത്തെ ഗാർമെന്റ് ഫാക്ടറിയിൽ ജോലിക്ക് പോകുമ്പോൾ യുവാവായിരുന്നു കുട്ടിയെ നോക്കിയിരുന്നത്. ചൊവ്വാഴ്ചയും സമാനമായ രീതിയിൽ പെൺകുട്ടിയെ യുവാവിന്റെ അടുത്താക്കിയ ശേഷം മാതാവ് ജോലിക്ക് പോയി. ആ സമയം കഞ്ചാവ് ലഹരിയിൽ ആയിരുന്ന യുവാവ് കുട്ടിയെ പീഡിപ്പിച്ച് കൊലപ്പെടുത്തുകയായിരുന്നു.

ഹൈലൈറ്റ്:

3 വയസുകാരിയെ ബലാത്സംഗം ചെയ്ത് കൊലപ്പെടുത്തി
26കാരനായ യുവാവ് അറസ്റ്റിൽ
ബെംഗളൂരുവിലാണ് സംഭവം

ബെംഗളൂരു: 3 വയസുകാരിയെ ബലാത്സംഗം ചെയ്ത് കൊലപ്പെടുത്തിയ യുവാവ് പിടിയിൽ. ബെംഗളൂരുവിലാണ് സംഭവം. 26കാരനായ യുവാവാണ് പിടിയിലായത്. ലഹരിക്കടിമയാണ് പ്രതിയെന്ന് പോലീസ് പറഞ്ഞു. കുറ്റകൃത്യം നടക്കുമ്പോൾ പ്രതി കഞ്ചാവ് ലഹരിയിലായിരുന്നു. സൗത്ത് ബെംഗളൂരുവിലെ കാമാക്ഷിപ്പാളയ പോലീസ് സ്‌റ്റേഷൻ പരിധിയിലാണ് കൊലപാതകം നടന്നത്.

3 വയസുകാരിയും മാതാവും തനിച്ചായിരുന്നു താമസം. പ്രതിയായ യുവാവുമായി കഴിഞ്ഞ ഒരു വർഷമായി പെൺകുട്ടിയുടെ അമ്മയ്ക്ക് ബന്ധമുണ്ടായിരുന്നു. സമീപത്തെ ഒരു ഗാർമെന്റ് ഫാക്ടറിയിലായിരുന്നു ഇവർ ജോലി ചെയ്തിരുന്നത്. മാതാവ് ജോലിക്ക് പോകുന്ന സമയങ്ങളിൽ പ്രതിയായ യുവാവാണ് കുട്ടിയെ നോക്കിയിരുന്നത്. ഇക്കഴിഞ്ഞ ചൊവ്വാഴ്ചയും സമാനമായ രീതിയിൽ കുട്ടിയെ യുവാവിന് ഏൽപ്പിച്ച ശേഷം ജോലിക്ക് പോയതായിരുന്നു കുട്ടിയുടെ മാതാവ്. എന്നാൽ കഞ്ചാവ് ലഹരിയിലായിരുന്ന യുവാവ് 3 വയസുകാരിയെ ക്രൂരമായി ബലാത്സംഗം ചെയ്ത് കൊലപ്പെടുത്തുകയായിരുന്നു. പോക്‌സോ ആക്ടിലെ വിവിധ വകുപ്പുകൾ പ്രകാരം യുവാവിനെതിരെ കേസെടുത്തു. ചൊവ്വാഴ്ച രാത്രിയോടെ തന്നെ ഇയാളെ പോലീസ് അറസ്റ്റ് ചെയ്തിരുന്നു.

അതിനിടെ കർണാടകയിലെ കൽബുർഗിയിൽ മകളെ പീഡിപ്പിച്ച് ഗർഭിണിയാക്കിയ പിതാവ് ഒളിവിൽ പോയി. 13കാരിയായ മകളെയാണ് പിതാവ് പീഡിപ്പിച്ച് ഗർഭിണിയാക്കിയത്. തുടർച്ചയായി ഛർദ്ദി അനുഭവപ്പെട്ടതിനെ തുടർന്ന് ആശുപത്രിയിൽ ചികിത്സ തേടിയെത്തിയപ്പോഴാണ് പെൺകുട്ടി ഗർഭിണിയാണെന്ന വിവരം വീട്ടുകാർ അറിയുന്നത്. തുടർന്ന് വീട്ടുകാർ ചോദ്യം ചെയ്തതോടെ പിതാവിൽ നിന്നും നിരന്തരം ഏൽക്കേണ്ടി വന്ന പീഡനത്തെക്കുറിച്ച് പെൺകുട്ടി തുറന്ന് സമ്മതിക്കുകയായിരുന്നു. ബന്ധുക്കൾ പോലീസിനെ സമീപിച്ചതോടെ പ്രതി ഒളിവിൽ പോയി. പ്രതിക്കായി തെരച്ചിൽ ഊർജ്ജിതമാക്കിയതായി പോലീസ് വ്യക്തമാക്കി.

Read Latest National News and Malayalam News

‘അമ്മേ, അടിക്കല്ലേ’; കരഞ്ഞുപറഞ്ഞ് നാലരവയസുകാരി; വടികൊണ്ട് പൊതിരെ തല്ലി അമ്മൂമ്മ