16കാരനെ വർഷങ്ങളായി പീഡിപ്പിച്ചത് 32കാരി; അശ്ലീല ദൃശ്യങ്ങൾ കാണിച്ചും മദ്യം നൽകിയും ലൈംഗികമായി ഉപദ്രവിച്ചു, അമ്മയുടെ പരാതിയിൽ കേസെടുത്തു

Jibin George | Samayam Malayalam | Updated: 30 Jan 2023, 7:32 pm

മുംബൈ താനെ സ്വദേശിയായ പതിനാറുകാരനെ യുവതി മൂന്ന് വർഷത്തോളം ലൈംഗികമായി പീഡിപ്പിച്ചുവെന്നാണ് പരാതി. മൂന്ന് കുട്ടികളുടെ അമ്മയായ ഇവർ പതിനാറുകാരൻ്റെ ബന്ധുവിൻ്റെ അയൽവാസിയാണ്

Case Against Woman — പ്രതീകാത്മക ചിത്രം. Photo: TOI

ഹൈലൈറ്റ്:

പ്രായപൂർത്തിയാകാത്ത ആൺകുട്ടിക്ക് ലൈംഗിക പീഡനം.
32കാരിക്കെതിരെ പോലീസ് കേസെടുത്തു.
ആൺകുട്ടിയുടെ അമ്മയുടെ പരാതിയിലാണ് കേസ്.

മുംബൈ: പ്രായപൂർത്തിയാകാത്ത ആൺകുട്ടിയെ മൂന്ന് വർഷത്തോളം ലൈംഗിമായി പീഡിപ്പിച്ച യുവതിക്കെതിരെ കേസ്. മഹാരാഷ്ട്ര നാസിക് സ്വദേശിനിയായ 32കാരിയാണ് പതിനാറുകാരനെതിരെ ലൈംഗികാതിക്രമം നടത്തിയത്. കുട്ടിയുടെ അമ്മയുടെ പരാതിയിൽ യുവതിക്കെതിരെ കോല്‍സേവാഡി പോലീസ് കേസെടുത്തു. പോക്‌സോ അടക്കമുള്ള വകുപ്പുകള്‍ ചുമത്തിയാണ് കേസ് രജിസ്റ്റർ ചെയ്തിരിക്കുന്നത്.

പോലീസുകാരെന്ന് ഭാവിച്ച് അടുത്തുകൂടി; 17കാരിയെ കൂട്ടബലാത്സംഗത്തിന് ഇരയാക്കി

മുംബൈ താനെ സ്വദേശിയായ പതിനാറുകാരനെ യുവതി മൂന്ന് വർഷത്തോളം ലൈംഗികമായി പീഡിപ്പിച്ചുവെന്നാണ് പരാതി. മൂന്ന് കുട്ടികളുടെ അമ്മയായ ഇവർ പതിനാറുകാരൻ്റെ ബന്ധുവിൻ്റെ അയൽവാസിയാണ്. മുംബൈയിൽ എത്തിയിരുന്ന യുവതി ആൺകുട്ടിയുമായി സൗഹൃദം സ്ഥാപിക്കുകയും തുടർന്ന് ലൈംഗികമായി ഉപയോഗിക്കുകയും ചെയ്തുവെന്നാണ് പരാതിയിൽ പറയുന്നതെന്ന് കോല്‍സേവാഡി പോലീസിനെ ഉദ്ധരിച്ച് വിവിധ മാധ്യമങ്ങൾ റിപ്പോർട്ട് ചെയ്തു.

2009 മുതൽ 2022 ഡിസംബർ വരെ യുവതി കുട്ടിയെ ലൈംഗികമായി പീഡിപ്പിച്ചുവെന്ന് പരാതിയിൽ വ്യക്തമാക്കുന്നുണ്ട്. ലൈംഗിക പീഡനത്തിന് പുറമെ അശ്ലീല വീഡിയോ ദൃശ്യങ്ങൾ കുട്ടിയെ കാണിക്കുകയും മദ്യം നൽകിയതായും പരാതിയിലുണ്ട്. സ്കൂളിൽ പോകാതെ കുട്ടി പലപ്പോഴും നാസിക്കിൽ എത്തി യുവതി കണ്ടിരുന്നതായും അമ്മയുടെ പരാതിയിൽ വ്യക്തമാക്കുന്നുണ്ട്.

4 വയസുകാരനെ ലൈംഗികമായി പീഡിപ്പിച്ച് കൊന്നു; എൻജിനീയറിങ് വിദ്യാർഥി പിടിയിൽ

കുട്ടിയുടെ അമ്മയുടെ പരാതിയിൽ കേസെടുത്തതായി പോലീസ് പറഞ്ഞു. പോക്‌സോ, ജുവനൈൽ ജസ്റ്റിസ് നിയമത്തിലെ പ്രസക്തമായ വകുപ്പുകൾ പ്രകാരമാണ് യുവതിക്കെതിരെ കേസെടുത്തതെന്ന് പോലീസ് പറഞ്ഞു. കേസിൽ അന്വേഷണം തുടരുകയാണെന്നും ആരെയും ഇതുവരെ അറസ്റ്റ് ചെയ്തിട്ടില്ലെന്നും പോലീസ് പറഞ്ഞു.