87 വയസുള്ള ബാലകൃഷ്ണനും 80 വയസുള്ള ശാരദാമ്മയുമാണ് വീഡിയോയിലെ താരങ്ങൾ. അൽഷിമേഴ്സ് രോഗം കാരണം മുത്തച്ഛൻ്റെ ഓർമ്മ നഷ്ടപ്പെട്ടു. നിരവധി പേരാണ് വീഡിയോ ഇതുവരെ കണ്ടത്.
പ്രായമായ മുത്തശ്ശന് മുത്തശ്ശി ഭക്ഷണം വാരി നൽകുന്നതാണ് വീഡിയോ. ദമ്പതികളായ പി.എൽ ശാരദാമ്മയും എം.ആർ ബാലകൃഷ്ണനുമാണ് വീഡിയോയിലെ താരങ്ങൾ. ഏകദേശം 60 വർഷമായി ഇവരുടെ വിവാഹം കഴിഞ്ഞിട്ട്. പരസ്പരം ഏറെ സ്നേഹവും കരുതലും നൽകുന്ന ഈ മുത്തശ്ശനും മുത്തശ്ശിയും എല്ലാവർക്കും ഒരു മാതൃകയാണ്.
ആൽഷിമേഴ്സ് രോഗം കാരണം ബുദ്ധിമുട്ടുന്നയാളാണ് ബാലകൃഷ്ണൻ. ഭാര്യയെ മാത്രമേ അദ്ദേഹത്തിന് ഇപ്പോൾ ഓർമ്മയുള്ളൂ. കൊച്ചുമകൻ്റെ വിവാഹ ഉറപ്പിക്കൽ ചടങ്ങിൽ നിന്നുള്ള ഈ കാഴ്ച യാദൃശ്ചികമായാണ് ക്യാമറാമാൻ പകർത്തിയത്. ഇൻസ്റ്റഗ്രാമിൽ പങ്കുവെച്ച വീഡിയോ നിമിഷ നേരം കൊണ്ടാണ് കാഴ്ചക്കാരുടെ ഹൃദയം കീഴടക്കിയത്.
Also Read:
സതീരത്‌നവും കൂട്ടുകാരും അവരുടെ സ്വപ്‌നം സാക്ഷാത്കരിച്ചു; ആഹ്ളാദ തിമിർപ്പിൽ കുടുംബശ്രീ ചേച്ചിമാർ
87 വയസായ മുത്തച്ഛനെ ഏറെ സ്നേഹത്തോടെയും കരുതലോടെയുമാണ് 80 വയസായ മുത്തശ്ശി ശുശ്രൂഷിക്കുന്നതെന്ന് തന്നെ പറയാം. കൊച്ചുമകൻ അക്ഷയുടെ വിവാഹ ഉറപ്പിക്കൽ ചടങ്ങിനിടെ ആണ് മുത്തശ്ശി ഒരു കൊച്ചു കുഞ്ഞിനെ പോലെ സ്നേഹത്തോടെ മുത്തച്ഛന് സദ്യ വാരി കൊടുത്തത്. ആരോടും ഒരു പരിഭവും പരാതിയുമില്ലാതെ അവരുടേതായ ലോകത്തിലാണ് അവർ ഇരിക്കുന്നതെന്ന് ഒരുപക്ഷെ തോന്നി പോകും. എന്തായാലും വീഡിയോ 11 മില്യണിൽ അധികം ആളുകളാണ് ഇതുവരെ കണ്ടത്. aba zeons എന്ന ഇൻസ്റ്റഗ്രാം പേജിലൂടെ ആണ് വീഡിയോ പുറത്ത് വന്നത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
