റക്ടറേറ്റ് ഓഫ് പാസ്‌പോര്‍ട്ട്‌സ് (ജവാസാത്ത്) വ്യക്തമാക്കി. എന്നു മാത്രമല്ല, ഈ വിസയില്‍ രാജ്യം വിടാന്‍ ആഗ്രഹിക്കുന്ന വ്യക്തിയുടെ പേരില്‍ രജിസ്റ്റര്‍ ചെയ്ത വാഹനങ്ങള്‍ ഉണ്ടെങ്കില്‍ അവര്‍ക്ക് ഫൈനല്‍ എക്‌സിറ്റ് വിസ ലഭിക്കില്ല. അതിന്റെ രജിസ്‌ട്രേഷന്‍ മറ്റൊരാളിലേക്കു മാറ്റുകയോ വാഹനം മറ്റൊരാള്‍ക്ക് വില്‍ക്കുകയോ മറ്റോ ചെയ്യണം.
കാലാവധി വിസ ലഭിച്ച് 60 ദിവസം
അതോടൊപ്പം ഫൈനല്‍ എക്‌സിറ്റ് വിസയ്ക്ക് അപേക്ഷ നല്‍കുന്ന വ്യക്തിയുടെ പേരില്‍ നേരത്തേ ലഭിച്ച ഉപയോഗിച്ചിട്ടില്ലാത്ത മറ്റൊരു വിസ ഉണ്ടായിരിക്കാനും പാടില്ല. വിസ ഇഷ്യൂ ചെയ്യപ്പെടുന്ന ദിവസം തൊട്ട് 60 ദിവസമായിരിക്കും ഫൈനല്‍ എക്‌സിറ്റ് വിസയുടെ കാലാവധി. ഈ കാലയളവിനുള്ളില്‍ സൗദിയില്‍ നിന്ന് പുറത്തുകടന്നിരിക്കണം എന്നും വ്യവസ്ഥയുണ്ട്. ഈ വിസയ്ക്ക് അപേക്ഷ നല്‍കുമ്പോള്‍ അപേക്ഷകന്‍ സൗദിയില്‍ ഉണ്ടായിരിക്കണം എന്നതാണ് മറ്റൊരു വ്യവസ്ഥ. നാട്ടിലുള്ള ഒരാള്‍ക്ക് അവിടെ ഇരുന്നു കൊണ്ട് ഫൈനല്‍ എക്‌സിറ്റ് വിസയ്ക്ക് അപേക്ഷിക്കാനാവില്ല. അപേക്ഷിക്കുന്ന സമയത്ത് പാസ്‌പോര്‍ട്ടിന് ചുരുങ്ങിയത് 60 ദിവസത്തെ കാലാവധി ഉണ്ടായിരിക്കണമെന്നും വ്യവസ്ഥയുണ്ട്.
ഫൈനല്‍ എക്‌സിറ്റ് വിസ സൗജന്യം
ഫൈനല്‍ എക്‌സിറ്റ് വിസയ്ക്കുള്ള അപേക്ഷയ്ക്ക് പ്രത്യേക ഫീസൊന്നും ഈടാക്കില്ല. അതേസമയം, ഈ വിസയ്ക്കായി നല്‍കിയ അപേക്ഷ കാന്‍സല്‍ ചെയ്യണമെങ്കില്‍ 100 റിയാല്‍ കാന്‍സലേഷന്‍ ഫീസ് നല്‍കണം. ഇനി ഈ വിസയില്‍ രാജ്യം വിട്ട ഒരാള്‍ക്ക് പുതിയൊരു വിസയില്‍ മാത്രമേ സൗദിയിലേക്ക് തിരികെ വരാനാവൂ എന്നും ജവാസാത്ത് അറിയിച്ചു. ജീവനക്കാരന് ജോലി മതിയാക്കി നാട്ടിലേക്ക് പോകാനുള്ള ഫൈനല്‍ എക്‌സിറ്റ് വിസ നല്‍കുന്നതിന് തൊഴിലുടമയ്ക്ക് എന്തെങ്കിലും തടസ്സ വാദമുണ്ടെങ്കില്‍ അത് വിസ ഇഷ്യൂ ചെയ്യുന്നതിന് മുമ്പ് തന്നെ അധികൃതരെ അറിയിക്കണം. വിസ നല്‍കിക്കഴിഞ്ഞാല്‍ അത്തരം പരാതികള്‍ സ്വീകരിക്കില്ല.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : final exit visa linked to bill payment at saudi arabia
Malayalam News from malayalam.samayam.com, TIL Network
