Sumayya P | Samayam Malayalam | Updated: 01 Jun 2021, 10:10:15 AM
സൈക്കിള്‍ യാത്രക്കാരുടെ സൗകര്യത്തിനായി 80 സൈക്കിള്‍ പാര്‍ക്കിംഗ് പോയിന്റുകള്‍ വിശ്രമിക്കുന്നതിനായുള്ള 100 ബെഞ്ചുകള്‍ 20 പ്രത്യേക വിശ്രമ സ്ഥലങ്ങള്‍ എന്നിവയും പാതയുടെ വിവിധ ഭാഗങ്ങളിലായി ഒരുക്കിയിട്ടുണ്ട്
പാതയില്‍ 18 അണ്ടര്‍ പാസ്സുകളും
എവിടെയും സൈക്ലിംഗ് തടസ്സപ്പെടാതിരിക്കുന്നതിനായി പാതയില്‍ 18 അണ്ടര്‍ പാസുകള്‍ നിര്‍മിച്ചതായും അദ്ദേഹം പറഞ്ഞു. സൈക്കിള്‍ യാത്രക്കാരുടെ സൗകര്യത്തിനായി 80 സൈക്കിള്‍ പാര്‍ക്കിംഗ് പോയിന്റുകള്‍ വിശ്രമിക്കുന്നതിനായുള്ള 100 ബെഞ്ചുകള്‍ 20 പ്രത്യേക വിശ്രമ സ്ഥലങ്ങള്‍ എന്നിവയും പാതയുടെ വിവിധ ഭാഗങ്ങളിലായി ഒരുക്കിയിട്ടുണ്ട്. അതിനു പുറമെ, ഉപയോക്താക്കളുടെ സുരക്ഷ മുന്‍നിര്‍ത്തി ആറ് സൈക്ലിംഗ് കൗണ്ടറുകളും ഇവിടെ ഒരുക്കിയിട്ടുണ്ട്. നാലെണ്ണം ഒളിംപിക് ട്രാക്കിലും രണ്ടെണ്ണം പുതിയ ട്രാക്കിലുമാണുള്ളത്. തിയ്യതി, സമയം, കാലാവസ്ഥ, അന്തരീക്ഷ ഉഷ്മാവ്, തുടങ്ങിയ വിവരങ്ങള്‍ ഇവിടെ സ്ഥാപിച്ചിട്ടുള്ള ഉപകരണങ്ങളില്‍ നിന്ന് ലഭിക്കും. മഞ്ഞ് പോലുള്ള പാതയിലെ അപകട സാധ്യതാ മുന്നറിയിപ്പുകള്‍, എന്തെങ്കിലും അപകടം നടന്നിട്ടുണ്ടെങ്കില്‍ അതേക്കുറിച്ചുള്ള അറിയിപ്പ് ഉള്‍പ്പെടെയുള്ള സുരക്ഷാ വിവരങ്ങളും ഇവിടെ ലഭിക്കും. പാതയില്‍ കൂടി കടന്നുപോകുന്ന സൈക്കിളുകളുടെ കണക്ക് കൃത്യമായി മനസ്സിലാക്കാനും അതുമായി ബന്ധപ്പെട്ട ഡാറ്റാബേസ് ഉണ്ടാക്കാനുമുള്ള ഉപകരണങ്ങളും ഇവിടെ ഒരുക്കിയിട്ടുണ്ട്. അതോടൊപ്പം ഖത്തറില്‍ നടക്കുന്ന പ്രധാന കായിക പരിപാടികളുടെ പരസ്യവും ഇവിടെ പ്രദര്‍ശിപ്പിക്കും.
ലോക റെക്കോര്‍ഡ് നേടി ഒളിംപിക്‌സ് സൈക്ലിംഗ് ട്രാക്ക്
33 കിലോമീറ്ററില്‍ ഏഴ് മീറ്റര്‍ വീതിയില്‍ 2020ല്‍ നിര്‍മിച്ച ഒളിംപിക് സൈക്ലിംഗ് ട്രാക്ക് ലോക ശ്രദ്ധ പിടിച്ചുപറ്റിയിരുന്നു. അന്താരാഷ്ട്ര സൈക്ലിംഗ് ചാംപ്യന്‍ഷിപ്പുകള്‍ ഉള്‍പ്പെടെ നടത്താനുള്ള സൗകര്യങ്ങളോടെ നിര്‍മിച്ച ഈ പാതയില്‍ മണിക്കൂറില്‍ 50 കിലോമീറ്റര്‍ വേഗതയില്‍ വരെ സൈക്കിളോടിക്കാന്‍ അനുമതിയുണ്ട്. ഇടതടവില്ലാത്ത സൈക്കിള്‍ സവാരി സാധ്യമാക്കുന്നതിന് 29 ടണലുകളും അഞ്ച് പാലങ്ങളും ഈ ട്രാക്കില്‍ പണികഴിപ്പിച്ചിട്ടുണ്ട്. ഇതുവഴി ഖത്തറിലെ പ്രധാന സ്‌പോര്‍ട്‌സ് സ്‌റ്റേഡിയങ്ങളായ ലുസൈല്‍, അല്‍ ബൈത്ത്, അല്‍ റയ്യാന്‍ എന്നിവിടങ്ങളിലേക്കും ലുസൈല്‍ സ്‌പോര്‍ട്‌സ് കോംപ്ലക്‌സ്, ദോഹ ഗോള്‍ഫ് ക്ലബ്, അല്‍ ഖോര്‍ സ്‌പോര്‍ട്‌സ് ക്ലബ്ബ്, അല്‍ ഖോര്‍ യൂത്ത് സെന്റര്‍ തുടങ്ങിയ കായിക കേന്ദ്രങ്ങളിലേക്കും എളുപ്പത്തില്‍ എത്തിച്ചേരാനും സാധിക്കും. 2020ല്‍ ഏറ്റവും നീളമേറിയ സൈക്ലിംഗ് പാതയ്ക്കുള്ള ലോക റെക്കോഡിന് ഇത് അര്‍ഹമായിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : ashghal opens 38 km shared pedestrian cycling path on al khor road
Malayalam News from malayalam.samayam.com, TIL Network
