ചെന്നൈ: തന്നെ ഉപേക്ഷിച്ച് മറ്റൊരു പെൺകുട്ടിയുമായുള്ള വിവാഹത്തിനൊരുങ്ങിയ കാമുകന്റെ ദേഹത്ത് ചൂടെണ്ണയൊഴിച്ച് പെൺകുട്ടി. തമിഴ്‌നാട്ടിലെ ഈറോഡിലാണ് സഭവം. 27കാരനായ കാമുകന്റെ ദേഹത്ത് ചൂടെണ്ണയൊഴിച്ച പെൺകുട്ടിയെ പോലീസ് അറസ്റ്റ് ചെയ്തു. ഈറോഡ് വർണാപുരം സ്വദേശിയായ കാർത്തിക്ക് നേരെയാണ് ആക്രമണം ഉണ്ടായത്. പെരുന്തുരൈയിലെ സ്വകാര്യ കമ്പനി ജീവനക്കാരനായിരുന്നു കാർത്തി.
ബന്ധു കൂടിയായ മീനാ ദേവിയെന്ന പെൺകുട്ടിയുമായി കാർത്തി ഇഷ്ടത്തിലായിരുന്നു. വിവാഹ വാഗ്ദാനം നൽകി കാർത്തി തന്നെ വഞ്ചിച്ചുവെന്നാണ് മീനാ ദേവിയുടെ ആരോപണം. തന്നെ ഉപേക്ഷിച്ച് മറ്റൊരു പെൺകുട്ടിയെ കാമുകനായ കാർത്തി വിവാഹം ചെയ്യാൻ പോവുകയാണെന്ന് മീനാ ദേവി അറിഞ്ഞതോടെ ഇരുവരും തമ്മിൽ വഴക്കായി. തുടർന്നാണ് കാമുകന് നേരെ യുവതി തിളച്ച എണ്ണ ഒഴിച്ചത്.
തന്റെ വിവാഹം ഉറപ്പിച്ചത് മീനാ ദേവി അറിഞ്ഞെന്ന് മനസിലാക്കിയ കാർത്തി ശനിയാഴ്ച യുവതിയെ കാണാൻ എത്തിയിരുന്നു. ഇവിടെ വച്ച് ഇരുവരും തമ്മിൽ വാഗ്വാദത്തിൽ ഏർപ്പെട്ടു. തർക്കത്തിനൊടുവിൽ മീനാ ദേവിയുടെ കാർത്തിയുടെ ദേഹത്തേയ്ക്ക് തിളച്ച എണ്ണ ഒഴിക്കുകയായിരുന്നു.
കൈയ്യിലും മുഖത്തും പൊള്ളലേറ്റ കാർത്തി നിലത്തേയ്ക്ക് വീണു. യുവാവിന്റെ നിലവിളി കേട്ട് ഓടിയെത്തിയ അയൽക്കാർ ഉടൻ തന്നെ ഇയാളെ സമീപത്തെ സ്വകാര്യ ആശുപത്രിയിൽ എത്തിക്കുകയായിരുന്നു. സംഭവത്തിൽ പോലീസ് മീനാ ദേവിയെ അറസ്റ്റ് ചെയ്തു. അന്വേഷണം പുരോഗമിക്കുകയാണെന്ന് ഉദ്യോഗസ്ഥർ വ്യക്തമാക്കി.
Read Latest National News and Malayalam News
ബ്രഹ്മപുരത്ത് അടിയന്തര നടപടികൾ; ഇന്ന് മുതൽ മൊബൈൽ മെഡിക്കൽ യൂണിറ്റുകൾ, വിദ്യാഭ്യാസ സ്ഥാപനങ്ങൾക്ക് അവധികർഷകർ പറയുന്നിടത്ത് പരിശോധന വേണം
