Ken Sunny | Samayam Malayalam | Updated: 12 Jul 2021, 07:48:00 PM
ഫ്രാൻസിൽ പോം ഫ്രീറ്റ്സ് എന്നും, സ്പെയിനിൽ പറ്റാറ്റസ്‌ ഫിറിറ്റാസ് എന്നുമാണ് ഫ്രഞ്ച് ഫ്രൈസിന്റെ പേര്. ഇംഗ്ലണ്ടിൽ ചിപ്സ് എന്നതുകൊണ്ട് ഉദ്ദേശിക്കുന്നതും ഫ്രഞ്ച് ഫ്രൈസ് തന്നെ. ഇന്ത്യയടക്കമുള്ള ഭൂരിപക്ഷം രാജ്യങ്ങളിലും പേര് ഫ്രഞ്ച് ഫ്രൈസ് എന്ന് തന്നെ.
french fries
ഹൈലൈറ്റ്:
- ബെൽജിയം ആണ് ഫ്രഞ്ച് ഫ്രൈസിൻ്റെ ഉറവിടം എന്നാണ് ബെൽജിയം വാദിക്കുന്നത്.
- ഫാസ്റ്റ്ഫുഡ് ശ്രേണിയായ മക്‌ഡൊണാൾഡ്‌സ് ആണ് ലോകത്തിൽ ഏറ്റവും കൂടുതൽ ഫ്രഞ്ച് ഫ്രൈസ് വിൽക്കുന്ന സ്ഥാപനം.
- കുറഞ്ഞത് 18 തരം ഫ്രഞ്ച് ഫ്രൈസുകൾ ഇന്ന് ലോകത്തുണ്ട്.
1. പേരിൽ ഫ്രഞ്ച് എന്നുണ്ടെങ്കിലും യഥാർത്ഥത്തിൽ ഫ്രഞ്ച് ഫ്രൈസ് ഫ്രാൻസിൽ നിന്നാണോ എന്നതിന് ഉറപ്പില്ല. എന്ന് മാത്രമല്ല ബെൽജിയം ആണ് ഫ്രഞ്ച് ഫ്രൈസിൻ്റെ ഉറവിടം എന്നാണ് ബെൽജിയം വാദിക്കുന്നത്. 1781 മുതലുള്ള രേഖകളിൽ തന്നെ ബെൽജിയം ജനത ഫ്രഞ്ച് ഫ്രൈസ് കഴിച്ചു തുടങ്ങിയിരുന്നുവത്രെ. മഞ്ഞുകാലത്ത് നദിയിൽ നിന്നും മീൻ പിടിക്കാൻ ബുദ്ധിമുട്ടായതിനാൽ ഉരുളക്കിഴങ്ങ് മീനിന്റെ ആകൃതിയിൽ മുറിച്ചെടുത്താണ് ഫ്രൈ ചെയ്തു കഴിച്ചിരിക്കുന്നത്. എന്നാൽ ഫ്രഞ്ച് ഫ്രൈസ് തങ്ങൾ തന്നെ കണ്ടുപിച്ചതാണ് എന്നാണ് ഫ്രാൻസിന്റെ വാദം.
Also read: ബർഗർ വിറ്റ ബെസോസ്, പത്രമെറിഞ്ഞ ബഫറ്റ്! ശതകോടീശ്വരന്മാർ ആദ്യം ചെയ്ത ജോലികൾ
2. അങ്ങനെയെങ്കിൽ പിന്നെ എന്തുകൊണ്ട് ബെൽജിയൻ ഫ്രൈസ് എന്ന പേര് വന്നില്ല എന്നല്ലേ? ഒന്നാം ലോകമഹായുദ്ധസമയത്ത് ബെൽജിയൻ സേനയുടെ ഭാഷ ഫ്രഞ്ച് ആയിരുന്നു. തന്മൂലം ബെൽജിയത്തിലെ പലരും തങ്ങൾ ഫ്രഞ്ച്കാരണാണ് എന്ന് തെറ്റിദ്ധരിച്ചു. ഇതാണ് ഫ്രഞ്ച് ഫ്രൈസ് എന്ന പേര് വരാൻ കാരണമത്രേ. ബെൽജിയത്തിലെ നദീതീര ഗ്രാമങ്ങളിൽ ഇപ്പോൾ ‘ഫ്ലെമിഷ് ഫ്രൈസ്’ എന്നാണത്രെ ഫ്രഞ്ച് ഫ്രൈസിൻ്റെ പേര്.
3. വിവിധ രാജ്യങ്ങൾ വിവിധ പേരുകളിലാണ് ഫ്രഞ്ച് ഫ്രൈസ് അറിയപ്പെടുന്നത്. ഫ്രാൻസിൽ പോം ഫ്രീറ്റ്സ് എന്നും, സ്പെയിനിൽ പറ്റാറ്റസ്‌ ഫിറിറ്റാസ് എന്നുമാണ് ഫ്രഞ്ച് ഫ്രൈസിന്റെ പേര്. ഇംഗ്ലണ്ടിൽ ചിപ്സ് എന്നതുകൊണ്ട് ഉദ്ദേശിക്കുന്നതും ഫ്രഞ്ച് ഫ്രൈസ് തന്നെ.
French fries day
4. ഫാസ്റ്റ്ഫുഡ് ശ്രേണിയായ മക്‌ഡൊണാൾഡ്‌സ് ആണ് ലോകത്തിൽ ഏറ്റവും കൂടുതൽ ഫ്രഞ്ച് ഫ്രൈസ് വിൽക്കുന്ന സ്ഥാപനം. അമേരിക്കയിൽ ഉത്പാദിപ്പിക്കുന്ന മൊത്തം ഉരുളക്കിഴങ്ങിന്റെ 7 ശതമാനം ഫ്രഞ്ച് ഫ്രൈസ് ആയി മക്‌ഡൊണാൾഡ്‌സ് വഴി വിറ്റുപോവുന്നു.
5. ഫ്രഞ്ച് ഫ്രൈസ് ആരുടേതാണ് എന്ന തർക്കം നിലനിൽക്കുന്നുണ്ട് എങ്കിലും ബെൽജിയത്തിലെ ബ്രൂഗസിലാണ് ഫ്രഞ്ച് ഫ്രൈസ് മ്യൂസിയം പ്രവർത്തിക്കുന്നത്. ഫ്രിയറ്റ് മ്യൂസിയം എന്നാണ് ഇതിന്റെ പേര്.
Also read: കോടീശ്വരന്മാർ പോലും കഴിക്കണോ എന്ന് രണ്ടാമതൊന്ന് ചിന്തിക്കുന്ന 5 വിഭവങ്ങൾ
6. ഫ്രഞ്ച് ഫ്രൈസ് ഫാസ്റ്റ്ഫുഡ് ആണെങ്കിലും നിങ്ങൾ കരുതുന്നതിനേക്കാൾ കൂടുതൽ പോഷകഗുണമുള്ളവയാണ്. വിറ്റാമിൻ ബി6, വിറ്റാമിൻ സി, മഗ്നീഷ്യം, ഇരുമ്പ് എന്നിങ്ങനെ ഉരുളക്കിഴങ്ങിലുള്ള എല്ലാ വിറ്റാമിനുകളും ഫ്രഞ്ച് ഫ്രൈസിലുമുണ്ട്.
7. വേഫിൾ ഫ്രഞ്ച് ഫ്രൈസ്, കർലി ഫ്രൈസ് എന്നിങ്ങനെ കുറഞ്ഞത് 18 തരം ഫ്രഞ്ച് ഫ്രൈസുകൾ ഇന്ന് ലോകത്തുണ്ട്.
8. 1982ൽ ഓസ്‌ട്രേലിയയിൽ ആണ് ആദ്യത്തെ ഫ്രഞ്ച് ഫ്രൈസ് വെൻഡിങ് മെഷീൻ സ്ഥാപിച്ചത്. ഇന്ന് ചൈന, ബെൽജിയം, ഇസ്രായേൽ, സ്ലൊവാക്യ, നെതർലാൻഡ്‌സ് എന്നിങ്ങനെ വിവിധ രാജ്യങ്ങളിൽ ഫ്രഞ്ച് ഫ്രൈസ് വെൻഡിങ് മെഷീൻ പ്രവർത്തിക്കുന്നുണ്ട്.
Also read: നമ്മളെ തൈര് മുളക് തൊണ്ടാട്ടം! 5 വയസ്സുകാരൻ ദർശന്റെ ‘മാർക്കറ്റിങ്’ പാട്ട്
9. ലോകത്തിൽ ഏറ്റവും കൂടുതൽ ഫ്രഞ്ച് ഫ്രൈസ് കഴിക്കുന്ന ജനതയിൽ മുൻപന്തിയിലാണ് ബെൽജിയത്തിലെ ജനങ്ങൾ. ജനസംഖ്യയുടെ മൂന്നിലൊന്ന് സ്ഥിരമായി ഫ്രഞ്ച് ഫ്രൈസ് കഴിക്കുന്നുണ്ടത്രേ. പ്രധാനമായും മയോണൈസിൽ മുക്കിയാണ് ഫ്രഞ്ച് ഫ്രൈസ് അകത്താക്കുന്നത്.
10. നെതർലൻഡ് ‘ദേശീയ ലഘുഭക്ഷണ’മായി കണക്കാക്കുന്നതും ഫ്രഞ്ച് ഫ്രൈസ് ആണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : french fries day special; 10 amazing facts you need to know about scrumptious food
Malayalam News from malayalam.samayam.com, TIL Network
