ഗർഭിണികൾ, പ്രായമായവർ, കുട്ടികൾ, ഭിന്നശേഷിക്കാർ, അവശത അനുഭവിക്കുന്നവർ തുടങ്ങിയ വിഭാഗങ്ങളിൽപ്പെടുന്നവർ പകൽ 11 മണി മുതൽ 3 മണി വരെ നേരിട്ട് സൂര്യപ്രകാശം ഏൽക്കാതെയിരിക്കാൻ പ്രത്യേകം ശ്രദ്ധിക്കേണ്ടതുണ്ട്. ഇത്തരം വിഭാഗങ്ങൾക്ക് എളുപ്പത്തിൽ സൂര്യാഘാതം ഏൽക്കാനുള്ള സാധ്യതയുള്ളതിനാൽ ഇവരുടെ കാര്യത്തിൽ പ്രത്യേക ശ്രദ്ധ പുലർത്തുകയും വേണം.
Also Read :Kerala Lottery Result: ആര് നേടും 75 ലക്ഷം? സ്ത്രീശക്തി SS 361 ലോട്ടറി നറുക്കെടുപ്പ് ഇന്ന്
യുവതലമുറയ്ക്ക് കൂടുതൽ തൊഴിലും വരുമാനവും ഉറപ്പാക്കിയ സർക്കാർ: മന്ത്രി പി. പ്രസാദ് |Minister P. Prasad
പൊതുജനങ്ങൾ പുറത്തിറങ്ങുമ്പോൾ കുടയോ തൊപ്പിയോ ഉപയോഗിക്കാൻ ശ്രമിക്കണം. ദീർഘയാത്രകൾ ചെയ്യുന്നവർ ആവശ്യമായ വിശ്രമത്തോടെ യാത്ര തുടരുന്നതാകും നല്ലത്. വെള്ളം കയ്യിൽ കരുതുകയും വേണം. കുട്ടികളെയോ വളർത്തുമൃഗങ്ങളെയോ പാർക്ക് ചെയ്ത വാഹനങ്ങളിൽ ഇരുത്തി പോകാൻ പാടില്ലെന്നത് പ്രത്യേകം ശ്രദ്ധിക്കണം.
ഇന്നലെ ആറ് ജില്ലകളിലായിരുന്നു കേന്ദ്ര കാലാവസ്ഥാ വകുപ്പ് ഉയർന്ന താപനില മുന്നറിയിപ്പ് നൽകിയത്. പാലക്കാട്, കണ്ണൂർ, കോഴിക്കോട്, തൃശൂർ, കോട്ടയം, ആലപ്പുഴ എന്നീ ജില്ലകളിലായിരുന്നു ഇത്. ഇതിൽ പാലക്കാടും വടക്കൻ ജില്ലകളിലും ഇന്നും സമാന സാഹചര്യത്തിനാണ് സാധ്യത. അതേസമയം തെക്കൻ ജില്ലകളിൽ ഇന്ന് നേരിയ മഴയ്ക്ക് സാധ്യതയുണ്ട്.
Also Read :ആ അച്ഛന്‍റെ പ്രാർത്ഥനകള്‍ക്ക് അവനെ രക്ഷിക്കാനായില്ല; പയ്യാമ്പലത്ത് കടലിൽ കാണാതായ കുട്ടിയുടെ മൃതദേഹം കിട്ടി
തിരുവനന്തപുരം, കൊല്ലം, ആലപ്പുഴ, കോട്ടയം ജില്ലകളിലാണ് ഇന്ന് നേരിയ മഴയ്ക്ക് സാധ്യതയുള്ളത്. വ്യാഴാഴ്ചയോടെ കൂടുതൽ ജില്ലകളിൽ മഴയ്ക്ക് സാധ്യതയുണ്ട്. വ്യാഴം, വെള്ളി ദിവസങ്ങളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും 30 മുതൽ 40 കി.മീ വരെ വേഗത്തിൽ വീശിയടിക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
