മുഖത്തിന്റെ നിറവും തിളക്കവും മെച്ചപ്പെടുത്താൻ തുളസി – കറ്റാർവാഴ മാസ്ക്

ഓരോരുത്തരുടെയും ചർമ്മസ്ഥിതി വ്യത്യസ്തമാണ്. നിങ്ങളുടെ ചർമ്മം ഏത് തരത്തിലുള്ളതാണെന്ന് മനസ്സിലാക്കി വേണം ചർമ്മ സംരക്ഷണ ഉൽപ്പന്നങ്ങൾ തിരഞ്ഞെടുക്കാനും ഫെയ്‌സ് പാക്കുകൾ ഉപയോഗിക്കാനുമൊക്കെ. എന്നാൽ ഇതോടൊപ്പം തന്നെ എല്ലാ തരം ചർമ്മക്കാർക്കും ഒരുപോലെ ഉപയോഗിക്കാവുന്ന ചില പ്രതിവിധികളുമുണ്ട്. അത്തരത്തിൽ ഒരു ഫെയ്‌സ് പാക്ക് ആണ് ഇവിടെ പരിചയപ്പെടുത്തുന്നത്.

വരണ്ടതോ, എണ്ണമയമുള്ളതോ, ഇവ രണ്ടും ചേർന്നതോ പോലുള്ള വ്യത്യസ്ത ചർമ്മ തരങ്ങൾക്കായി തുളസി, കറ്റാർ വാഴ ഫെയ്സ് മാസ്ക് ഫലപ്രദമായി പ്രവർത്തിക്കുന്നു. കൂടാതെ, ഈ മാസ്ക് ഒരു അത്ഭുതകരമായ പ്രകൃതിദത്ത ചർമ്മ സംരക്ഷണ ഉൽപ്പന്നമാണ്. അതിനാൽ, ഇതിൽ ദോഷകരമായ ഏതെങ്കിലും ഘടകങ്ങളുണ്ടോ എന്നതിനെക്കുറിച്ച് നിങ്ങൾ വിഷമിക്കേണ്ടതില്ല. എന്തിനധികം, ഈ മാസ്ക് തയ്യാറാക്കാനും ഉപയോഗിക്കാനും നിങ്ങൾക്ക് കുറച്ച് ചേരുവകളും ഏതാനും മിനിറ്റുകളും മാത്രമേ ആവശ്യമുള്ളൂ.

ഫെയ്‌സ് മാസ്ക് തയ്യാറാക്കാൻ



ഇത് തയ്യാറാക്കുവാൻ പ്രധാനമായും നമുക്ക് വേണ്ടത് തുളസിയിലയും കറ്റാർ വാഴയുമാണ്. കൂടാതെ, ഇതിലേക്ക് നിങ്ങൾക്ക് വേണമെങ്കിൽ വേപ്പിലയും ചേർക്കാം.

മുഖം തിളങ്ങാൻ വെള്ളരിക്ക ഉപയോഗിക്കാം ഇങ്ങനെ

ഗുണങ്ങൾ



ഈ മാസ്ക് നിങ്ങളുടെ ചർമ്മത്തിന്റെ നിറം മെച്ചപ്പെടുത്തുവാൻ സഹായിക്കും. കൂടാതെ, ഇത് ഒരു അത്ഭുതകരമായ മോയ്‌സ്ചുറൈസർ പോലെ പ്രവർത്തിക്കും. കറ്റാർ വാഴ ജെല്ലിലും തുളസിയിലും അടങ്ങിയിട്ടുള്ള ഉയർന്ന ജലാംശം കാരണമാണിത്. വീട്ടിൽ തന്നെ സ്വയം തയ്യാറാക്കാവുന്ന ഈ മാസ്ക് ചർമ്മത്തിലെ എല്ലാ അണുക്കളെയും ബാക്ടീരിയകളെയും നശിപ്പിക്കും. മാത്രമല്ല, ഈ ഫെയ്‌സ് പാക്കിന്റെ സഹായത്താൽ നിങ്ങൾ ഇനി മുഖക്കുരുവിനെക്കുറിച്ച് വിഷമിക്കേണ്ടതില്ല.

ഇത് തയ്യാറാക്കാൻ നിങ്ങൾക്ക് ആവശ്യമായ ചേരുവകൾ

>

രണ്ട് ടീസ്പൂൺ ശുദ്ധമായ കറ്റാർ വാഴ ജെൽ

> രണ്ട് ടീസ്പൂൺ വെള്ളം

> തുളസിയില

> ആര്യവേപ്പില (ആവശ്യമെങ്കിൽ)

ചർമ്മം സോഫ്റ്റ് ആകാൻ കാപ്പിപ്പൊടി സ്‌ക്രബ്

തയ്യാറാക്കേണ്ട രീതി



* ഇത് തയ്യാറാക്കുവാനായി നിങ്ങൾ കറ്റാർ വാഴ ജെൽ നന്നായി ലയിപ്പിച്ചെടുക്കണം. അത് ചെയ്യുന്നതിന്, ഒരു പാത്രത്തിൽ കറ്റാർ വാഴ ജെല്ലും വെള്ളവും ചേർക്കുക. ഈ രണ്ട് ചേരുവകളും ഒരുമിച്ച് ചേർത്ത് യോജിപ്പിക്കുക.

* എന്നിട്ട്, ഈ നേർപ്പിച്ച കറ്റാർ വാഴ ജെല്ലിലേക്ക് തുളസി, വേപ്പില (ഓപ്‌ഷണൽ) എന്നിവ അരച്ച് ചേർക്കാം.

* എല്ലാ ചേരുവകളും ഒരുമിച്ച് സംയോജിപ്പിക്കുക.

* നിങ്ങളുടെ തുളസി – കറ്റാർ വാഴ ഫെയ്സ് മാസ്ക് തയ്യാറാണ്.

ഇത് എങ്ങനെ ഉപയോഗിക്കാം



സ്വയം എളുപ്പത്തിൽ തയ്യാറാക്കാവുന്ന ഈ തുളസി, കറ്റാർ വാഴ ഫെയ്സ് മാസ്ക് ചർമ്മത്തിൽ പ്രയോഗിക്കാൻ വളരെ ലളിതമാണ്. നിങ്ങളുടെ മുഖത്ത് ഈ മാസ്ക് പ്രയോഗിക്കാൻ വിരലുകൾ ഉപയോഗിക്കാം. നിങ്ങളുടെ മുഖത്ത് ഇത് തുല്യമായി പുരട്ടുക. തുടർന്ന്, ഏകദേശം 10 മുതൽ 15 മിനിറ്റ് വരെ കാത്തിരിക്കുക. ഈ സമയത്ത്, നിങ്ങളുടെ ചർമ്മം എല്ലാ ഈർപ്പവും ആഗിരണം ചെയ്യും.

അതിനുശേഷം, തണുത്തതോ അല്ലെങ്കിൽ ചെറുചൂടുള്ളതോ ആയ വെള്ളത്തിൽ മുഖം കഴുകാം. മൃദുവായ തൂവാല കൊണ്ട് മുഖം തുടച്ച് വരണ്ടതാക്കുക. അവസാന ഘട്ടത്തിൽ, നിങ്ങളുടെ സ്ഥിരം ഉപയോഗിക്കുന്ന മോയ്‌സ്ചുറൈസർ പ്രയോഗിക്കേണ്ടതുണ്ട്.

ആഴ്ചയിൽ ഒന്നോ രണ്ടോ തവണ ഇത് ചെയ്‌താൽ മികച്ച ഫലങ്ങൾ ലഭിക്കും.