Ken Sunny | Samayam Malayalam | Updated: 13 Jul 2021, 01:49:00 PM
ഭക്ഷിക്കാവുന്ന സ്വർണ്ണം കൊണ്ടുള്ള ഇലകൾ, കുങ്കുമം, വാഗ്യു ബീഫ്, കാവിയാർ എന്നിങ്ങനെയുള്ള ചേരുവകളാണ് ദി ഗോൾഡൻ ബോയ് ബർഗറിന്റെ വില ഇത്രയും കൂട്ടുന്നത്. കോപി ലുവാക്ക് ഉപയോഗിച്ച് നിർമ്മിച്ച ബാർബിക്യൂ സോസിൻ്റെ ഒപ്പമാണ് ദി ഗോൾഡൻ ബോയ് ബർഗർ വിളമ്പുക.
PC: Instagram/ kingofhamburgers
ഹൈലൈറ്റ്:
- ഡച്ച് ഷെഫ് ആയ റോബർട്ട് ജാൻ ഡി വീൻ ആണ് ലോകത്തിലെ ഏറ്റവും വിലയേറിയ ബർഗർ അടുത്തിടെ തയ്യാറാക്കിയത്.
- ഒരൊറ്റ കഷണത്തിന് 5,000 ഡോളർ, ഏകദേശം 4,41,305 രൂപയാണ് വില.
- നെതർലാൻഡ്‌സ് ആസ്ഥാനമായുള്ള ബിസിനസ് കമ്പനിയായ റെമിയ ഇന്റർനാഷണൽ ആണ് ദി ഗോൾഡൻ ബോയ് ബർഗർ വാങ്ങിയത്.
ലോകത്തിലെ ഏറ്റവും വിലയുള്ള ഭക്ഷണ വിഭവങ്ങളാണ് ദി ഗോൾഡൻ ബോയ് ബർഗറിൽ ഉൾപ്പെടുത്തിയിരിക്കുന്നത്. ഭക്ഷിക്കാവുന്ന സ്വർണ്ണം കൊണ്ടുള്ള ഇലകൾ, കുങ്കുമം, വാഗ്യു ബീഫ്, കാവിയാർ എന്നിങ്ങനെയുള്ള ചേരുവകളാണ് ദി ഗോൾഡൻ ബോയ് ബർഗറിന്റെ വില ഇത്രയും കൂട്ടുന്നത്.
ലോകത്തെ ഏറ്റവും വിലയേറിയ ബിരിയാണി രുചിക്കണോ? നേരെ ദുബായ്ക്ക് വിട്ടോ
റോബർട്ട് ജാൻ ഡി വീൻ തന്റെ ഇൻസ്റ്റാഗ്രാം പേജിൽ ദി ഗോൾഡൻ ബോയ് ബർഗറിന്റെ ചിത്രങ്ങൾ പോസ്റ്റ് ചെയ്തിട്ടുണ്ട്. “ഒരു ലോക റെക്കോർഡ് തകർക്കുന്നത് എന്റെ ഒരു ബാല്യകാല സ്വപ്നമായിരുന്നു. അത് നേടിയത് അതിശയകരമായി തോന്നുന്നു,” റോബർട്ട് ജിയോ ന്യൂസിനോട് പറഞ്ഞു.
ബെലുഗ മീനിന്റെ മുട്ട കൊണ്ടുള്ള കാവിയാർ, കിംഗ് ക്രാബ് (വിലകൂടിയ ഞണ്ട്), സ്പാനിഷ് പാലറ്റ ഐബറിക്കോ, വൈറ്റ് ട്രഫിൾ, ഇംഗ്ലീഷ് ചെഡ്ഡാർ ചീസ് എന്നിവ ദി ഗോൾഡൻ ബോയ് ബർഗറിലെ ചേരുവകളാണ്. ലോകത്തിലെ ഏറ്റവും വിലയേറിയ കാപ്പികളിൽ ഒന്നായ കോപി ലുവാക്ക് ഉപയോഗിച്ച് നിർമ്മിച്ച ബാർബിക്യൂ സോസിൻ്റെ ഒപ്പമാണ് ദി ഗോൾഡൻ ബോയ് ബർഗർ വിളമ്പുക. ഡോം പെരിഗ്നൺ ഷാംപെയ്ൻ ഒഴിച്ച് തയ്യാറാക്കിയ ബൺ ആണ് ദി ഗോൾഡൻ ബോയിൽ ഉപയോഗിക്കുന്നത്.
ഫുഡ് ബ്ലോഗ്ഗർമാർ കടക്ക് പുറത്ത്! ഭക്ഷണം ഞങ്ങളുടെ മുതലാളി സത്യസന്ധമായി റിവ്യൂ ചെയ്യും
ജൂൺ 28 ന് നെതർലാൻഡ്‌സ് ആസ്ഥാനമായുള്ള ബിസിനസ് കമ്പനിയായ റെമിയ ഇന്റർനാഷണൽ ആണ് ദി ഗോൾഡൻ ബോയ് ബർഗർ വാങ്ങിയത്. റോയൽ ഡച്ച് ഫുഡ് ആൻഡ് ബിവറേജ് അസോസിയേഷൻ ചെയർമാൻ റോബർ വില്ലെംസ് ഇത് കഴിക്കുകയും ചെയ്തു. ദി ഗോൾഡൻ ബോയ് ബർഗർ വിട്ടു കിട്ടിയ പണം നെതർലാൻഡ്സിൽ ആവശ്യമുള്ളവർക്ക് ഭക്ഷണ പാക്കേജുകൾ വിതരണം ചെയ്യുന്ന സംഘടനയ്ക്ക് റോബർട്ട് സംഭാവന ചെയ്തു.
അമേരിക്കയിലെ ഒറിഗോണിലെ ഒരു ഭക്ഷണശാല ഇതിനുമുൻപ് 2011ൽ ലോകത്തിലെ ഏറ്റവും ചെലവേറിയ ബർഗർ തയ്യാറാക്കിയിരുന്നു. 5,000 ഡോളർ (ഏകദേശം 3.72 ലക്ഷം) വിലവരുന്ന ഈ ബർഗർ ചേരുവകളുടെ പ്രത്യേകത കൊണ്ടല്ല വലിപ്പം കൊണ്ടാണ് ശ്രദ്ധ നേടിയത്. 352.44 കിലോഗ്രാം ആയിരുന്നു ഭാരം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : the golden boy; dutch chef prepares world’s costliest burger with most expensive ingredients
Malayalam News from malayalam.samayam.com, TIL Network
