വീട്ടില്‍ ഇരുന്ന് ചെയ്യാവുന്ന ഫുള്‍ബോഡി വര്‍ക്കൗട്ടുകള്‍
നടക്കുന്നതിലൂടെ ലഭിക്കുന്ന ഗുണങ്ങള്‍
നമ്മള്‍ സ്ഥിരമായി നടന്നാല്‍ നിരവധി ഗുണങ്ങള്‍ നമ്മള്‍ക്ക് ലഭിക്കുന്നുണ്ട്. അത് ട്രെഡ്മില്‍ ഉപയോഗിച്ച് നടന്നാലും ശരി, അല്ലാതെ പുറത്ത് പോയി നടന്നാലും നമ്മളുടെ ശരീരത്തിന് ഇതിലൂടെ ലഭിക്കുന്ന ഗുണങ്ങള്‍ തള്ളിക്കളയാന്‍ സാധിക്കുന്നതല്ല.
ശ്വാസകോശത്തിന്റേയും ഹൃദയത്തിന്റേയും ആരോഗ്യം പരിപാലിക്കുന്നതിനോടൊപ്പം തന്നെ ശരീരഭാരം നിയന്ത്രിക്കുന്നതിനും ഇത് സഹായിക്കുന്നു. നമ്മളുടെ ശരീരത്തിലേയ്ക്ക് നല്ലപോലെ ഓക്‌സിജന്റെ അളവ് വര്‍ദ്ധിപ്പിക്കാനും ഇത് സഹായിക്കുന്നുണ്ട്.
ശ്വാസംമുട്ട്
സ്ഥിരമായി നടക്കുന്നവരില്‍ ശ്വാകോശത്തിന്റെ ആരോഗ്യം നല്ലതായിരിക്കും അതുപോലെ തന്നെ ഇത് കഫക്കെട്ട് കുറയ്ക്കാനും നെഞ്ചില്‍ നിന്നും കഫം കളയുന്നതിനും സഹായിക്കുന്നുണ്ട്. ഇത് ശ്വാസകോശത്തിന്റെ ആരോഗ്യം മെച്ചപ്പെടുത്തുന്നു എന്ന് പറയാം.
ശരീരത്തിലേയ്ക്ക് കൃത്യമായി ഓക്‌സിജന്‍ എത്തുന്നത് അവയവങ്ങളുടെ കൃത്യമായ പ്രവര്‍ത്തനത്തിന് സഹായിക്കുന്നുണ്ട്. അതുപോലെ തന്നെ, ശരീരത്തിന്റെ മൊത്തത്തിലുള്ള ആരോഗ്യം നിലനിര്‍ത്താനും സഹായിക്കുന്നു.
ഹോര്‍മോണ്‍ വ്യതിയാനം
ഹൃദയത്തിന്റെ ആരോഗ്യം നിലനിര്‍ത്താന്‍ സാധിക്കുന്നത് പോലെ തന്നെ ശരീരത്തില്‍ ഉണ്ടാകുന്ന ഹോര്‍മോണ്‍ വ്യതിയാനം മാറ്റി എടുക്കാന്‍ ഇത് സഹായക്കുന്നുണ്ട്. അതില്‍ തന്നെ തൈറോയ്ഡ് പോലെയുള്ള അസുഖം ഉള്ളവര്‍ ദിവസേന നിശ്ചിത സമയം നടക്കുന്നത് നല്ലതാണ്.
ഇത് മൊത്തത്തിലുള്ള ആരോഗ്യം നിലനിര്‍ത്താന്‍ സഹായിക്കുന്നുണ്ട്. നമ്മളുടെ അവയവങ്ങളെല്ലാം തന്നെ കൃത്യമായി കാര്യക്ഷമമായ പ്രവര്‍ത്തനം കാഴ്ച്ചവെക്കുന്നതിനും സഹായിക്കുന്നു.
കലോറി ദഹിപ്പിക്കാന്‍
നമ്മളുടെ ശരീരത്തില്‍ ഒട്ടുമിക്ക പ്രശ്‌നങ്ങള്‍ ഉണ്ടാക്കുന്നതും കൊഴുപ്പാണ്. കൊഴുപ്പ് കൂടാന്‍ പ്രധാന കാരണം ശരീരത്തില്‍ നിന്നും കലോറി ദഹിക്കാതിരിക്കുമ്പോഴാണ്. നമ്മളുടെ ശരീരത്തില്‍ കൊഴുപ്പ് വര്‍ദ്ധിക്കുമ്പോള്‍ അത് ഹൃദയത്തിന്റെ ആരോഗ്യത്തെ കാര്യമായി ബാധിക്കും. അതുപോലെ തന്നെ പൊണ്ണത്തടി വരുന്നതിലേയ്ക്കും കുടവയര്‍ പോലെയുള്ള പ്രശ്‌നങ്ങള്‍ ഉണ്ടാകുന്നതിനും ഇത് കാരണാണ്.
അതിനാല്‍, കലോറി ദഹിപ്പിച്ച് കളയേണ്ടത് അനിവാര്യമായ കാര്യമാണ്. ഇത്തരത്തില്‍ കലോറി കളയുന്നതിന് വണ്ടി നടക്കുന്നത് നല്ലതാണ്. ചിലര്‍ പുറത്ത് നടക്കാന്‍ ഇറങ്ങും എന്നാല്‍, ചിലര്‍ ട്രെഡ്മില്‍ ആയിരിക്കും ഇതിനായി ഉപയോഗിക്കുക.
ജിമ്മില്‍ പോയി വര്‍ക്കൗട്ട് ചെയ്യുന്നവരാണെങ്കില്‍ തീര്‍ച്ചയായും അവിടെയുള്ള ട്രെഡ്മില്‍ തന്നെയായിരിക്കും ഉപയോഗിക്കുക.
വണ്ണം കുറയ്ക്കാന്‍ മോണോട്രോപിക് ഡയറ്റ് നല്ലതാണോ?
ഏതാണ് നല്ലത്
ട്രെഡ്മില്‍ ആണോ അല്ലെങ്കില്‍ പുറത്ത് നടക്കുന്നതാണോ നല്ലത് എന്ന് ചോദിച്ചാല്‍ രണ്ടിനും അതിന്റേതായ ഗുണങ്ങള്‍ ഉണ്ട് എന്ന് തന്നെ പറയണം. മമ്ള്‍ പുറത്ത് നടക്കാന്‍ പോകുമ്പോള്‍ ചിലപ്പോള്‍ റോഡ് നല്ല വളവുള്ളതാകും അതുപോലെ, നമ്മള്‍ നടക്കുന്ന പ്രതലം ഒരിക്കലും പരന്നതാകണം എന്നില്ല. ഇത് നമ്മളില്‍ നിന്നും കൂടുതല്‍ എനര്‍ജി ശരീരത്തില്‍ നിന്നും നഷ്ടമാകുന്നതിന് കാരണമാകുന്നു. കൂടാതെ, ഇത് കലോറി വേഗത്തില്‍ ദഹിപ്പിക്കുന്നതിന് സഹായിക്കുന്നുണ്ട്.
എന്നാല്‍, ട്രെഡ്്മില്‍ ആണെങ്കിലും പരന്ന പ്രതലത്തില്‍ നിന്നാണ് ഒാടുന്നത്. പക്ഷേ, നമുക്ക് നമ്മളുടെ ഇഷ്ടത്തിനനുസരിച്ച് സ്പീഡ് നിയന്ത്രിക്കാന്‍ സഹായിക്കും. ഇത് മാത്രമല്ല, നമ്മളുടെ ഹാര്‍ട്ട് റേയ്റ്റ് നോക്കാനും ഇത് സഹായിക്കുന്നുണ്ട്.
പുറത്ത് നടക്കാന്‍ പോകുമ്പോള്‍ നമ്മള്‍ക്ക് ശുദ്ധവായു ശ്വസിച്ച് ഇഷ്ടമുള്ള സ്ഥലത്ത് നടക്കാം. എന്നാല്‍, ട്രെഡ്മില്‍ ആകുമ്പോള്‍ ഇക്കാര്യത്തിലെല്ലാം കുറച്ച് ലിമിറ്റേഷന്‍സ് വരുന്നു. അതിനാല്‍ നിങ്ങള്‍ക്ക് ഏതാണോ നല്ലത് എന്ന് തോന്നുന്നത് അത് തിരഞ്ഞെടുക്കാവുന്നതാണ്.
