Also Read : തുർക്കി പ്രസിഡന്റായി വീണ്ടും എർഡോഗൻ; അഭിനന്ദിച്ച് പ്രധാനമന്ത്രി മോദി
രോഹിണിയിലെ ഷഹബാദിൽ ഇന്നലെ വൈകിട്ടാണ് ക്രൂരമായ സംഭവമുണ്ടായിരിക്കുന്നത്. ഇരുവരും തമ്മിലുണ്ടായ വഴക്കിന് പിന്നാലെ കത്തിയെടുത്ത് 15 ഓളം തവണ കുത്തുകയായിരുന്നു. ഇതിന് പിന്നാലെ കല്ല് ഉപയോഗിച്ചും പലപ്രാവശ്യം കുത്തിയിരുന്നു.
വാഹനാപകടത്തിൽ വൈദികന് ദാരുണാന്ത്യം
ദാരുണസംഭവത്തിന്റെ ഞെട്ടിക്കുന്ന ദൃശ്യങ്ങൾ സിസിടിവി ക്യാമറയിൽ പതിഞ്ഞിട്ടുണ്ട്. പരിക്കുകളോടെ പെൺകുട്ടി നടക്കുന്നതിന്റേയും, അക്രമി ഉന്മാദത്തോടെ നടന്നുപോകുന്നതിന്റേയും ദൃശ്യങ്ങൾ പുറത്തുവന്നിട്ടുണ്ട്. സംഭവ സമയത്ത് ഇയാളുടെ പിന്നിലൂടെ നിരവധിയാളുകൾ നടന്നുനീങ്ങുന്നതും ദൃശ്യങ്ങളിൽ കാണാം. പെൺകുട്ടി നിലത്തുവീഴുന്നതോടെ പരിഭ്രാന്തരായ ആളുകൾ ഓടിമാറുന്നതും കാണാം.
സംഭവത്തേക്കുറിച്ച് മാധ്യമങ്ങൾ പറയുന്നത് ഇങ്ങനെ. കൊല്ലപ്പെട്ട പെൺകുട്ടി ഇന്നലെ രാത്രി സുഹൃത്തിന്റെ മകന്റെ പിറന്നാൾ ആഘോഷത്തിൽ പങ്കെടുക്കാൻ പോയിരുന്നു. ഈ സമയത്ത് തെരുവിലെ ഇടവഴിയിൽ വച്ച് സാഹിൽ പെൺകുട്ടിയെ തടഞ്ഞു നിർത്തുകയും തുടർച്ചയായി കുത്തുകയുമായിരുന്നു.
ആക്രമിക്കണമെന്ന് കരുതിക്കൂട്ടി കത്തിയുമായാണ് ഇയാൾ എത്തിയത് എന്നാണ് റിപ്പോർട്ട്. കുത്തേറ്റ് നിലത്തുവീണ പെൺകുട്ടിയെ ഇയാൾ നിരന്തരം കുത്തുകയായിരുന്നു. ആക്രമണത്തിന് ശേഷവും മടങ്ങിയ ഇയാളെ ആരും തടയുന്നില്ലെന്നതും ശ്രദ്ധേയമായിരുന്നു.
സംഭവം കണ്ട നാട്ടുകാരിൽ ചിലർ വിവരം അറിയിച്ചതിനെ തുടർന്നാണ് പൊലീസ് സ്ഥലത്തെത്തിയത്. ഈസമയത്ത് രക്തത്തിൽ കുളിച്ച് റോഡിൽ കിടക്കുന്ന നിലയിലാണ് മൃതദേഹം ഉണ്ടായിരുന്നത്.
അതേസമയം, ഇരുവരും തമ്മിലുള്ള യഥാർത്ഥ പ്രശ്നം എന്താണെന്ന് കണ്ടെത്തിയിട്ടില്ല. ശനിയാഴ്ച വൈകിട്ടും ഇരുവരും തമ്മിൽ വഴക്കടിച്ചിരുന്നുവെന്നാണ് പോലീസ് പറയുന്നു.
Read Latest National News and Malayalam News
