‘ഒരു പ്രശ്നവുമില്ല, ഉഷാറാണ്’; അരിക്കൊമ്പൻ തീറ്റയെടുക്കുന്ന വീഡിയോ പുറത്തുവിട്ട് തമിഴ്നാട് വനം വകുപ്പ്
അരിക്കൊമ്പൻ്റെ സിഗ്നൽ കൃത്യമായി ലഭിക്കാത്തതിനെച്ചൊല്ലി അഭ്യൂഹങ്ങൾ ശക്തമാകുന്നതിനിടെയാണ് തമിഴ്നാട് വനം വകുപ്പ് ആനയുടെ പുതിയ വീഡിയോകളും ചിത്രങ്ങളും പുറത്തുവിട്ടത്
ഹൈലൈറ്റ്:
- അരിക്കൊമ്പൻ ആരോഗ്യവാൻ
- തീറ്റയെടുക്കുന്ന വീഡിയോ പുറത്ത്
- ചിത്രങ്ങളും പുറത്ത് വിട്ടു
പുതിയ സ്ഥലത്ത് ആനയ്ക്ക് പ്രശ്നങ്ങളില്ലെന്നും സുഖജീവിതമാണ് നയിക്കുന്നതെന്നുമാണ് വനം വകുപ്പ് പറയുന്നത്. ക്യാമറകൾ സ്ഥാപിച്ചും റേഡിയോ കോളറിലൂടെയുമുള്ള നിരീക്ഷണം തുടരുകയാണെന്നും ഫീൽഡ് ഡയറക്ടർ അറിയിച്ചു. അരിക്കൊമ്പന്‍റെ പുതിയ രണ്ട് വീഡിയോകൾ തമിഴ്നാട് വനം വകുപ്പ് അഡീഷണൽ ചീഫ് സെക്രട്ടറി സുപ്രിയ സാഹു ട്വീറ്റ് ചെയ്തിട്ടുമുണ്ട്.
Also Read : രാജ്യത്ത് ലൈംഗികബന്ധത്തിനുള്ള പ്രായപരിധി 16 ആക്കുമോ? അഭിപ്രായം തേടി നിയമ കമ്മീഷൻ
ചക്കകൊമ്പന്റെ അപരൻ ഇങ്ങ് മുണ്ടേരിയിൽ
അതേസമയം അരിക്കൊമ്പനെ കേരളത്തിലേക്ക് തിരികെയെത്തിക്കണമെന്ന ഹർജി മദ്രാസ് ഹൈക്കോടതി ഇന്നലെ തള്ളിയിരുന്നു. അരിക്കൊമ്പനെ തമിഴ്നാട് വനം വകുപ്പ് മയക്കുവെടെിവെച്ച് പിടികൂടിയ സമയത്ത് എറണാകുളം സ്വദേശിനി റബേക്ക ജോസഫ് സമർപ്പിച്ച ഹർജിയാണ് കോടതി തള്ളിയത്. മദ്രാസ് ഹൈക്കടതിയുടെ മധുര ഫോറസ്റ്റ് ബെഞ്ചാണ് ഹർജി തള്ളിയത്. ആനയെ എവിടെയാണ് വിടേണ്ടതെന്ന തീരുമാനിക്കുന്നത് വനം വകുപ്പാണെന്നാണ് കോടതി ഹർജി പരിഗണിക്കവെ വ്യക്തമാക്കിയത്.
Also Read : ‘ജീവനൊടുക്കാൻ പോകുന്നുവെന്ന സൂചന നൽകി വാട്ട്സാപ്പ് സ്റ്റാറ്റസ്’; കടലിൽ ചാടിയ യുവതിയെ മൃതദേഹം കണ്ടെത്തി
ചിന്നക്കനാലിൽ നിന്ന് കേരള വനം വകുപ്പ് പിടികൂടി അരിക്കൊമ്പനെ പെരിയാർ വന്യജീവി സങ്കേതത്തിലാണ് തുറന്ന് വിട്ടത്. ഇവിടെ നിന്ന് ആന തമിഴ്നാട്ടിലേക്കെത്തി കമ്പത്ത് ജനവാസമേഖലയിൽ പരിഭ്രാന്ത്രിയുണ്ടാക്കിയതോടെയാണ് തമിഴ്നാട് വനംവകുപ്പ് അരിക്കൊമ്പനെ മയക്കുവെടി വെച്ച് പിടികൂടി ഉള്‍ക്കാട്ടില്‍ തുറന്നുവിട്ടത്. അപ്പർ കോതയാർ വനമേഖലയിലാണ് ആനയെ തുറന്നുവിട്ടത്. തേനിയിലെ പൂശാനംപെട്ടിയിൽ നിന്നായിരുന്നു തമിഴ്നാട് വനം വകുപ്പ് അരിക്കൊമ്പനെ പിടികൂടിയത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
