ഇത്തരത്തില്‍ പുരുഷന്മാര്‍ വൃത്തിയുള്ളതാണോ? അല്ലയോ? എന്ന് മനസ്സിലാക്കി എടുക്കാന്‍ ഇവര്‍ നിത്യേന ഇക്കാര്യങ്ങള്‍ ശ്രദ്ധിക്കാറുണ്ടോ എന്ന് പരിശോധിക്കുന്നത് നല്ലതായിരിക്കും.
താടിയും മീശയും
തടിയും മീശയും ഇടയ്ക്ക് വെട്ടി ഒതുക്കി വെക്കുന്നത് വൃത്തിയുടെ ലക്ഷണം തന്നെയാണ്. അതുപോലെ തന്നെ ആഴ്ച്ചയില്‍ ഒരിക്കലെങ്കിലും താടി നന്നായി സോപ്പിട്ട് കഴുകി വൃത്തിയാക്കി വെക്കണം. ചിലര്‍ക്ക് താടിയുടെ ഉള്ളില്‍ താരന്‍ പോലെ പ്രത്യക്ഷപ്പെടുന്നത് കാണാം. ഇത്തരം പ്രശ്‌നങ്ങള്‍ ഉണ്ടാകുന്നതിന്റെ പ്രധാന കാരണങ്ങളില്‍ ഒന്ന് വൃത്തിയില്‍ സൂക്ഷിക്കാത്തത് തന്നെയാണ്.
താടിയ്ക്കുള്ളില്‍ വെള്ളത്തിന്റെ അംശം ഇരിക്കുന്നത് യീസ്റ്റ് ഇന്‍ഫക്ഷനിലേയ്ക്ക് നയിക്കും. ഇത് താരന്‍ പോലെ പൊറ്റ പൊറ്റപോല കാണപ്പെടുന്നതിന് ഇത് കാരണമാണ്. അതിനാല്‍ താടി വെട്ടി ഷേയ്പ്പ് ചെയ്ത് നിര്‍ത്തി, അത് ഇടയ്ക്ക് സോപ്പിട്ട് ക്ലീന്‍ ആക്കണം. അതുപോലെ, നന്നായി തുടച്ച്, ഈര്‍പ്പം നിലനില്‍ക്കാത്ത രീതിയില്‍ സംരക്ഷിക്കണം.
പരസ്പരം വഴക്കിടുമ്പോള്‍ ചെയ്യാന്‍ പാടില്ലാത്തവ
പരസ്പരം വഴക്കിടുമ്പോൾ പങ്കാളിയോട് ഈ കാര്യങ്ങൾ ചെയ്യാൻ പാടില്ല
നഖങ്ങള്‍
നഖങ്ങള്‍ നല്ല വൃത്തിയില്‍ വെട്ടി ഷേയ്പ്പ് ചെയ്ത് നിലനിര്‍ത്തുന്നത് വ്യക്തിശുചിത്വത്തിന്റെ ഒരു ഭാഗം തന്നെയാണ്. ചിലര്‍ നഖം വെട്ടാതെ അതിനിടയില്‍ ചെളിപിടിച്ച് ഇരിക്കുന്നത് കാണാം. പുരുഷന്മാരായാലും സ്ത്രീകളായാലും കയ്യിലേയും കാലിലേയും നഖങ്ങള്‍ വെട്ടി, ചെളി കളഞ്ഞ് നല്ല വൃത്തിയില്‍ സൂക്ഷിക്കേണ്ടത് അനിവാര്യം.
ഇത് നിങ്ങളെ അസുഖങ്ങളില്‍ നിന്നും മാറ്റി നിര്‍ത്താന്‍ സഹായിക്കുന്നു എന്നത് മാത്രമല്ല, നിങ്ങളുടെ വൃത്തി എടുത്ത് കാണിക്കുന്നതിന് ഇത് സഹായിക്കുന്നതാണ്.
വസ്ത്രങ്ങളും ചെരിപ്പും
എത്ര ആളുകള്‍ വസ്ത്രങ്ങള്‍ അയേണ്‍ ചെയ്ത് ഉപയോഗിക്കാറുണ്ട്. മിക്കവരും കയ്യില്‍ കിട്ടുന്ന ഷര്‍ട്ട്, പാന്റ് എന്നിവ എടുത്തിട്ട് പോകും. അത് അയേണ്‍ ചെയ്യാന്‍ ആരും തുനിയാറില്ല. എന്നാല്‍ വസ്ത്രങ്ങള്‍ അയേണ്‍ ചെയ്ത് സൂക്ഷിക്കുന്നതും ധരിക്കുന്നതും വൃത്തിയുള്ളതിന്റെ ലക്ഷണങ്ങളില്‍ ഒന്നാണ്.
അതുപോലെ തന്നെ, ചെരിപ്പ് ആഴ്ച്ചയില്‍ ഒരിക്കലെങ്കിലും വൃത്തിയായി തുടച്ച് എടുത്ത് വെക്കണം. ചിലര്‍ ചെരിപ്പ് വാങ്ങിയ അന്ന് കഴുകിയതാകും പിന്നീട് കഴുകാതിരിക്കുന്നത് കാണാം. ഇത്തരത്തില്‍ കഴുകാതിരുന്നാല്‍ അത് വൃത്തിയില്ലാ എന്ന് എടുത്ത് കാണിക്കുന്നു. ഇത് മാത്രമല്ല, കാലുകള്‍ എത്ര വൃത്തിയാക്കിയാലും ചെരിപ്പിന് വൃത്തിയില്ലെങ്കില്‍ കാലുകളിലേയ്ക്ക് അണുക്കള്‍ വരുന്നതിന് കാരണമാണ്.
സ്വകാര്യഭാഗം
സ്വകാര്യഭാഗം നല്ലപോലെ വൃത്തിയാക്കി കൊണ്ടുനടക്കേണ്ടത് അനിവാര്യമാണ്. ഇതിനായി അവിടത്തെ മുടി ഇടയ്ക്ക് നീക്കം ചെയ്യുക. അതുപോലെ തന്നെ, നന്നായി കഴുകി വൃത്തിയാക്കി വെക്കാന്‍ മറക്കരുത്. തുടയ്ക്കാനും മറക്കരുത്. അവിടെ ഈര്‍പ്പം നിലനില്‍ക്കുന്നത് പല ബുദ്ധിമുട്ടുകളിലേയ്ക്ക് നയിക്കും.
അതുപോലെ തന്നെ, മൂത്രം ഒഴിച്ചതിന് ശേഷം കഴുകാന്‍ മറക്കരുത്. ഇത് വ്യക്തി ശുചിത്വത്തിന്റെ ആരു ഭാഗം കൂടിയാണ്. അതിനാല്‍, സ്വകാര്യഭാഗം സ്ത്രീകള്‍ സൂക്ഷിക്കുന്നത് പോലെ തന്നെ പുരുഷന്മാരും വൃത്തിയില്‍ തന്നെ സൂക്ഷിക്കുക.
Also read: ഏത് കാലാവസ്ഥയിലും ഏസിയില്‍ ദീര്‍ഘനേരം ഇരുന്ന് ജോലി ചെയ്യുന്നത് ഈ രോഗങ്ങളിലേയ്ക്ക് നയിക്കാം
മറ്റ് കാര്യങ്ങള്‍
ദിവസനേ കുളിക്കാന്‍ മറക്കരുത്. കുളിക്കുന്നത് ശരീരത്തില്‍ നിന്നും വിയര്‍പ്പ് അകറ്റുന്നതിനും അതുപോലെ തന്നെ ശരീരദുര്‍ഗന്ധം ഇല്ലാതാക്കുന്നതിനും സഹായിക്കും. രോഗങ്ങളില്‍ നിന്നും മുക്തി നേടാനും ഇത് സഹായിക്കുന്നതാണ്.
അതുപോലെ, തന്നെ, കുളികഴിഞ്ഞാല്‍ ഇട്ട് മുഷിഞ്ഞ വസ്ത്രങ്ങള്‍ ധരിക്കാതിരിക്കാന്‍ പ്രത്യകം ശ്രദ്ധിക്കണം. കുളി പോലെ തന്നെ രണ്ട് നേരം പല്ല് തേയ്ക്കാനും മറക്കരുത്. പല്ല് വൃത്തിയാക്കി കൊണ്ട് നടക്കുക. അതുപോലെ തന്നെ, ടൂത്ത് ഫ്‌ലോസ്സ് ഇടയ്ക്ക് ചെയ്യുന്നതും നല്ലതാണ്.
