ഹൈലൈറ്റ്:
- 12-18 വയസുള്ളവര്‍ക്ക് വാക്സിൻ നൽകാൻ സിംഗപ്പൂർ
- കൗമാരക്കാര്‍ക്ക് വാക്സിനേഷൻ ചൊവ്വാഴ്ച മുതൽ
- രോഗവ്യാപന സാധ്യത തടയാനെന്ന് പ്രധാനമന്ത്രി
പ്രായപൂർത്തിയായവരുടെ വാക്സിനേഷൻ പൂർത്തിയാക്കുന്നതിന് മുൻപ് തന്നെ കൗമാരക്കാർക്ക് വാക്സിൻ നൽകുന്ന ആദ്യത്തെ രാജ്യമാണ് സിംഗപ്പൂരെന്ന് വാർത്താ ഏജൻസിയായ റോയ്ട്ടേഴ്സ് റിപ്പോർട്ട് ചെയ്തു.
Also Read : ലക്ഷദ്വീപ് ജനതയെ ദ്രോഹിക്കില്ലെന്ന് അമിത് ഷാ ഉറപ്പ് നല്‍കി: എപി അബ്ദുള്ളക്കുട്ടി
ജനസംഖ്യയുടെ ഭൂരിഭാഗം പേരെയും വാക്‌സിനേറ്റ് ചെയ്താല്‍ പുതിയൊരു രോഗവ്യാപന സാധ്യത തടയാമെന്നാണ് സിംഗപ്പൂർ പ്രധാനമന്ത്രി ലീ സീന്‍ ലൂങ് പറയുന്നത്. വാക്‌സിന്‍ സ്വീകരിക്കാനാവുന്ന മുഴുവനാളുകള്‍ക്കും സിംഗപ്പൂര്‍ ദേശീയ ദിനമായ ആഗസ്റ്റ് ഒമ്പതിനകം ആദ്യ ഡോസ് വാക്‌സിന്‍ നല്‍കാനാണ് ലക്ഷ്യമിടുന്നതെന്നും അദ്ദേഹം വ്യക്തമാക്കി.
ഫൈസര്‍, മൊഡേണ വാക്‌സിനുകളാണ് സിംഗപ്പൂരിൽ ഉപയോഗിച്ചു വരുന്നത്. അതേസമയം ഇന്ന് നടത്തിയ മറ്റൊരു പ്രഖ്യാപനത്തിൽ ജോണ്‍സണ്‍ ആന്‍ഡ് ജോണ്‍സണ്‍, ആസ്‌ട്രാസെനക, സിനോഫോം തുടങ്ങിയ വാക്‌സിനുകള്‍ സ്വകാര്യ ആശുപത്രികളില്‍ വിതരണം ചെയ്യാനുള്ള അനുമതി സിംഗപ്പൂര്‍ നൽകിയിട്ടുണ്ട്.
Also Read : വാക്സിൻ പ്രശ്നം പരിഹരിക്കാൻ ഒരുമിച്ച് നിൽക്കണം; 11 ബിജെപി ഇതര മുഖ്യമന്ത്രിമാർക്ക് കത്തയച്ച് പിണറായി വിജയൻ
സിംഗപ്പൂർ ജനസംഖ്യയുടെ മൂന്നിലൊന്ന് പേരും ഇതിനോടകം തന്നെ ആദ്യ ഡോസ് വാക്സിൻ സ്വീകരിച്ച് കഴിഞ്ഞു. കൊവിഡ് സാഹചര്യം മെച്ചപ്പെടുകയാണെങ്കിൽ അടുത്തിടെ ഏർപ്പെടുത്തിയ നിയന്ത്രണങ്ങളിൽ ഇളവ് നൽകാനാകുമെന്നും ലീ സീന്‍ ലൂങ് പറയുന്നു. കൊവിഡ് കേസുകൾ റിപ്പോർട്ട് ചെയ്തതിനെത്തുടർന്ന് മെയ് മാസത്തിലാണ് സിംഗപ്പൂർ വീണ്ടും രാജ്യത്ത് നിയന്ത്രണങ്ങളേർപ്പെടുത്തിയത്. ജൂൺ 13വരെയാണ് നിലവിലെ നിയന്ത്രണങ്ങൾ.
ദുരിതാശ്വാസ നിധിയിലേക്ക് എന്തെങ്കിലും നല്‍കണം, മകളുടെ ആവശ്യം അച്ഛന്‍ നടപ്പിലാക്കിയത് ഇങ്ങനെ…
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : singapore is opening up its covid-19 vaccination programme to adolescents from tuesday
Malayalam News from malayalam.samayam.com, TIL Network
