മകളുടെ പ്രണയത്തോട് എതി‍ർപ്പ്, കമിതാക്കളെ തിരിച്ചെത്തിച്ച് പോലീസ്, വെടിവെച്ചുകൊന്ന് കല്ലുകെട്ടി മുതലയുള്ള പുഴയിൽ താഴ്ത്തി കുടുംബം

മധ്യപ്രദേശിലെ ബാലുപുര രത്തൻബസായി ഗ്രാമത്തിലാണ് കേസിനാസ്പദമായ സംഭവമുണ്ടായിരിക്കുന്നത്. പെൺകുട്ടിയുടെ ബന്ധുക്കൾ തന്നെയാണ് അതിക്രൂരമായി കൊലപ്പെടുത്തിയിരിക്കുന്നത്.

ഗ്രാമത്തിലെ ശിവാനി തോമർ എന്ന 18കാരിയാണ് കൊല്ലപ്പെട്ടിരിക്കുന്നത്. ഇവർക്ക് അടുത്ത ഗ്രാമമായ ബാലുപുരയിൽ രാധേശ്യാം തോമറുമായി അടുത്ത പ്രണയത്തിലായിരുന്നു. എന്നാൽ, പെൺകുട്ടിയുടെ വീട്ടുകാർ ഇരുവരും തമ്മിലുള്ള ബന്ധത്തെ എതിർക്കുകയും ചെയ്തിരുന്നു.

ഏതാനും ദിവസങ്ങളായി ഇരുവരേയും കാണാതായതായി യുവാവിന്റെ പിതാവ് അടുത്തുള്ള പോലീസ് സ്റ്റേഷനിൽ പരാതി നൽകുകയായിരുന്നു. ഇരുവരേയും ശിവാനിയുടെ ബന്ധുക്കൾ കൊലപ്പെടിത്തിയിരിക്കാമെന്നും പിതാവിന്റെ പരാതിയിൽ പറയുന്നുണ്ട്.

മെയ് മാസത്തിൽ ഇരുവരും ഒളിച്ചോടിയിരുന്നു. പിന്നീട്, ഉത്തർപ്രദേശിൽ നിന്നും പോലീസ് സംഘമാണ് ഇവരെ കണ്ടെത്തുകയും നാട്ടിലേക്ക് തിരികെ എത്തിക്കുകയുമായിരുന്നു. അതിനാൽ ആദ്യം ഇരുവരും ഒളിച്ചോടിപ്പോയതാണെന്നാണ് പോലീസ് സംശയിച്ചത്. എന്നാൽ, ഇവർ ഗ്രാമം വിട്ട് പോകുന്നത് ആരും കണ്ടില്ലെന്ന് വന്നതോടെയാണ് കൊല്ലപ്പെട്ടുവെന്നുള്ള സംശയം ശക്തമാകുന്നത്.

തുടർന്ന്, പോലീസ് പെൺകുട്ടിയുടെ പിതാവിനേയും ബന്ധുക്കളേയും വിളിച്ച് നടത്തിയ ചോദ്യം ചെയ്യലിലാണ് ഇരട്ടക്കൊലയുടെ വിവരങ്ങൾ വെളിപ്പെടുത്തിയിരിക്കുന്നത്.

എന്റെ പെൺകുട്ടിയുടെ ബന്ധുക്കൾ ഈ ബന്ധത്തെ ശക്തമായി എതിർത്തിരുന്നു. ഈ എതിർപ്പ് മറികടന്നും ഇരുവരും അടുപ്പം തുടർന്നതാണ് ബന്ധുക്കളെ പ്രകോപിപ്പിച്ചത്. പിന്നീട്, ജൂലൈ മൂന്നിന് ഇരുവരേയും വെടിവച്ച് കൊലപ്പെടുത്തുകയും മൃതദേഹങ്ങൾ വലിയ കല്ലുകൾ കെട്ടി ചമ്പൽ നന്ദിയിലേക്ക് ഇട്ടതായും പോലീസിനോട് വെളിപ്പെടുത്തി.

Also Read : കേരളത്തിന് രണ്ട് പുതിയ ഐടി പാർക്കുകൾ കൂടി; പ്രഖ്യാപനവുമായി മുഖ്യമന്ത്രി; ലക്ഷ്യം കേരളത്തെ ഒന്നാമതെത്തിക്കുക

മുതലകളും ചീങ്കണ്ണികളും നിറഞ്ഞ ചമ്പൽ നദിയിലേക്കാണ് മൃതദേഹം തള്ളിയതായി മാതാപിതാക്കൾ വെളിപ്പെടുത്തിയത്. അതിന്റെ അടിസ്ഥാനത്തിൽ മൃതദേഹങ്ങൾ കണ്ടെടുക്കാനായി തിരച്ചിൽ ആരംഭിച്ചിട്ടുണ്ട്. മുങ്ങൽ വിദഗ്ധരുടെ ഉൾപ്പെടെ സഹായം തേടിയിട്ടുണ്ടെന്നും പോലീസ് അറിയിച്ചു.

Read Latest National News and Malayalam News