ആളുകൾ നിറഞ്ഞ മെട്രോയിലെ ഈ രംഗം കണ്ടോ, വിമർശിച്ചും അനുകൂലിച്ചും സോഷ്യൽ മീഡിയ

മെട്രോ ട്രെയിനുകളിൽ മൊബൈലും ലാപ്പ് ടോപ്പുമൊക്കെ ചാർജ് ചെയ്യാനുള്ള പ്ലഗ് പോയിൻ്റുകൾ സർവ സാധാരണമായി കണ്ടു വരാറുണ്ട്. ആളുകൾ ഇത് ഉപയോഗിക്കുന്നതും ഇത്തരം ആവശ്യങ്ങൾക്കാണ്. എന്നാൽ ഡൽഹി മെട്രോയിലെ ഒരു പ്ലഗ് പോയിൻ്റ് ഉപയോഗിച്ച് യുവതി ചെയ്യുന്നതാണ് ഇപ്പോൾ പലരെയും ഞെട്ടിക്കുന്നത്. മൊബൈൽ ചാർജ് ചെയ്യാനുള്ള പ്ലഗ് പോയിൻ്റിൽ കുത്തി ഹെയർ സ്ട്രെയ്റ്റനിങ്ങ് ചെയ്യുകയാണ് ഇവർ. തിരക്കുള്ള മെട്രോയിൽ യാതൊരു കൂസുലുമില്ലാതെയാണ് ഇവർ ഇങ്ങനെ പെരുമാറുന്നത്.

Also Read: വാർത്ത വായിക്കുന്നതിനിടെ അവതാരികയ്ക്ക് പറ്റിയ അബദ്ധം കണ്ടോ? പൊട്ടിചിരിച്ച് സോഷ്യൽ മീഡിയ

മറ്റ് യാത്രക്കാർ നോക്കി നിൽക്കെയാണ് ഇവർ ഇത് ചെയ്യുന്നത്. വീഡിയോ എടുക്കുന്നത് യുവതിയുടെ ശ്രദ്ധയിൽപ്പെട്ടിട്ടില്ല എന്നാണ് മനസിലാക്കാൻ കഴിയുന്നത്. വീഡിയോ നിമിഷ നേരം കൊണ്ടാണ് സോഷ്യൽ മീഡിയയിൽ വൈറലായത്. നിരവധി പേരാണ് യുവതി വിമർശിച്ച് രംഗത്ത് എത്തിയിരിക്കുന്നത്. തിരക്കിട്ടുള്ള യാത്രയ്ക്കിടയിൽ സൗകര്യപ്രദമായി ഇതിലും നല്ല രീതിയിൽ മുടി അടിപൊളിയാക്കാൻ വേറെ മാർഗമില്ലാത്തത് കൊണ്ടാവാും യുവതി ഇത് തിരഞ്ഞെടുത്തത്. സോഷ്യൽ മീഡിയയിൽ യുവതിയെ അനുകൂലിച്ചും പ്രതികൂലിച്ചും നിരവധി ആളുകൾ രംഗത്ത് എത്തിയിട്ടുണ്ട്.

വീട്ടിൽ എന്തെങ്കിലും തിരക്കോ അല്ലെങ്കിൽ വൈദ്യുതി ഇല്ലാത്തതോ കാരണമാകാം അവർ അങ്ങനെ ചെയ്തത് എന്നാണ് മറ്റൊരു പെൺകുട്ടി ന്യായീകരണമായി പറഞ്ഞത്. പെൺകുട്ടിയെ വിമർശിക്കേണ്ട ആവശ്യമില്ലെന്നാണ് ഒരു വിഭാഗത്തിൻ്റെ അഭിപ്രായം. എന്തായാലും സംഗതി സോഷ്യൽ മീഡിയയിൽ വൈറലായി കഴിഞ്ഞു.

English Summary: Woman hair straightening video

കൂടുതൽ വൈറൽ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.