മോഷണക്കുറ്റം ആരോപിച്ച് ബന്ധുക്കൾ യുവതിയെ കൊന്നു; ശബ്ദം കേൾക്കാതിരിക്കാൻ ഉച്ചത്തിൽ പാട്ട് വച്ചു

ഗാസിയാബാദ്: ആഭരണങ്ങൾ മോഷ്ടിച്ചുവെന്നാരോപിച്ച് 23കാരിയെ ബന്ധുക്കൾ ചേർന്ന് കൊലപ്പെടുത്തി. ഉത്തർപ്രദേശിലെ ഗാസിയാബാദിൽ നിന്നുമാണ് ഞെട്ടിപ്പിക്കുന്ന സംഭവം റിപ്പോർട്ട് ചെയ്തിരിക്കുന്നത്. സമീന എന്ന 23കാരിയാണ് ഇത്തരത്തിൽ കൊല്ലപ്പെട്ടിരിക്കുന്നത് എന്ന് പോലീസ് പറഞ്ഞു.

Also Read : എൻജിനിയറെ പരസ്യമായി മുഖത്തടിച്ച് വനിതാ എംഎൽഎ; തന്റേത് സ്വാഭാവിക പ്രതികരണം മാത്രമെന്ന് വിശദീകരണം

മോഷണകുറ്റം ഏറ്റുപറയുന്നതിന് വേണ്ടി അതിക്രൂരമായി പീഡനമാണ് നേരിടേണ്ടി വന്നത്. ബ്ലേഡും വടിയും ഉപയോഗിച്ച് ആക്രമിക്കുകയും സഹായത്തിനായുള്ള യുവതിയുടെ നിലവിളി ആളുകൾ കേൾക്കാതിരിക്കാൻ ഉച്ചത്തിൽ പാട്ട് വയ്ക്കുകയും ചെയ്തു.

വയോധികന് നേരെ ആസിഡ് ആക്രമണം

ചോദ്യം ചെയ്യലിന് ഇടയിൽ യുവതി മരിച്ചതോടെ ഭയന്ന പ്രതി ഓടി രക്ഷപ്പെടുകയായിരുന്നു. രണ്ട് ദിവസമായി വീട്ടിൽ നിർത്താതെ പാട്ട് കേൾക്കുന്നതിൽ സംശയം തോന്നിയ അയൽവാസികൾ പോലീസിൽ വിവരമറിയിക്കുകയായിരുന്നു. ഇതേത്തുടർന്ന് നടത്തിയ പരിശോധനയിലാണ് മരിച്ചതായി കണ്ടെത്തിയത്.

ഗാസിയാബാദിലെ ബന്ധുക്കളായ ഹീന, രമേഷ് ദമ്പതിമാരുടെ വീട്ടിൽ ഇവരുടെ മകന്റെ ജന്മദിന പാർട്ടിയിൽ പങ്കെടുക്കുന്നതിന് വേണ്ടിയാണ് സമീന എത്തിയത്. ഇവിടെ നിന്നും അഞ്ച് ലക്ഷം വിലയുള്ള ആഭരണം നഷ്ടമായതോടൊണ് പ്രശ്നങ്ങൾ തുടങ്ങുന്നത്. ചടങ്ങിൽ പങ്കെടുക്കാൻ എത്തിയ സമീന ഈ ആഭരണം മോഷ്ടിച്ചതായി ദമ്പതികൾ സംശയിച്ചു.

തുടർന്ന്, ഹീനയും രമേഷും ചേർന്ന് കുറ്റം തെളിയിക്കുന്നതിന് വേണ്ടി കമ്പിവടിയും മറ്റും ഉപയോഗിച്ച് ആക്രമിക്കുകയായിരുന്നു. അതിന് പുറമെ, ബ്ലേഡ് ഉപയോഗിച്ച് ശരീരത്തിൽ മുറിക്കുകയും ചെയ്തു. സമീനയുടെ നിലവിളി പുറത്ത് കേൾക്കാതിരിക്കാൻ ഇവർ ഉച്ചത്തിൽ സംഗീതം വയ്ക്കുകയും ചെയ്യുകയും ചെയ്തു.

Also Read : ‘യോഗ ജനകീയമാക്കിയ നെഹ്രുവിന്’ ആശംസകളുമായി കോൺഗ്രസ്; മോദിക്കും നന്ദിയുമായി ശശീ തരൂരിന്റെ മറുപടി

പീഡനത്തിനിരയായി സമീന മരിച്ചതോടെ പ്രതികൾ ഇരുവരും ഓടി രക്ഷപ്പെടുകയായിരുന്നു. എന്നാൽ, ഇവർ പാട്ട് നിർത്താൻ മറന്നു. ഇതിൽ സംശയം തോന്നിയ അയൽവാസികൾ പോലീസിൽ വിവരം അറിയിക്കുകയായിരുന്നു. സംഭവത്തിൽ അന്വേഷണം പുരോഗമിക്കുകയാണെന്നും പ്രതികൾക്കായി തിരച്ചിൽ തുടരുകയാണെന്ന് അസിസ്റ്റന്റ് പോലീസ് കമ്മീഷണർ രവികുമാർ പറഞ്ഞു.

Read Latest National News and Malayalam News