Also Read : നാവിന് ശസ്ത്രക്രിയ നടത്താനെത്തിയ കുഞ്ഞിന് സുന്നത്ത് നടത്തി; അന്വേഷിക്കാൻ മെഡിക്കൽ സംഘം
200ലധികം ആളുകൾ പ്രദേശത്ത് കുടുങ്ങിക്കിടക്കുകയാണ്. ഇതിൽ ഭൂരിഭാഗം ആളുകളും വിനോദസഞ്ചാരികളാണെന്നാണ് റിപ്പോർട്ട്. 15 കിലോമീറ്റർ നീളത്തിൽ ഗതാഗതക്കുരുക്കും പ്രദേശത്തുണ്ടെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
പെട്രോൾ പമ്പിലെ ആക്രമണം; 7 പേർക്കെതിരെ കേസ്
മലയോര മേഖലയിൽ കനത്ത മഴയെ തുടർന്നുണ്ടായ വെള്ളപ്പൊക്കത്തെയും മണ്ണിടിച്ചിലിനെയും തുടർന്ന് ഇന്നലെ വൈകിട്ട് മുതൽ ദേശീയപാതയിൽ ഗതാഗതം തടസ്സപ്പെട്ടിരിക്കുകയാണ്. നിലവിൽ ഗതാഗത തടസം മാറ്റാനുള്ള ശ്രമങ്ങൾ തുടരുകയാണ്.
റോഡിൽ തടസ്സം സൃഷ്ടിക്കുന്ന കൂറ്റൻ പാറകൾ സ്ഫോടകവസ്തുക്കൾ ഉപയോഗിച്ച് ഉപയോഗിച്ച് തകർത്തുകൊണ്ടിരിക്കുകയാണെന്നാണ് ഉദ്യോഗസ്ഥർ പറയുന്നത്. ഏഴ് – എട്ട് മണിക്കൂറുകൾക്ക് ശേഷം മാത്രമേ റോഡ് ഗതാഗതത്തിനായി തുറ ക്കുകയുള്ളൂവെന്ന് അധികൃതർ പിടിഐയോട് പറഞ്ഞു. യാത്രക്കാർ മണിക്കൂറുകളായി കാത്തിരിക്കുകയായിരുന്നു.
വിമാനത്താവളത്തിലേക്ക് പോകാനുള്ള ആളുകൾ അടക്കം വഴിയിൽ കുടുങ്ങിക്കിടന്നുക്കുന്നതായും റിപ്പോർട്ടുണ്ട്. മണ്ഡിയ്ക്കും സുന്ദർനഗറിനും ഇടയിൽ നിരവധി സ്ഥലങ്ങളിൽ ഉരുൾപൊട്ടലും മണ്ണിടിച്ചിലും ഉണ്ടായിട്ടുണ്ടെന്നും റിപ്പോർട്ടുണ്ട്. പോലീസുകാർ യാത്രക്കാരോട് മടങ്ങിപ്പോകുവാനാണ് നിർദ്ദേശിക്കുന്നത്. അതേസമയം, 15 കിലോമീറ്ററോളം ദൂരത്തോളം ഗതാഗതക്കുരുക്കുകൾ ഉണ്ടെന്നാണ്
വിനോദസഞ്ചാരിയെ ഉദ്ധരിച്ച് എൻഡിടിവി റിപ്പോർട്ട് ചെയ്യുന്നത്.
അതേസമയം, കുടുംബങ്ങളും കുട്ടികളും വാഹനങ്ങളിൽ കുടുങ്ങിക്കിടക്കുകയാണെന്നാണ് റിപ്പോർട്ട്. പലരും ഭക്ഷണങ്ങൾക്കായി ദാബകളും റസ്റ്റോറന്റുകളും തപ്പി നടക്കുകയാണ്. അതിന് പുറമെ, താമസിക്കാൻ ഹോട്ടൽ മുറികളും തപ്പി പരക്കംപായുകയാണ്. ബസ് എടുത്ത് വന്നവരും ആശങ്കയിലാണെന്നാണ് റിപ്പോർട്ട്.
Also Read : ‘അധികാരത്തിൽ നിന്നും ഒരാളെ പുറത്താക്കാൻ ശ്രമം’; വിശാല പ്രതിപക്ഷ സഖ്യത്തേക്കുറിച്ച് കെടിആർ
പവർ പ്രോജക്ടുകളും മറ്റ് വിനോദസഞ്ചാര കേന്ദ്രങ്ങളും ഉണ്ട്. എന്നാൽ, പ്രദേശത്തേക്ക് മറ്റൊരു ബദൽ മാർഗമില്ലെന്നത് ദുരിതപൂർണമാക്കുന്നുവെന്ന് പ്രദേശത്ത് കുടുങ്ങിക്കിടക്കുന്ന ഹസൻ എന്നയാൾ ദേശീയ മാധ്യമത്തോട് പറഞ്ഞു. ഹൈവേ ഇന്നലെ അഞ്ച് മണിയോടെ അടച്ചതാണെങ്കിലും ഇതുവരെ പ്രവർത്തന സജ്ജമാക്കിയിട്ടില്ലെന്നും അദ്ദേഹം കൂട്ടിച്ചേർത്തു.
Read Latest National News and Malayalam News
