ആംബുലൻസ് നിഷേധിച്ചു; ആശുപത്രിയിൽ നിന്നും വീട്ടിലേക്ക് നടക്കുകയായിരുന്ന യുവതിയെ പീഡിപ്പിച്ചു

അധികൃതർ ആംബുലൻസ് നിഷേധിച്ചതിനെത്തുടർന്ന് ആശുപത്രിയിൽ നിന്നും വീട്ടിലേക്ക് നടക്കുകയായിരുന്ന യുവതിയെ രണ്ടു പേർ ചേർന്ന് പീഡിപ്പിച്ചു. അസമിലെ ചരൈഡിയോ ജില്ലയിലാണ് സംഭവം.

മെഡിക്കൽ പിജി സർട്ടിഫിക്കറ്റ് വ്യാജം; കരുനാഗപ്പള്ളി താലൂക്ക് ആശുപത്രിയിലെ ഗൈനക്കോളജിസ്റ്റിനെ സസ്പെന്റ് ചെയ്തു

യുവതിയും കുടുംബവും കൊവിഡ് പോസിറ്റീവായതിനെത്തുടർന്ന് ആശുപത്രിയിൽ ചികിത്സയിൽ കഴിയുകയായിരുന്നു. യുവതിയും മകളും കൊവിഡ് നെഗറ്റീവായതിനെത്തുടർന്ന് ഡിസ്ചാർജ്ജ് ചെയ്തു. വീട്ടിലേക്ക് മടങ്ങാൻ ആംബുലൻസ് ആവശ്യപ്പെട്ടെങ്കിലും അധികൃതർ ആവശ്യം നിഷേധിച്ചു. രാത്രി ആശുപത്രിയിൽ സമയം ചെലവഴിച്ച ശേഷം മടങ്ങിക്കൊള്ളാമെന്ന് പറഞ്ഞിട്ടും അധികൃതർ സമ്മതിച്ചില്ല. ആശുപത്രിയും യുവതിയുടെ വീടും തമ്മിൽ 25 കിലോമീറ്റർ ദൂരമുണ്ട്.

“വീട്ടിലേക്ക് നടന്നു പോകുമ്പോൾ രണ്ടു പേർ തങ്ങളെ പിന്തുടരുന്നുണ്ടായിരുന്നു. ഞങ്ങൾ ഓടി രക്ഷപെടാൻ ശ്രമിച്ചെങ്കിലും അമ്മയെ അവർ പിടികൂടി തേയില തോട്ടത്തിലേക്ക് വലിച്ചിഴച്ചു. ഞാൻ നാട്ടുകാരെ വിവരം അറിയിച്ചു. രണ്ട് മണിക്കൂറിന് ശേഷമാണ് അമ്മയെ കണ്ടെത്താനായത്.” യുവതിയുടെ മകൾ പറഞ്ഞു. എൻഡിടിവി റിപ്പോർട്ട് ചെയ്തു.

സംഭവം പുറത്തു വന്നതിനു പിന്നാലെ കൊവിഡ് നെഗറ്റീവായി വീട്ടിലേക്ക് മടങ്ങുന്ന രോഗികൾക്ക് ആംബുലൻസ് അനുവദിക്കണമെന്ന് അസം ആരോഗ്യ വകുപ്പ് മന്ത്രി കേശാബ് മഹന്ത പറഞ്ഞു.

അമ്മ കൊവിഡ് ചികിത്സയിൽ; 18കാരിയോട് ആശുപത്രി ജീവനക്കാരൻ്റെ ലൈംഗികാതിക്രമം

പ്രതികളെ പിടികൂടുമെന്നും അന്വേഷണം തുടരുകയാണെന്നും ചദൈദിയോ സീനിയർ പോലീസ് ഓഫീസർ സുധാകർ സിങ് പറഞ്ഞു. സംഭവത്തിന്റെ ഉത്തരവാദിത്വം ആശുപത്രി അധികൃതർക്കാണെന്ന് അസം ടീ ട്രൈബ് സ്റ്റുഡന്റ്സ് അസോസിയേഷൻ ആരോപിച്ചു. പ്രതികളെ ഉടൻ അറസ്റ്റ് ചെയ്യണമെന്നും സംഘടന ആവശ്യപ്പെട്ടു.