കാറിനുള്ളിൽ വച്ച് മറ്റൊരാളുടെ കാൽ നക്കിച്ചു, ചെരുപ്പുകൊണ്ട് മുഖത്തടിച്ചു; രണ്ട് പേർ അറസ്റ്റിൽ

മധ്യപ്രദേശിലെ ഗ്വാളിയാർ ജില്ലയിലെ ദാബ്ര ടൗണിൽ താമസിക്കുന്നവരാണ് ഇരയും പ്രതിയും എന്ന് പോലീസ് പറഞ്ഞു. പ്രതിയുടെ മുഖത്ത് ആവർത്തിച്ച് മർദിക്കുകയും അസഭ്യം പറയുകയും ചെയ്യുന്നതാണ് വീഡിയോയിലുള്ളത്. യുവാവിനെ മറ്റൊരാൾ പലതവണ തല്ലുന്നതും വീഡിയോയിൽ കാണാം. ഓടുന്ന കാറിൽ നിന്ന് “ഗോലു ഗുർജാർ ബാപ് ഹേ” (ഗോലു ഗുർജാർ പിതാവാണ്) എന്ന് പറയാൻ അവനെ നിർബന്ധിച്ചു.

ഇതിന്റെ വീഡിയോ പുറത്തുവന്നതിന് പിന്നാലെയാണ് പോലീസ് കേസെടുത്ത് അന്വേഷണം നടത്തിയത്. സംഭവവുമായി ബന്ധപ്പെട്ട് രണ്ട് പേരെ പോലീസ് അറസ്റ്റ് ചെയ്തതായി ആഭ്യന്തര മന്ത്രി നരോത്തം മിശ്രയെ ഉദ്ധരിച്ചുകൊണ്ട് വാർത്താ ഏജൻസിയായ പിടിഐ റിപ്പോർട്ട് ചെയ്തു.

വെള്ളിയാഴ്ച വൈകുന്നേരമാണ് വീഡിയോ വൈറലായത്. വീഡിയോ ഫോറൻസിക് പരിശോധനയ്ക്ക് അയച്ചതായും ദാബ്ര എസ്ഡിഒപി വിവേക് കുമാർ ശർമ്മ പറഞ്ഞു. ദാബ്രയിൽ നിന്നുള്ള വീഡിയോയുടെ ഉറവിടം അഡീഷണൽ പോലീസ് സൂപ്രണ്ട് രാജേഷ് ദണ്ഡോതിയ സ്ഥിരീകരിച്ചു.

ഇരയുടെ കുടുംബത്തിന്റെ പരാതിയുടെ അടിസ്ഥാനത്തിൽ ഇന്ത്യൻ ശിക്ഷാ നിയമത്തിലെ വിവിധ വകുപ്പുകൾ പ്രകാരം തട്ടിക്കൊണ്ടുപോകലിനും ആക്രമണത്തിനും കേസെടുത്തിട്ടുണ്ട്.

Also Read : യാത്രക്കാർക്ക് ആശ്വാസം; യാത്രക്കാർ കുറവുള്ള ട്രെയിനുകളിൽ ടിക്കറ്റ് നിരക്കിൽ 25 ശതമാനം ഇളവ് നൽകാൻ റെയിൽവേ

പഴയ തർക്കം പരിഹരിക്കാനെന്ന വ്യാജേന അക്രമികൾ യുവാക്കളെ വാഹനത്തിൽ കയറ്റിയത്.
അക്രമികൾ യുവാവിന്റെ മുഖത്ത് ചെരിപ്പ് കൊണ്ടടിക്കുകയും അസഭ്യം പറയുകയും ചെയ്യുന്നുണ്ട്. മറ്റൊരു വിഡിയോയിൽ അക്രമിയുടെ കാൽ നക്കുന്നതും കാണാം.

Read Latest National News and Malayalam News