മത്തങ്ങ സൂപ്പ് കുടിച്ചാലുള്ള ഗുണങ്ങള്‍
മത്തങ്ങ സൂപ്പ് ഒരു പോഷകസമൃദ്ധമായ സൂപ്പാണ്, ഇത് നിരവധി ആരോഗ്യ ഗുണങ്ങള്‍ നല്‍കുന്നു. മത്തങ്ങ സൂപ്പില്‍ വിറ്റാമിന്‍ എ, ബി6, സി, ഇ, കെ, ഫൈബര്‍, പൊട്ടാസ്യം, മഗ്‌നീഷ്യം, കാല്‍സ്യം തുടങ്ങിയ വിറ്റാമിനുകളും ധാതുക്കളും അടങ്ങിയിട്ടുണ്ട്. ഇത് ഒരു നല്ല കാര്‍ബോഹൈഡ്രേറ്റ് ഉറവിടവുമാണ്.
മത്തങ്ങയില്‍ ബീറ്റാ കരോട്ടിന്‍ അടങ്ങിയിട്ടുണ്ട്. ഇത് വിറ്റാമിന്‍ എ ആയതിനാല്‍ തന്നെ കണ്ണുകളുടെ ആരോഗ്യത്തിന് ഇത് വളരെയധികം നല്ലതാണ്. രാത്രി കാഴ്ച്ച മെച്ചപ്പെടുത്തുന്നതിനും നല്ല തെളിച്ചമുള്ള കണ്ണുകള്‍ ലഭിക്കാനും ഇത് സഹായിക്കുന്നു. കൂടാതെ, മത്തങ്ങയില്‍ വിറ്റാമിന്‍ സി അടങ്ങിയിട്ടുണ്ട്. ഇത് ഒരു ആന്റിഓക്സിഡന്റാണ്. ഇത് ശരീരത്തെ രോഗങ്ങളില്‍ നിന്ന് സംരക്ഷിക്കാന്‍ സഹായിക്കുന്നു. വിറ്റാമിന്‍ സി രോഗപ്രതിരോധ ശേഷി മെച്ചപ്പെടുത്താനും ശരീരത്തെ സൂര്യപ്രകാശത്തില്‍ നിന്നുള്ള ദോഷകരമായ ഫ്രീ റാഡിക്കലുകളില്‍ നിന്ന് സംരക്ഷിക്കാനും സഹായിക്കുന്നു.
മത്തങ്ങയില്‍ ഫോളേറ്റ് അടങ്ങിയിരിക്കുന്നു. ഇത് ഹൃദയാരോഗ്യത്തിന് പ്രധാനമാണ്. ഫോളേറ്റ് ഹൃദയസ്തംഭനം, ഹൃദയാഘാതം എന്നിവ തടയാന്‍ സഹായിക്കുന്നു.
കൂടാതെ, മത്തങ്ങയില്‍ ബീറ്റാ കരോട്ടിന്‍, ലൈക്കോപീന്‍ എന്നിവ അടങ്ങിയിട്ടുണ്ട്. ഇവ കാന്‍സര്‍ തടയാന്‍ സഹായിക്കുന്ന ആന്റിഓക്സിഡന്റുകളാണ്. ബീറ്റാ കരോട്ടിന്‍, ലൈക്കോപീന്‍ വന്‍കുടല്‍ കാന്‍സര്‍ തടയാന്‍ സഹായിക്കുന്നു. അതുപോല നിര്‍ജലീകരണം തടയാനും ദഹനം മെച്ചപ്പെടുത്താനും സഹായിക്കുന്നു.
മത്തങ്ങ സൂപ്പ് ഒരു പോഷകസമൃദ്ധമായ സൂപ്പാണ്. മത്തങ്ങ സൂപ്പ് കുടിക്കുന്നത് നിങ്ങളുടെ ശരീരഭാരം കുറയ്ക്കാനും എല്ലായ്‌പ്പോഴും ഹെല്‍ത്തിയായി ഇരിക്കാനും സഹായിക്കുന്നുണ്ട്. കാരണം, ഇതില്‍ അടങ്ങിയിരിക്കുന്ന നാരുകള്‍ വിശപ്പ് കുറയ്ക്കുകയും ശരീരത്തില്‍ നിന്നും അമിതമായിട്ടുള്ള കൊഴുപ്പ് നീക്കം ചെയ്യാന്‍ സഹായിക്കുകയും ചെയ്യുന്നു. അതിനാല്‍ തന്നെ ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്ക് മത്തങ്ങ സൂപ്പ് മികച്ച ഓപ്ഷനാണ്.
വേണ്ട ചേരുവകള്‍
1 കിലോഗ്രാം മത്തങ്ങ, വൃത്തിയാക്കി ചെറുതായി അരിഞ്ഞത്
1 വലിയ ഉരുളക്കിഴങ്ങ്, വൃത്തിയാക്കി ചെറുതായി അരിഞ്ഞത്
1 വലിയ ഉള്ളി, ചെറുതായി അരിഞ്ഞത്
2 വലിയ വെളുത്തുള്ളി അല്ലി, അരിഞ്ഞത്
1 ടീസ്പൂണ്‍ ഒലിവ് ഓയില്‍
1 ടീസ്പൂണ്‍ മല്ലി
1/2 ടീസ്പൂണ്‍ ഉപ്പ്
1/4 ടീസ്പൂണ്‍ കുരുമുളക്
8 കപ്പ് ചൂട് വെള്ളം
പല്ലില്‍ കമ്പി ഇടുമ്പോള്‍ അറിയേണ്ടത്‌
പല്ലിൽ കമ്പിയിടേണ്ടത് എപ്പോഴൊക്കെയെന്ന് അറിയാം
തയ്യാറാക്കേണ്ട വിധം
ഒരു വലിയ സൂപ്പ് പാത്രത്തില്‍ ഒലിവ് ഓയില്‍ ചൂടാക്കുക. ഇതിലേ്ക്ക് ഉള്ളി, വെളുത്തുള്ളി എന്നിവ പാത്രത്തില്‍ ചേര്‍ത്ത് 5 മിനിറ്റ് വഴറ്റുക. ഇവ നന്നായി സോഫ്റ്റാകുന്നത് വരെ വഴറ്റണം. അതിന് ശേഷം മത്തങ്ങ, ഉരുളക്കിഴങ്ങ്, മല്ലി, ഉപ്പ്, കുരുമുളക് എന്നിവ പാത്രത്തില്‍ ചേര്‍ക്കുക. പിന്നീട്, ചൂട് വെള്ളം ചേര്‍ത്ത് തിളപ്പിക്കുക. തീ കുറച്ച് 30 മിനിറ്റ് വേവിക്കുക. അല്ലെങ്കില്‍ മത്തങ്ങയും ഉരുളക്കിഴങ്ങും മൃദുവാകുന്നതുവരെ വേവിച്ചാലും മതി.
ഇവ നന്നായി വെന്ത് കഴിയുമ്പോള്‍ മിക്‌സിയില്‍ അടിച്ച് പേയ്സ്റ്റ് പരുവത്തിലാക്കിയതിന് ശേഷം വീണ്ടും പാത്രത്തിലേയ്ക്ക് ഒഴിച്ച് ചൂടാക്കാം. ആവശ്യമെങ്കില്‍ ഉപ്പ്, കുരുമുളക് എന്നിവ ചേര്‍ത്ത് രുചി നോക്കുക. ചൂടോടെ വിളമ്പി കഴിക്കാവുന്നതാണ്.
ശ്രദ്ധിക്കേണ്ട കാര്യം
ഈ സൂപ്പില്‍ തടി കുറയ്ക്കാന്‍ സഹായിക്കുന്ന വിറ്റാമിനുകളും ധാതുക്കളും അടങ്ങിയിട്ടുണ്ട്. അതുപോലെ തന്നെ ഇതില്‍ കുറച്ച് കലോറിയും കുറച്ച് കൊഴുപ്പും അടങ്ങിയിട്ടുണ്ട്. അതിനാല്‍ ഏതെങ്കിലും ഒരു നേരം മാത്രം ആഹാരമായി ഈ സൂപ്പ് കഴിക്കുക. അമിതമായി കഴിക്കുന്നത് ചിലപ്പോള്‍ വിപരീതഫലം നല്‍കുന്നതിലേയ്ക്ക് നയിക്കാം. അതിനാല്‍, എല്ലാം മിതമായ രീതിയില്‍ തന്നെ കെഴിക്കാന്‍ ശ്രദ്ധിക്കുക.
