ഉലുവാക്കഞ്ഞിയുടെ ചില ആരോഗ്യ ഗുണങ്ങള്‍
ചീത്ത കൊളസ്‌ട്രോള്‍ കുറയ്ക്കാന്‍ ഏറ്റവും ബെസ്റ്റാണ് ഉലുവാക്കഞ്ഞി. ഇതില്‍ ഫൈബര്‍ അടങ്ങിയിട്ടുണ്ട്. ഇത് ചീത്ത കൊളസ്‌ട്രോള്‍ കുറയ്ക്കാന്‍ സഹായിക്കുന്നു. അതുപോലെ, ഉലുവാക്കഞ്ഞിയില്‍ ഗ്ലൈസമിക് ഇന്‍ഡക്‌സ് കുറവായതിനാല്‍ ഇത് രക്തത്തിലെ പഞ്ചസാരയുടെ അളവ് വേഗത്തില്‍ വര്‍ദ്ധിപ്പിക്കാതെ മാനേജ് ചെയ്യാന്‍ സഹായിക്കുന്നുണ്ട്.
ഉലുവാക്കഞ്ഞി ഉയര്‍ന്ന ഫൈബര്‍ അടങ്ങിയിട്ടുണ്ട്, ഇത് വയര്‍ നിറയ്ക്കാന്‍ സഹായിക്കുന്നു, ഇത് അമിതഭക്ഷണം തടയാന്‍ സഹായിക്കുന്നു. അതുപോലെ തന്നെ ദഹനം മെച്ചപ്പെടുത്താനും
രോഗപ്രതിരോധ ശേഷി വര്‍ദ്ധിപ്പിക്കാനും ഇത് സഹായിക്കുന്നു.
ഉലുവാക്കഞ്ഞിയില്‍ സിങ്ക് അടങ്ങിയിട്ടുണ്ട്. ഇത് തലമുടി കൊഴിച്ചില്‍ തടയാന്‍ സഹായിക്കുന്നു. വൃക്കരോഗങ്ങള്‍ തടയുന്നതിനും ഉലുവാക്കഞ്ഞി ബെസ്റ്റ് തന്നെ.
ചേരുവകള്‍
ഉലുവ – 1 കപ്പ്
പച്ചരി – 1/2 കപ്പ്
ജീരകം – 1/2 ടീസ്പൂണ്‍
ശര്‍ക്കര – 3 ബെല്ലം
തേങ്ങയുടെ ഒന്നാം പാല്‍ – 1 കപ്പ്
രണ്ടാം പാല്‍ – 1 കപ്പ്
ഉപ്പ് – ഒരു നുള്ള്
വെള്ളം – ആവശ്യത്തിന്
മഴക്കാലം പനിക്കാലമാകാതിരിക്കാന്‍
ശ്രദ്ധിക്കണം ഈ പനികളെയും അവയുടെ ലക്ഷണങ്ങളെയും
തയ്യാറാക്കേണ്ട വിധം
ഒരു കപ്പ് ഉലുവ അത്യാവശ്യം വെള്ളത്തില്‍ കുറഞ്ഞത് 8 മണിക്കൂര്‍ കുതര്‍ വെക്കണം. ഉലുവ നന്നായി സോഫ്റ്റായി വരുന്നതിന് വേണ്ടിയാണ്. ഇത്തരത്തില്‍ കുതിര്‍ത്ത് എടുത്ത ഉലുവ കുക്കറിലേയ്ക്ക് മാറ്റാവുന്നതാണ്. ഇതിലേയ്ക്ക് എടുത്ത് വെച്ചിരിക്കുന്ന പച്ചരി നന്നായി കഴുകി ചേര്‍ക്കുക. വെള്ളവും ചേര്‍ത്ത് 6 വിസില്‍ വരുന്നത് വരെ വേവിച്ച് എടുക്കണം.
അതിന് ശേഷം മണ്‍കലം ഉണ്ടെങ്കില്‍ അതിലേയ്ക്ക് ഈ വേവിച്ച കൂട്ട് മാറ്റുക. ഇല്ലെങ്കില്‍ നിങ്ങള്‍ക്ക് കുക്കറില്‍ തന്നെ ഇത് തയ്യാറാക്കാവുന്നതാണ്. ഇത്തരത്തില്‍ മണ്‍പാത്രത്തിലേയ്ക്ക് മാറ്റിയതിന് ശേഷം രണ്ടാം തേങ്ങാപ്പാല്‍ ചേര്‍ത്ത് ചൂടാക്കുക. ഇതിന്റെ ഒപ്പം തന്നെ ശര്‍ക്കരയും ജീരകപ്പൊടിയും ചേര്‍ക്കുക.
രണ്ടാം പാല്‍ ചേര്‍ത്ത് നന്നായി തിളപ്പിച്ചതിന് ശേഷം ഒന്നാം പാലും ഉപ്പും ചേര്‍ത്ത് ഒരു തിള വരുമ്പോള്‍ മാറ്റി വെക്കാവുന്നതാണ്.
ശ്രദ്ധിക്കേണ്ട കാര്യങ്ങള്‍
ഉലുവാക്കഞ്ഞി കുടിക്കാന്‍ പൊതുവില്‍ നല്ലത് ഉച്ച സമയമാണ്. കാരണം, ഇതില്‍ അടങ്ങിയിരിക്കുന്ന പ്രോട്ടീന്‍, അതുപോലെ, വിറ്റമിനുകള്‍ എന്നിവയെല്ലാം ശരീരത്തിലേയ്ക്ക് കൃത്യമായി എത്താന്‍ ഇത് സഹായികുന്നുണ്ട്. അതുമാത്രമല്ല, അന്നത്തെ ദിവസം നല്ല ഉന്മേഷം ലഭിക്കാനും ഇത് സഹായിക്കുന്നു.
ചിലര്‍ രാത്രിയില്‍ ഈ കഞ്ഞി തയ്യാറാക്കി കുടിക്കുന്നത് കാണാം. എന്നാല്‍, ചിലപ്പോള്‍, പലര്‍ക്കും ഉറങ്ങാന്‍ അസ്വസ്ഥതകള്‍ നേരിട്ടെന്നിരിക്കാം. അതിനാല്‍, പരമാവധി ഉച്ചയ്ക്ക് തന്നെ ഈ ഔഷധകഞ്ഞി കുടിക്കാന്‍ ശ്രദ്ധിക്കുക.
