മീനും മോരും ഒരുമിച്ച് കഴിച്ചാല്‍ പാണ്ട് വരുമോ?

തൈര് പാല്‍ പുളിപ്പിച്ചുണ്ടാക്കുന്ന, നിറയെ ആരോഗ്യകരമായ ബാക്ടീരിയകള്‍ അടങ്ങിയിട്ടുള്ള ഒന്നാണ്. ഇത് പുളിപ്പിയ്ക്കുന്ന സമയത്ത് ലാക്ടോബാസില്ലസ് എന്ന ബാക്ടീരിയ ഇതില്‍ പ്രവര്‍ത്തിയ്ക്കുന്നു. ഇതിലൂടെ അലര്‍ജി കാരണമാകുന്ന പല ഘടകങ്ങളും നശിപ്പിയ്ക്കപ്പെടുന്നു. ഇതാണ് പാല്‍ അലര്‍ജിയായവര്‍ക്ക് പോലും തൈര് കഴിയ്ക്കുന്നത് നല്ലതാണെന്ന് പറയാറ്. മീനും പല ആരോഗ്യ ഗുണങ്ങളും ചേര്‍ത്തുണ്ടാക്കിയ ഒന്നാണ്.

ഫാറ്റി ലിവർ- കാരണങ്ങളും തടയാനുള്ള മാർഗ്ഗങ്ങളും

വാസ്തവത്തില്‍ മോരും മീനും ചേര്‍ത്ത് കഴിച്ചാല്‍ യാതൊരു ദോഷവുമില്ലെന്നതാണ് വാസ്തവം. ചില സ്ഥലങ്ങളില്‍ മോരോ തൈരോ ഒഴിച്ച് മീന്‍ കറിയുണ്ടാക്കുന്ന പാചകരീതികള്‍ പോലും നിലവിലുണ്ട്. ഇതല്ലാതെ ഇത് കഴിച്ചാല്‍ പാണ്ടുണ്ടാകുമെന്നതിന് ശാസ്ത്രീയ അടിത്തറയില്ല. ഇത് വെറും കേട്ടുകേള്‍വി മാത്രമാണ്.

വെള്ളപ്പാണ്ട് വരുന്നത് മെലാനോസൈറ്റുകള്‍ ഉണ്ടാക്കുന്ന കോശങ്ങള്‍ക്കുണ്ടാകുന്ന തകരാറ് കരാണമാണ്. മെലാനോസൈറ്റുകളാണ് കോശങ്ങള്‍ക്ക് നിറം നല്‍കുന്നത്. ഇത് ഒരു ഓട്ടോ ഇമ്യൂണ്‍ രോഗമാണ്. അതായത് പുറത്ത് നിന്നുള്ള ദോഷകരമായ രോഗാണുക്കളെ ആക്രമിയ്ക്കുന്നതിന് പകരം ശരീരത്തിലെ തന്നെ കോശങ്ങളെ ആക്രമിയ്ക്കുന്ന രീതി. ഇതാണ് പാണ്ടിന് കാരണമാകുന്നത്.

പാണ്ടുണ്ടാകാന്‍ പല കാരണങ്ങളുമുണ്ട്. പാരമ്പര്യമായി ഇതിന് സാധ്യതയേറെയാണ്. ചിലയിനം കെമിക്കലുകള്‍ ഇതിന് കാരണമാകുന്നു. ക്യാന്‍സറിന് ചെയ്യുന്ന കീമോതെറാപ്പി ഇതിന് കാരണമാകുന്നു. ഇതല്ലാതെ ചില മുറിവുകള്‍ക്ക് ചുറ്റും ഉണങ്ങി വരുമ്പോള്‍ ഈ ഭാഗത്ത് ഇത്തരം പ്രശ്‌നമുണ്ടാകാം. പ്രസവ ശേഷം, സ്‌ട്രെസ് കാരണം, ചില പെണ്‍കുട്ടികളില്‍ മാസമുറ ആരംഭിയ്ക്കുന്ന സമയത്ത് തുടങ്ങിയ പല കാരണങ്ങളാലും ഇതുണ്ടാകാം. ഇത് ഏത് പ്രായത്തില്‍ വേണമെങ്കിലും വരാം. ഇതല്ലാതെ മീനും മോരും ചേര്‍ത്ത് കഴിച്ചാല്‍ വെള്ളപ്പാണ്ട് വരുന്നില്ല. ഇവ രണ്ടും ഏറെ ആരോഗ്യകരവുമാണ്.