കര്‍ക്കിടക കാലത്ത് കയ്യില്‍ മയിലാഞ്ചിയിടുന്നതിന്റെ ഗുണം..

കര്‍ക്കിടകത്തില്‍ കയ്യില്‍ മയിലാഞ്ചിയിടുന്നത് പല രോഗങ്ങളേയും തടയുന്ന ഒന്നാണ്. കയ്യിലെ, കാലിലെ നാഡികളെ സ്വാധീനിയ്ക്കാന്‍ മയിലാഞ്ചിടിയുമ്പോള്‍ സാധിയ്ക്കും. വാതം പോലുള്ള രോഗങ്ങളും സന്ധിവേദനകളുമല്ലൊം മഴ തിമിര്‍ത്തു പെയ്യുന്ന കര്‍ക്കിടകത്തില്‍ സാധാരണയാണ്. ഇത്തരം പ്രശ്‌നത്തിനുള്ള നല്ലൊരു പരിഹാരം കൂടിയാണ് ഈ സമയത്ത് കയ്യിലും കാലിലും മയിലാഞ്ചിയിടുന്നത്.

കാൽ‌സ്യം കുറഞ്ഞാൽ ശരീരം ഈ ലക്ഷണങ്ങൾ കാണിക്കും

നനവും മറ്റുമുള്ളതിനാല്‍ നഖങ്ങളിലും ചിലപ്പോള്‍ ചര്‍മത്തിലുമെല്ലാം ഫംഗല്‍ ബാധകള്‍ക്ക് സാധ്യതയുള്ള സമയം കൂടിയാണ് കര്‍ക്കിടകമാസം എന്ന മഴക്കാലം. ഇത് തടയാന്‍ ശേഷിയുള്ള ഒന്നാണ മയിലാഞ്ചി. ഇത് ആന്റി ബാക്ടീരിയല്‍-ഫംഗല്‍ ഗുണങ്ങളുള്ള ഒന്നാണ്. കൈ കാലുകളിലെ ഫംഗല്‍ ബാധ അകറ്റാന്‍ ഇത് സഹായിക്കും. കുഴിനഖം പോലുള്ള പ്രശ്‌നങ്ങള്‍ മഴക്കാലത്ത് സാധാരണയാണ്. ഇതിനുളള പരിഹാരം കൂടിയാണ് മയിലാഞ്ചിയിടുന്നത്.

വൈറല്‍ രോഗങ്ങള്‍ കര്‍ക്കിടകത്തില്‍ പതിവാണ്. കോള്‍ഡും വൈറല്‍ പനിയുമെല്ലാം സാധാരണയാണ്. ഇതിനുളള നല്ലൊരു പരിഹാരം കൂടിയാണ് മെഹന്തിയിടുന്നത്. ഇതിന് ആന്റിസെപ്റ്റിക് ഗുണങ്ങള്‍ ഏറെയുണ്ട്. മുറിവുകള്‍ ഉണക്കാനും മയിലാഞ്ചി ഏറെ നല്ലതാണ്. വളം കടി, കുഴിനഖം പോലുള്ള പല പ്രശ്‌നങ്ങളും മഴക്കാലത്ത് പതിവാണ്. ഇതിനെല്ലാമുളള സ്വാഭാവിക വൈദ്യം കൂടിയാണ് മയിലാഞ്ചിയിടുന്നത്.

മയിലാഞ്ചി കര്‍ക്കിടകത്തിലും അല്ലാതെയും ഇടുന്നതിന് സ്‌ട്രെസ് കുറയ്ക്കുകയെന്ന ഗുണം കൂടിയുണ്ട്. തലവേദന കുറയ്ക്കാനും ഇത് നല്ലതാണ്. ചര്‍മ സംരക്ഷണത്തിന് മാത്രമല്ല, നഖങ്ങള്‍ കേടു കൂടാതെ സംരക്ഷിയ്ക്കാനും മയിലാഞ്ചി നഖങ്ങളില്‍ ഇടുന്നത് ഏറെ നല്ലതാണ്. നാച്വറല്‍ കൂളിംഗ് ഇഫക്ടുള്ള ഒന്ന് കൂടിയാണ് മയിലാഞ്ചി. ഇത് തലയില്‍ പുരട്ടുന്നതും ഇതു പോലെ കൈകാലുകളില്‍ പുരട്ടുന്നതും ഈ ഗുണം നല്‍കുന്ന ഒന്നാണ്. ഗുണങ്ങള്‍ ലഭിയ്ക്കാന്‍ നല്ല ശുദ്ധമായ മയിലാഞ്ചി വേണമെന്നത് പ്രധാനം. ഇതില്‍ ഗ്രാമ്പൂ ഓയില്‍ പോലുള്ള ചേര്‍ക്കുന്നത് നിറം കൂടുതല്‍ ലഭിയ്ക്കാനും കൂടുതല്‍ ആരോഗ്യഗുണം ലഭിയ്ക്കാനും സഹായിക്കുന്നു.