Edited by Jibin George | Samayam Malayalam | Updated: 31 Jul 2023, 8:42 pm
ഹരിയാനയിലെ മേവാത്ത് മേഖലയിൽ ഇരുവിഭാഗങ്ങൾ തമ്മിൽ സംഘർഷം. വിശ്വഹിന്ദു പരിഷത്ത് നടത്തിയ റാലിക്ക് നേരെ ഒരു വിഭാഗമാളുകൾ കല്ലെറിഞ്ഞതോടെയാണ് സംഘർഷം ആരംഭിച്ചത്
ഹൈലൈറ്റ്:
- ഹരിയാനയിൽ ഇരുവിഭാഗങ്ങൾ തമ്മിൽ സംഘർഷം.
- വിശ്വഹിന്ദു പരിഷത്തിൻ്റെ റാലിക്ക് നേരെ കല്ലെറുണ്ടായതിന് പിന്നാലെയാണ് സംഘർഷം.
- പോലീസ് ആകാശത്തേക്ക് വെടിവച്ചു.
47 പെരുമ്പാമ്പുകളെ ബാഗിലാക്കി യാത്രക്കാരൻ വിമാനത്താവളത്തിൽ; കസ്റ്റംസ് പിടികൂടിതിങ്കളാഴ്ച ആരംഭിച്ച സംഘർഷം കൂടുതൽ മേഖലകളിലേക്ക് വ്യാപിക്കുന്നത് തടയാൻ ഇന്റർനെറ്റ് സേവനങ്ങൾ താൽക്കാലികമായി നിർത്തിവച്ചു. ഗുരുഗ്രാമിനോട് ചേർന്നുള്ള നൂഹ് ജില്ലയിലെ നന്ദ് ഗ്രാമത്തിന് സമീപമാണ് ഇരുവിഭാഗങ്ങൾ ഏറ്റുമുട്ടിയത്. സംഘർഷത്തിൽ ഇരുപതോളം പേർക്ക് പരിക്കേറ്റതായി പോലീസ് പറഞ്ഞു. ഒരാൾക്ക് വെടിയേറ്റു. ഇവരെ വിവിധ ആശുപത്രിയിൽ പ്രവേശിപ്പിച്ചു.
Bike Accident: മിനി ലോറിയിടിച്ച് ബൈക്ക് യാത്രക്കാരൻ മരിച്ചു
വിശ്വഹിന്ദു പരിഷത്ത് നുഹിൽ നടത്തിയ ഘോഷയാത്രയ്ക്ക് നേരെ ഗുരുഗ്രാം – ആള്‍വാര്‍ ദേശീയപാതയ്ക്ക് സമീപം ഒരു സംഘം കല്ലെറിയുകയായിരുന്നു. സംഘർഷം പൊട്ടിപ്പുറപ്പെട്ടതോടെ സ്ത്രീകളും കുട്ടികളുമടങ്ങുന്ന 2500 പേർ നൂൽഹർ മഹാദേവ ക്ഷേത്രത്തിൽ അഭയം പ്രാപിച്ചതായി എൻഡിടി വി റിപ്പോർട്ട് ചെയ്തു. മതചടങ്ങിൽ പങ്കെടുക്കാൻ എത്തിയവരാണിവർ.
സംഘർഷസാധ്യത കണക്കിലെടുത്ത് പ്രദേശത്ത് കൂടുതൽ പോലീസിനെ വിന്യസിച്ചു. സമീപ ജില്ലകളിൽ നിന്നുള്ള കൂടുതൽ പോലീസിനെ മേവാത്തിൽ വിന്യസിച്ചതായും റോഡുമാർഗം ഗതാഗതം തടസപ്പെട്ട സ്ഥലങ്ങളിൽ മറ്റു രീതികളിൽ പോലീസിനെ എത്തിക്കുമെന്ന് ഹരിയാന ആഭ്യന്തര മന്ത്രി അനിൽ വിജ് പറഞ്ഞു. ജനങ്ങൾ വീടുകളിൽ തന്നെ കഴിയണമെന്ന് പോലീസ് അറിയിച്ചു. കടകളും സ്ഥാപനങ്ങളും അടച്ചിട്ട നിലയിലാണ്. റാലിയിൽ പങ്കെടുക്കാൻ എത്തിയവർ പോലീസ് സ്റ്റേഷനിൽ അഭയം പ്രാപിച്ചതായും റിപ്പോർട്ടുണ്ട്.
21 ലക്ഷത്തിന്റെ തക്കാളിയുമായി വന്ന ലോറി കാണാനില്ല; പരാതി
വിഎച്ച്പി റാലിയിൽ പങ്കെടുക്കുമെന്ന് ബജ്രംഗ് ദള്‍ പ്രവര്‍ത്തകനും കൊലപാതക കേസിലെ പ്രതിയുമായ മോനു മനേസർ വീഡിയോ സന്ദേശത്തിലൂടെ അറിയിച്ചിരുന്നു. അഞ്ച് മാസമായി ഒളിവിൽ കഴിയുന്ന ഇയാളെ അറസ്റ്റ് ചെയ്യാൻ രാജസ്ഥാനിൽ നിന്നുള്ള പോലീസ് നൂഹുവിൽ എത്തിയിരുന്നു. ഇതിനിടെയാണ് സംഘർഷമുണ്ടായത്.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
