ചൈനീസ് എഞ്ചിനിയർമാരുടെ സംഘത്തിന് നേരെ പാകിസ്താനിൽ ആക്രമണം; വെടിവയ്പ്പ്

ഞായറാഴ്ച പാകിസ്താനിലെ ബലൂചിസ്ഥാൻ പ്രവിശ്യയിലാണ് സംഭവമുണ്ടായത്, ചൈനീസ് എഞ്ചിനീയർമാരുടെ വാഹനവ്യൂഹത്തിന് നേരെ സായുധ വിമതർ ആക്രമണം നടത്തിയിരുന്നു. പാക് തുറമുഖ നഗരമായ ഗ്വാദറിൽ ഉടനീളം സ്ഫോടനങ്ങളും വെടിയൊച്ചകളും ഉയരുന്നതായി പാക് മാധ്യമങ്ങൾ റിപ്പോർട്ട് ചെയ്യുന്നു.

പ്രദേശത്തെ എല്ലാ റോഡുകളും അടച്ചിരിക്കുകയാണെന്ന് ബലൂചിസ്ഥാൻ പോസ്റ്റ് റിപ്പോർട്ട് ചെയ്തു. പിന്നീട്, പാക് ഭരണകൂടം ആക്രമണം സ്ഥിരീകരിച്ച് രംഗത്തുവന്നിട്ടുണ്ട്.

ഇന്ന് രാവിലെ 9.30 ഓടെയാണ് ചൈനീസ് ഉദ്യോഗസ്ഥർക്ക് നേരെ ആക്രമണമുണ്ടായത്. വെടിവയ്പ്പ് ഏതാണ്ട് രണ്ട് മണിക്കൂറോളം സമയം നീണ്ടു നിന്നതായാണ് മാധ്യമറിപ്പോർട്ട്.

ഗ്വാദറിന് സമീപം ഫക്കീർ കോളനിയിലാണ് ചൈനീസ് എഞ്ചിനീയർമാർക്ക് നേരെയാണ് ആക്രമണം അരങ്ങേറിയത്. വെടിവയ്പ്പ് തുടരുകയാണെന്നും ഒരു മാധ്യമക്കുറിപ്പ് ഉദ്ധരിച്ച് ബലൂചിസ്ഥാൻ പോസ്റ്റ് റിപ്പോർട്ട് ചെയ്തു.

അതേസമയം, ആക്രമണത്തിന്റെ ഉത്തരവാദിത്തം ഏറ്റെടുത്ത് ആരും രംഗത്തുവന്നിട്ടില്ലെന്നതും ശ്രദ്ധേയമായ കാര്യമാണ്. ആക്രമണത്തിന്റെ പശ്ചാത്തലത്തിൽ നഗരത്തിൽ സുരക്ഷയാണ് ഒരുക്കിയിരിക്കുന്നത്.

കഴിഞ്ഞ വർഷം ബലോച് വനിത ചാവേറായി പൊട്ടിത്തെറിച്ച് മൂന്ന് ചൈനീസ് എഞ്ചിനിയർമാരെ കൊലപ്പെടുത്തിയിരുന്നു. പിന്നീട്, ബലോചിസ്താൻ ലിബറേഷൻ ആർമി ആക്രമണത്തിന്റെ ഉത്തരവാദിത്തം ഏറ്റെടുത്ത് രംഗത്തുവന്നിരുന്നു.

Also Read : മിതമായ നിരക്കിൽ മരുന്നുകൾ; റെയിൽവേ സ്റ്റേഷനുകളിൽ ജൻഔഷധി കേന്ദ്രങ്ങൾ; ആദ്യഘട്ടത്തിൽ 50 സ്റ്റേഷനുകളിൽ

2021 ജൂലൈ മാസത്തിൽ വടക്കുപടിഞ്ഞാറൻ പാക്കിസ്താനിൽ ചൈനീസ് എൻജിനീയർമാർ സഞ്ചരിച്ചിരുന്ന ബസിനു നേരെ ബോംബാക്രമണം ഉണ്ടായിരുന്നു. അന്ന് ഒമ്പത് ചൈനീസ് തൊഴിലാളികൾ ഉൾപ്പെടെ 13 പേർ കൊല്ലപ്പെട്ടു. പിന്നീട്, സമ്മർദത്തിന്റെ അടിസ്ഥാനത്തിൽ കൊല്ലപ്പെട്ട ചൈനീസ് തൊഴിലാളികളുടെ കുടുംബങ്ങൾക്ക് പാകിസ്താൻ ദശലക്ഷക്കണക്കിന് രൂപ നഷ്ടപരിഹാരം നൽകി. ആക്രമണത്തെക്കുറിച്ച് അന്വേഷിക്കാൻ ചൈന തങ്ങളുടെ സംഘത്തെ നിയോഗിക്കുകയും ചെയ്തു.

Read Latest World News and Malayalam News