മത്സരിച്ച് ഓണം ബമ്പറെടുത്ത് ഈ ജില്ലക്കാർ; വിൽക്കുന്നത് ദിവസം ഒരു ലക്ഷത്തോളം ടിക്കറ്റുകൾ
Edited by ജിബിൻ ജോർജ് | Samayam Malayalam | Updated: 14 Aug 2023, 10:39 pm
സംസ്ഥാനത്ത് ഓണം ബമ്പർ ടിക്കറ്റ് വിൽപ്പന ആരംഭിച്ച് രണ്ടാഴ്ച പിന്നിട്ട സാഹചര്യത്തിൽ വിൽപ്പന കുതിക്കുന്നു. പാലക്കാട്, തിരുവനന്തപുരം ജില്ലകളിലാണ് കൂടുതൽ വിൽപ്പന
ഹൈലൈറ്റ്:
- ഓണം ബമ്പർ ടിക്കറ്റ് വിൽപ്പന.
- പതിനേഴര ലക്ഷം ടിക്കറ്റുകൾ വിറ്റഴിഞ്ഞു.
- ടിക്കറ്റ് വിൽപ്പനയിൽ പാലക്കാട് ജില്ല മുന്നിൽ.
‘ലോകം ഇന്ത്യയെ ഉറ്റുനോക്കുന്നു, വെല്ലുവിളികൾ നേരിടാൻ വനിതകൾക്ക് സാധിക്കണം’; രാഷ്ട്രപതിടിക്കറ്റ് വിൽപ്പന ആരംഭിച്ചത് മുതൽ സംസ്ഥാനത്ത് ദിവസം ഒരു ലക്ഷത്തോളം ടിക്കറ്റുകൾ ചെലവാകുന്നുണ്ടെന്നാണ് കണക്കുകൾ വ്യക്തമാക്കുന്നത്. ഇതുവരെയുള്ള ടിക്കറ്റ് വിൽപ്പനയിൽ പാലക്കാട് ജില്ലയിലാണ് മുന്നിലുള്ളത്. തൊട്ടുപിന്നിൽ തിരുവനന്തപുരമാണ്. തിരുവോണം ബമ്പർ വിൽപ്പന ആരംഭിച്ച് ആദ്യ ആഴ്ചകളിൽ തന്നെ പാലക്കാട് ജില്ലയിൽ വിൽപ്പന അതിവേഗത്തിൽ പുരോഗമിച്ചിരുന്നു.
മമ്മൂട്ടിയുടെ വില്ലൻ ടൊവിനോ ചിത്രത്തിലും
ടിക്കറ്റ് വില 500 രൂപയായിട്ടും ടിക്കറ്റ് വിൽപ്പന പ്രതീക്ഷിച്ചതിലും വേഗത്തിൽ പുരോഗമിക്കുകയാണ്. വിൽപ്പന ഇതേ രീതിയിൽ പുരോഗമിച്ചാൽ കഴിഞ്ഞവർഷത്തെ ടിക്കറ്റ് വിൽപ്പനയുടെ റെക്കോർഡ് തകർക്കപ്പെട്ടേക്കും. ഇത്തവണ നാലരലക്ഷം ടിക്കറ്റുകളാണ് ഒന്നാം ദിവസം മാത്രം വിറ്റുപോയത്. കഴിഞ്ഞവർഷം ഒന്നാം ദിവസം ഒന്നരലക്ഷം ടിക്കറ്റുകൾ മാത്രമാണ് വിറ്റത്. കഴിഞ്ഞവർഷം 67.50 ലക്ഷം ടിക്കറ്റുകളാണ് അച്ചടിച്ചത്. ഇതിൽ 66.5 ലക്ഷം ടിക്കറ്റുകൾ വിറ്റുപോയി.
‘ഓണത്തിന് ജവാനെ പ്രത്യേകം പരിഗണിക്കണം’; ഒരു ബ്രാൻഡിനും കുറവുണ്ടാകരുത്, ജീവനക്കാർക്ക് നിർദേശങ്ങളുമായി ബെവ്കോ
കൂടുതൽ പേർക്ക് സമ്മാനം ലഭിക്കുന്നതിനായി സമ്മാനഘടനയിൽ മാറ്റം വരുത്തിയതാണ് വിൽപ്പനയിൽ കുതിപ്പിന് കാരണം. 125.54 കോടി രൂപയാണ് ഓണം ബമ്പറിൻ്റെ ആകെ സമ്മാനമായി നൽകുന്നത്. ഒന്നാം സമ്മാനം 25 കോടി രൂപയാണ്. രണ്ടാം സമ്മാനമായി ഒരു കോടി വീതം 20 പേർക്ക് ലഭ്യമാകും. മുന്നാം സമ്മാനം 50 ലക്ഷം രൂപ വീതം 20 പേർക്ക് ലഭിക്കും. പരാമാവധി 90 ലക്ഷം ടിക്കറ്റുകളാണ് ലോട്ടറി വകുപ്പിന് പുറത്തിറക്കാൻ സാധിക്കൂ. ആയിരം രൂപവരെയുള്ള സമ്മാനങ്ങൾക്ക് അർഹരാകുന്നവരുടെ എണ്ണവും ഇത്തവണ വർധിപ്പിച്ചിട്ടുണ്ട്. ലോട്ടറി വിൽപ്പനക്കാരുടെ കമ്മീഷനിലും വർധനയുണ്ട്. സെപ്റ്റംബർ ഇരുപതിനാണ് തിരുവോണം ബമ്പർ ടിക്കറ്റിൻ്റെ നറുക്കെടുപ്പ്.
Read Latest Kerala News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
