Edited by ജിബിൻ ജോർജ് | Samayam Malayalam | Updated: 16 Aug 2023, 5:58 am
രാജ്യത്തെ പ്രധാന രണ്ട് ഐടി നഗരങ്ങളെ ബന്ധിച്ച് വന്ദേ ഭാരത് എക്സ്പ്രസ് എത്തും. എട്ടു മണിക്കൂറിൽ 618 കിലോമീറ്റർ ദൂരം പിന്നിടുന്ന തരത്തിലാകും സർവീസ് നടത്തുകയെന്ന് അധികൃതർ
ഹൈലൈറ്റ്:
- കാച്ചെഗുഡ – ബെംഗളൂരു റൂട്ടിൽ പുതിയ വന്ദേ ഭാരത് എക്സ്പ്രസ്.
- 7 – 8 മണിക്കൂറിനുള്ളിൽ 618 കിലോമീറ്റർ ദൂരം പിന്നിടും.
- പ്രധാന സ്റ്റേഷനുകളിൽ ട്രെയിനെത്തും.
15,000 കോടിയുടെ വിശ്വകർമ്മ യോജന പദ്ധതി; നേട്ടം ആർക്കൊക്കെ? പ്രഖ്യാപനവുമായി പ്രധാനമന്ത്രിരായലസീമയിലെയും ദക്ഷിണ തെലങ്കാനയിലെയും പ്രധാന സ്‌റ്റേഷനുകളായ ധർമവാരം, ധോനെ, കുർണൂൽ, ഗഡ്‌വാൾ ജംഗ്‌ഷൻ, മഹബൂബ്‌നഗർ, ഷാദ്‌നഗർ എന്നിവിടങ്ങളിലൂടെയും വന്ദേ ഭാരത് എക്സ്പ്രസ് കടന്ന് പോകുക. പരീക്ഷണ ഓട്ടം ഈ മാസം അവസാനത്തോടെ ആരംഭിക്കാനാകുമെന്ന് മുതിർന്ന ഉദ്യോഗസ്ഥൻ പറഞ്ഞു. ആദ്യഘട്ടത്തിൽ രണ്ട് എക്സിക്യൂട്ടീവ് കോച്ചുകളും 14 ചെയർ കാറുകളും ഉൾപ്പെടുന്ന 16 കോച്ച് ട്രെയിനായിരിക്കും സർവീസ് നടത്തുകയെന്ന് അദ്ദേഹം കൂട്ടിച്ചേർത്തു.
Football while kayakking: കയാക്കിങ്ങിനിടയിൽ ഫുട്ബോൾ കൊണ്ട് അഭ്യാസപ്രകടനം ശ്രദ്ധേയമായി യുവാവ്
സെക്കന്തരാബാദ് – വിശാഖപട്ടണം, സെക്കന്തരാബാദ് – തിരുപ്പതി എന്നീ പ്രധാന പാതകളിലെ സർവീസിന് ശേഷം സൗത്ത് സെൻട്രൽ റെയിൽവേയുടെ മൂന്നാമത്തെ വന്ദേ ഭാരത് എക്‌സ്പ്രസാണ് കാച്ചെഗുഡ – ബെംഗളൂരു റൂട്ടിൽ ആരംഭിക്കാനൊരുങ്ങുന്നത്.
പുതിയ 16 കോച്ച് ട്രെയിൻ എത്തിയതായതായും ഔദ്യോഗിക ഉദ്ഘാടനത്തിന് കാത്തിരിക്കുകയാണെന്നും അധികൃതർ അറിയിച്ചു. ഇതേ പാതയിലൂടെ സഞ്ചരിക്കുന്ന ട്രെയിനുകളിൽ പലതും മണിക്കൂറിൽ 11 മുതൽ 12 മണിക്കൂർവരെ വൈകുന്നുണ്ട്.
തിരക്കേറിയ കാച്ചെഗുഡ – ബെംഗളൂരു പാതയിൽ അതിവേഗ സർവീസുകൾ ആവശ്യമാണ്. ഇരു നഗരങ്ങളും ടെക് ഹബ്ബുകളായതിനാൽ യാത്രക്കാരുടെ എണ്ണം കൂടുതലാണ്. സൗത്ത് സെൻട്രൽ റെയിൽവേയുടെ രണ്ട് വന്ദേ ഭാരത് ട്രെയിനുകളെയും യാത്രക്കാർ ഏറ്റെടുത്തതായും എസ്സിആർ ഉദ്യോഗസ്ഥർ പറഞ്ഞു.
അറസ്റ്റിന് പിന്നാലെ പശുക്കടത്ത് സംഘം വെടിയുതിർത്തു; പോലീസ് ഉദ്യോഗസ്ഥന് ദാരുണാന്ത്യം, മൂന്നുപേർ കസ്റ്റഡിയിൽ
അതേസമയം, കാച്ചെഗുഡ – ബെംഗളൂരു വന്ദേ ഭാരത് എക്‌സ്പ്രസിൻ്റെ ഉദ്ഘാടനം എന്നാകുമെന്ന കാര്യത്തിൽ അധികൃതർ വ്യക്തത വരുത്തിയിട്ടില്ല. രണ്ട് നഗരങ്ങൾക്കുമിടയിൽ 618 കിലോമീറ്റർ ദൂരമാണുള്ളതെന്നാണ് റിപ്പോർട്ട്. കാച്ചെഗുഡയ്ക്കും ധോനെയ്ക്കുമിടയിൽ ട്രയൽ റൺ നടത്തിയിരുന്നതായി എസ്സിആർ ഉദ്യോഗസ്ഥൻ ദിവസങ്ങൾക്ക് മുൻപ് വ്യക്തമാക്കിയിരുന്നു. രണ്ട് ഐടി നഗരങ്ങളെയും ബന്ധിപ്പിച്ചുള്ള മികച്ചതും വേഗതയേറിയതുമായ സർവീസാണ് ലക്ഷ്യമിടുന്നതെന്ന് ഉദ്യോഗസ്ഥർ പറഞ്ഞു.
Read Latest National News and Malayalam News
ജിബിൻ ജോർജ് നെ കുറിച്ച്
ജിബിൻ ജോർജ് ഡിജിറ്റൽ കണ്ടൻ്റ് പ്രൊഡ്യൂസർ
ജിബിൻ ജോർജ്. മലയാളം വിഭാഗം മാധ്യമപ്രവർത്തകൻ. 12 വർഷമായി മാധ്യമ രംഗത്ത് സജീവമായി പ്രവർത്തിക്കുന്നു. രാഷ്ട്രീയ – സാമൂഹിക വിഷയങ്ങളിൽ വാർത്തകൾ ചെയ്യുന്നു. ആദ്യഘട്ടത്തിൽ മംഗളത്തിൽ പ്രിൻ്റ് മീഡിയയിൽ ബ്യൂറോയിലും ഡെസ്ക്കിലുമായി പ്രവൃത്തിപരിചയം. 2014 മുതൽ ഓൺലൈൻ ന്യൂസ് വിഭാഗത്തിൽ ജോലി ചെയ്യുന്നു. ഓൺലൈൻ വിഭാഗത്തിൽ വെബ്ദുനിയയിൽ ആയിരുന്നു തുടക്കം. 2019ൽ ടൈംസ് ഓഫ് ഇന്ത്യയുടെ സമയം മലയാളത്തിൻ്റെ ഭാഗമായി. മംഗളം പ്രിൻ്റ് മീഡിയയുടെ ഭാഗമായ ഡിപ്ലോമ കോഴ്സ് (പഞ്ചാബ് ടെക്നിക്കൽ യൂണിവേഴ്സിറ്റി) പാസായി. ഡിഗ്രി ബി.എ പൊളിറ്റിക്കൽ സയൻസ്.Read More
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
