Also Read : ഒപ്പമുള്ള താമസം അവസാനിപ്പിച്ച് ഭാര്യക്കൊപ്പം പോയി; പങ്കാളിയുടെ 11 കാരനായ മകനെ കൊലപ്പെടുത്തി യുവതി, ഒടുവിൽ അറസ്റ്റ്
ജൂലൈ മാസത്തിലും കഴിഞ്ഞയാഴ്ചയുമായുണ്ടായ കനത്ത മഴയിലും മിന്നൽ പ്രളയത്തിലുമായി ഏകദേശം 10,000 കോടി രൂപയുടെ നഷ്ടം കണക്കാക്കുമെന്നും മുഖ്യമന്ത്രി സുഖ്വീന്ദർ സിംഗ് സുഖു വ്യക്തമാക്കി. സംസ്ഥാനത്ത് മൺസൂണിൽ തകർന്ന അടിസ്ഥാന സൗകര്യങ്ങൾ പുനർനിർമിക്കാൻ ഒരു വർഷമെടുക്കുമെന്നും അദ്ദേഹം കൂട്ടിച്ചേർത്തു.
Archbishop Cyril Vasil: ഇവിടെ എന്താണ് സംഭവിക്കുന്നത് എന്ന് മാർപാപ്പയ്ക്ക് വ്യക്തമായി അറിയാം
സംസ്ഥാന തലസ്ഥാനമായ ഷിംലയിലെ സമ്മർ ഹിൽ, കൃഷ്ണ നഗർ, ഫാഗ്ലി എന്നിവിടങ്ങളിലെ മണ്ണിടിച്ചിലിൽ ഡസൻ കണക്കിന് ആളുകൾ മരിച്ചിരുന്നു. അതേസമയം സമ്മർ ഹില്ലിൽ ഇന്ന് രാവിലെ വീണ്ടും മഴ റിപ്പോർട്ട് ചെയ്തിട്ടുണ്ട്. കഴിഞ്ഞ ദിവസം സമ്മർഹിൽസിലെ ശിവക്ഷേത്രം തകർന്ന് നിരവധി ആളുകൾ കൊല്ലപ്പെട്ടിരുന്നു.
സമ്മർ ഹില്ലിലെ കെട്ടിടാവശിഷ്ടങ്ങളിൽ നിന്ന് 13 മൃതദേഹങ്ങളും ഫാഗ്ലിയിൽ നിന്ന് അഞ്ച് പേരും കൃഷ്ണ നഗറിൽ നിന്ന് രണ്ട് മൃതദേഹങ്ങളും കണ്ടെടുത്തതായി ഒരു ഉദ്യോഗസ്ഥൻ പറഞ്ഞു. തിങ്കളാഴ്ച തകർന്ന ക്ഷേത്രത്തിന്റെ അവശിഷ്ടങ്ങൾക്കിടയിൽ മറ്റ് നിരവധി പേർ കുടുങ്ങിക്കിടക്കുന്നതായി സംശയിക്കുന്നു.
കൃഷ്ണ നഗറിൽ ഇന്നലെ വൈകിട്ട് ഉണ്ടായ മണ്ണിടിച്ചിലിൽ എട്ട് വീടുകൾ ഒലിച്ചുപോയിരുന്നു, രണ്ട് പേർ മരിച്ചതായും റിപ്പോർട്ടുണ്ട്. തിങ്കളാഴ്ച പെട്ടന്നുണ്ടായ മേഖവിസ്ഫോടനത്തിൽ സോലൻ ജില്ലയിൽ ഏഴ് പേർ മരിച്ചിരുന്നു.
താഴ്ന്ന പ്രദേശങ്ങളിൽ നിന്ന് 800-ലധികം ആളുകളെ രക്ഷപ്പെടുത്തി. ഒഴിപ്പിക്കൽ ശ്രമങ്ങൾ തുടരുകയാണെന്ന് കാൻഗ്ര ജില്ലയിലെ മഴ ബാധിത പ്രദേശങ്ങളിൽ ഇന്ന് വ്യോമനിരീക്ഷണം നടത്തിയ മുഖ്യമന്ത്രി പറഞ്ഞു.
കഴിഞ്ഞ മൂന്ന് ദിവസങ്ങളിലായി 60 പേരോളം മരിച്ചതായാണ് മുഖ്യമന്ത്രിയുടെ കണക്കുകൾ സൂചിപ്പിക്കുന്നത്. റോഡുകളും ജലപദ്ധതികളും പുനർനിർമിക്കാൻ സമയമെടുക്കുമെന്ന് മുഖ്യമന്ത്രി വ്യക്തമാക്കി.
Also Read : ഇത്തവണ ഓണക്കിറ്റ് മഞ്ഞക്കാർ‌ഡുകാർക്ക് മാത്രം; ഇത്തവണത്തെ ഗുണഭോക്താക്കൾ 5.82 ലക്ഷം ആളുകൾ
അതേസമയം, സർക്കാർ പ്രവർത്തനങ്ങൾ വേഗത്തിലാക്കുകയാണ്. “ഒരു വർഷത്തിനുള്ളിൽ അടിസ്ഥാന സൗകര്യങ്ങൾ പൂർണ്ണമായും പുനഃസ്ഥാപിക്കേണ്ടതുണ്ട്. ഇത് മനസ്സിൽ വെച്ചാണ് ഞാൻ പ്രവർത്തിക്കുന്നത്. ഇതൊരു വലിയ വെല്ലുവിളിയാണ്, പർവതസമാനമായ വെല്ലുവിളിയാണ്. എന്നാൽ ഞങ്ങൾ പിന്മാറാൻ പോകുന്നില്ല,” അദ്ദേഹം പറഞ്ഞു.
Read Latest National News and Malayalam News
