ദക്ഷിണേന്ത്യയിലെ ഏറ്റവും ഉയരമേറിയ റെയിൽ-റോഡ് ഫ്ലൈഓവർ ബെംഗളൂരുവിൽ പൂർത്തിയാകുന്നു; തുറന്നുകിട്ടാൻ ഇനിയും കാത്തിരിക്കണം

ജയദേവ ജങ്ഷനിൽ നേരത്തെ ഒരു ഫ്ലൈഓവർ ഉണ്ടായിരുന്നു. എന്നാൽ, പുതിയ റെയിൽ-റോഡ് ഫ്ലൈഓവറിനുവേണ്ടി അത് നീക്കം ചെയ്തു. 2020ലാണ് ഈ ജയദേവ ഫ്ലൈഓവർ നീക്കം ചെയ്തത്.

രണ്ട് ലെവലുകളിലായിട്ടാണ് പുതിയ റെയിൽ-റോഡ് ഫ്ലൈഓവർ പണിതിരിക്കുന്നത്. ആദ്യത്തെ ലെവലിൽ വാഹനങ്ങൾക്കുള്ള റോഡാണ്. ഇത് നാല് ലേനിൽ നിർമ്മിച്ചിരിക്കുന്നു. നടുവിലുള്ള തൂണുകളില്‍ ഉയർത്തിയ മെട്രോ റെയിൽ ട്രാക്കാണ് രണ്ടാമത്തെ ലെയർ.

3.2 കിലോമീറ്ററാണ് ഈ റെയിൽ-റോഡ് ഫ്ലൈഓവറിന്റെ നീളം. ഉയരം 31 മീറ്റർ. ദക്ഷിണേന്ത്യയിലെ ഏറ്റവും ഉയരംകൂടിയ റെയിൽ-റോഡ് ഫ്ലൈഓവറാണിത്.