Also Read : ജീവിച്ചിരുന്നപ്പോള്‍ അപമാനിച്ചവര്‍ മരിച്ചപ്പോഴും ഉമ്മന്‍ ചാണ്ടിയെ അപമാനിക്കുന്നു: വി ഡി സതീശൻ
പാത ഇരട്ടിപ്പിക്കൽ അടക്കമുള്ള പുതിയ പദ്ധതിയിലൂടെ പ്രധാനപാതകളിലൂടെയുള്ള തിരക്ക് കുറയക്കുന്നതിന് സഹായിക്കുമെന്നാണ് കരുതുന്നത്. അതിനുപുറമെ, ഏറ്റവും തിരക്കേറിയ സെക്ഷനുകളിൽ ആവശ്യമായ അടിസ്ഥാന സൗകര്യ വികസനം പ്രദാനം ചെയ്യാനും സാധിക്കുമെന്നും വിലയിരുത്തുന്നു.
Health Insurance Policy: ചെറുപ്പത്തിൽ തന്നെ ആരോഗ്യ ഇൻഷുറൻസ് സ്വന്തമാക്കേണ്ടതുണ്ടോ?
ഉത്തർപ്രദേശ്, ബിഹാർ, തെലങ്കാന, ആന്ധ്രാ പ്രദേശ്, ഒഡിഷ, ജാർഖണ്ഡ്, പശ്ചിമ ബംഗാൾ, മഹാരാഷ്ട്ര, ഗുജറാത്ത്, എന്നീ ഒൻപത് സംസ്ഥാനങ്ങളിലായുള്ള 35 ജില്ലകളിലാണ് പദ്ധതി നടപ്പിലാക്കുന്നത്. ഈ സംസ്ഥാനങ്ങളിൽ ഇന്ത്യൻ റെയിൽവേയുടെ നിലവിലുള്ള ശൃംഖല 2339 കിലോമീറ്റർ വർദ്ധിപ്പിക്കും. അതിന് പുറമെ, ഈ സംസ്ഥാനങ്ങളിലെ 7.06 കോടി ആളുകൾക്ക് തൊഴിൽ ലഭിക്കുകയും ചെയ്യുമെന്ന് റെയിൽവേ മന്ത്രാലയം അറിയിച്ചിട്ടുണ്ട്.
ഭക്ഷ്യധാന്യങ്ങൾ, രാസവളങ്ങൾ, കൽക്കരി, സിമൻറ്, ഫ്ലൈ ആഷ്, ഇരുമ്പ്, ഫിനിഷ്ഡ് സ്റ്റീൽ, ക്ലിങ്കർ, ക്രൂഡ് ഓയിൽ, ലൈം സ്റ്റോൺ, ഭക്ഷ്യ എണ്ണ തുടങ്ങിയ വിവിധയിനം ചരക്കുകളുടെ ഗതാഗതത്തിനും അവശ്യമായ വഴികളാണിത്. കാബിനറ്റ് കമ്മിറ്റി ഓൺ ഇക്കണോമിക് അഫയേഴ്‌സ് (സിസിഇഎ)യുടെ പ്രസ്താവന പ്രകാരം 200 എംടിപിഎ (പ്രതിവർഷം മില്യൺ ടൺ) അധിക ചരക്ക് ഗതാഗതം, പരിസ്ഥിതി സൗഹൃദവും ഊർജ കാര്യക്ഷമവുമായ ഗതാഗതമാർഗമായ റെയിൽവേ കാലാവസ്ഥാ ലക്ഷ്യങ്ങൾ കൈവരിക്കുന്നതിനും സഹായിക്കുന്നതിനും സഹായിക്കും. അതിനുപുറമെ, പുതിയ പാത ഇരട്ടിപ്പിക്കൽ പദ്ധതി രാജ്യത്തിന്റെ ലോജിസ്റ്റിക്സ് ചെലവ് കുറയ്ക്കുന്നതിന് സഹായകരമാകുമെന്നും റെയിൽവെ പുറത്തിറക്കിയ പ്രസ്താവനയിൽ പറയുന്നു.
റെയിൽവേയുടെ ഏഴ് പുതിയ പദ്ധതികളുടെ വിശദാംശങ്ങളും പുറത്തുവിട്ടിട്ടുണ്ട്.
1. ഗോരഖ്പുർ ഖണ്ട് – വാൽമീകി നഗർ – പാത ഇരട്ടിപ്പിക്കൽ
2. സോൻ നഗർ – ആണ്ഡാൾ മൾടി ട്രാക്കിങ് പ്രോജക്റ്റ് – മൾട്ടി ട്രാക്കിങ്
3. നെർഗണ്ഡി – ബാരാഗ് ആന്റ് ഖുർദ്ദ റോഡ് – വിസിനഗരം – മൂന്നാമത്തെ ലെയിൻ
4. മുദ്ഖേദ്-മേഡ്ചൽ ആന്റ് മഹ്ബൂബ്നഗർ-ധോൺ – പാത ഇരട്ടിപ്പിക്കൽ
5. ഗുണ്ടൂർ – ബിബിനഗർ – പാത ഇരട്ടിപ്പിക്കൽ
6. ഛോപ്പൻ – ചുണാർ – പാത ഇരട്ടിപ്പിക്കൽ
7. സമഖൈലി – ഗണ്ഡിദ്ദം – പാതയുടെ എണ്ണം നാലിരട്ടിയാക്കൽ
പദ്ധതിയിലൂടെ ജനങ്ങൾക്ക് സൗകര്യങ്ങൾ ലഭിക്കുന്നതിനൊപ്പം അവർക്ക് തൊഴിലവരങ്ങൾ വർദ്ധിപ്പിക്കുകയും ചെയ്യുന്ന പുതിയ ഇന്ത്യ എന്ന പ്രധാനമന്ത്രിയുടെ കാഴ്ചപ്പാടിന് അനുസൃതമായാണ് പദ്ധതികളാണെന്ന് റെയിൽവേ മന്ത്രി അറിയിച്ചു. പിഎം-ഗതി ശക്തി ദേശീയ മാസ്റ്റർ പ്ലാനിന്റെ ഫലമാണ് പദ്ധതികൾ. ജനങ്ങളുടെയും ചരക്കുകളുടെയും സേവനങ്ങളുടെയും ചലനത്തിന് തടസ്സമില്ലാത്ത കണക്റ്റിവിറ്റി ലഭ്യമാകും.
Read Latest National News and Malayalam News
