Edited by കാർത്തിക് കെ കെ | Samayam Malayalam | Updated: 17 Aug 2023, 5:04 pm
ISRO Chandrayaan 3 Lander: വിക്ഷേപിച്ച് 40 ദിവസത്തിനുള്ളിൽ സോഫ്റ്റ് ലാൻഡിങ്ങിനൊരുങ്ങുകയാണ് ചന്ദ്രയാൻ 3. പ്രൊപ്പൽഷൻ മൊഡ്യൂൾ ലാൻഡർ വേർപിരിയൽ പൂർത്തിയായെന്ന് ഐഎസ്ആർഒ തന്നെയാണ് വ്യക്തമാക്കിയത്.
ഹൈലൈറ്റ്:
- ചന്ദ്രനരികെ ചന്ദ്രയാൻ 3
- നിർണായകഘട്ടം കടന്നു
- ലാൻഡർ വേർപിരിയൽ വിജയകരം
അടുത്ത ബുധനാഴ്ച (ഓഗസ്റ്റ് 23)യാണ് ചന്ദ്രയാൻ 3 ലാൻഡിങ്. ത്രസ്റ്റർ എഞ്ചിൻ ഉപയോഗിച്ച് വേഗം കുറച്ച് താഴേക്കിറങ്ങാനുള്ള ആദ്യ സ്റ്റെപ്പ് (ഡീ ബൂസ്റ്റിങ് നാളെ വൈകീട്ട് നാല് മണിക്ക് നടക്കും. ചന്ദ്രോപരിതലത്തിന് മുകളിൽ 2 ത്രസ്റ്റർ എഞ്ചിനുകളുടെ സഹായത്തോടെ അന്തരീക്ഷത്തിൽ അൽപ്പനേരം നിശ്ചലമായി നിൽക്കും. പിന്നീട് വേഗം കുറച്ചശേഷം സെക്കൻഡിൽ 1- 2 മീറ്റർ വേഗതയിലാകും താഴേക്കിറക്കുക.
കളമശ്ശേരി മെഡിക്കൽ കോളേജിന് സമീപം തലയോട്ടി കണ്ടെത്തി; അന്വേഷണം ആരംഭിച്ച് പോലീസ്
Palakkad Well Chemical Change: പാലക്കാട് കിണറിനുള്ളിൽ സ്ഫോടനം
ലാൻഡറിന്‍റെ പ്രവേഗം കൃത്യമായി നിശ്ചയിക്കാൻ ഇത്തവണ ലേസർ ഡോപ്ലർ വെലോസിറ്റി മീറ്റർ സഹായിക്കും. കഴിഞ്ഞ ദൗത്യത്തിൽ ഇത് ഇല്ലായിരുന്നു. അടുത്ത ബുധനാഴ്ച വൈകീട്ട് 5.47ന് ലാൻഡർ ചന്ദ്രനിൽ ഇറങ്ങുമെന്നാണ് ഐഎസ്ആർഒ വിലയിരുത്തുന്നത്. ലാൻഡിങ്ങിനുശേഷം റാംപ് തുറന്ന് റോവർ പുറത്തിറക്കും. ഒരു കിലോമീറ്റർ ചുറ്റളവിൽ സഞ്ചരിക്കാൻ കഴിയന്ന റോവറാണിത്.
റഷ്യയുടെ ലൂണ -25 ഉം അടുത്തയാഴ്ച സോഫ്റ്റ് ലാൻഡിങ്ങിനായി തയ്യാറെടുക്കുകയാണ്. ചന്ദ്രന്‍റെ ദക്ഷിണധ്രുവത്തിൽ ആദ്യം ഇറങ്ങുക ലക്ഷ്യമിട്ട് ചന്ദ്രയാൻ 3 ആണ് ആദ്യം യാത്ര ആരംഭിച്ചതെങ്കിലും ലൂണ-25 ഓഗസ്റ്റ് 21നോ 23നോ സോഫ്റ്റ് ലാൻഡിങ് നടത്തിയേക്കുമെന്നാണ് വിലയിരുത്തുന്നത്. ഇന്ത്യയുടെ ചാന്ദ്ര പര്യവേക്ഷണ പരമ്പരയിലെ മൂന്നാമത്തെ ദൗത്യമായ ചന്ദ്രയാൻ- 3 ജൂലൈ 14നാണ് വിക്ഷേപിച്ചത്. തുടർന്ന് ഓഗസ്റ്റ് 5ന് ചന്ദ്രന്‍റെ ഭ്രമണപഥത്തിൽ വിജയകരമായി എത്തിച്ചിരുന്നു.
Also Read : ഓറഞ്ച് വന്ദേ ഭാരത് പുറത്തിറങ്ങുന്നു; അനാച്ഛാദനം ഓഗസ്റ്റ് 19ന്? പണി പൂർത്തിയായത് 31ാം വന്ദേ ഭാരതിന്‍റേത്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
