Also Read : മധ്യപ്രദേശിൽ ബിജെപിക്ക് തിരിച്ചടി; സിന്ധ്യയുടെ വലംകൈ കോൺഗ്രസിലേക്ക് മടങ്ങി
2012ൽ ലഡാക്കിലെ പാംഗോങ് ത്സോ വഴിയുള്ള കല്ലുകളും പാറകളും നിറഞ്ഞ ഒരു താൽക്കാലിക റോഡിലൂടെ സ്പോർട്സ് യൂട്ടിലിറ്റി വാഹനങ്ങൾ സഞ്ചരിക്കാൻ ശ്രമിക്കുന്നതിന്റെ വീഡിയോയും കേന്ദ്രമന്ത്രി കിരൺ റിജ്ജു സമൂഹമാധ്യമമായ ‘എക്സി’ൽ പങ്കുവച്ചിട്ടുണ്ട്.
ആരും ആഗ്രഹിക്കും ഇങ്ങനെയൊരു യാത്ര
2012ലെ വീഡിയോക്കൊപ്പം ഓഗസ്റ്റ് 20ന് രാജീവ് ഗാന്ധിയുടെ ജന്മദിനത്തോടനുബന്ധിച്ച് പ്രാർത്ഥനായോഗം സംഘടിപ്പിക്കുന്നതിന് വേണ്ടി പാംഗോങ് ഝോ വഴിയുള്ള മിനുസമാർന്ന ബ്ലാക്ക്‌ടോപ്പ് റോഡിൽ മോട്ടോർ സൈക്കിളിൽ സഞ്ചരിക്കുന്ന ഗാന്ധിയുടെ ചിത്രവും ഭൗമശാസ്ത്ര മന്ത്രി പോസ്റ്റ് ചെയ്തിട്ടുണ്ട്.
“നരേന്ദ്ര മോദി സർക്കാർ നിർമ്മിച്ച ലഡാക്കിലെ മികച്ച റോഡുകൾ പ്രോത്സാഹിപ്പിച്ചതിന് രാഹുൽ ഗാന്ധിക്ക് നന്ദി,” എന്ന് റിജിജു ‘എക്‌സ്’ പ്ലാറ്റ്ഫോമിൽ കുറിച്ചിട്ടുണ്ട്.
കാശ്മീർ താഴ്‌വരയിൽ വിനോദസഞ്ചാരം എങ്ങനെ കുതിച്ചുയരുന്നുവെന്ന് നേരത്തെയും ഗാന്ധി കാണിച്ചുതന്നിട്ടുണ്ടെന്നും ശ്രീനഗറിലെ ലാൽ ചൗക്കിൽ ഇപ്പോൾ സമാധാനപരമായി ദേശീയ പതാക ഉയർത്താൻ കഴിയുമെന്ന് എല്ലാവരേയും ഓർമ്മിപ്പിച്ചതായും മന്ത്രി പറഞ്ഞു.
യാത്രയെ പ്രകീർത്തിച്ച് പാർലമെന്ററി കാര്യമന്ത്രി പ്രഹ്ലാദ് ജോഷിയും രംഗത്തുവന്നിട്ടുണ്ട്. കശ്മീരിൽ നിന്നും ആർട്ടിക്കിൾ 370 ഒഴിവാക്കിയതിന് ശേഷമുള്ള പ്രചാരണങ്ങൾക്ക് മുന്നിട്ടിറങ്ങിയതിന് രാഹുലിന് നന്ദി എന്ന് പടഞ്ഞായിരുന്നു അദ്ദേഹത്തിന്റെ ട്വീറ്റ് വന്നിരിക്കുന്നത്.
“ലേയിലും ലഡാക്കിലും ആർട്ടിക്കിൾ 370 ഒഴിവാക്കിയതിന് ശേഷമുള്ള സംഭവവികാസങ്ങൾ സാക്ഷ്യപ്പെടുത്താനും പ്രചരിപ്പിക്കാനും, ശ്രീ രാഹുൽ ഗാന്ധി തന്നെ താഴ്‌വരയിലേക്ക് ഒരു യാത്ര നടത്തി. അദ്ദേഹത്തിന്റെ റോഡ് യാത്രയുടെ നേർക്കാഴ്ചകൾ കാണുന്നതിൽ ഞങ്ങൾ ആഹ്ലാദിക്കുന്നു.”
2019 ഓഗസ്റ്റിൽ ജമ്മു കശ്മീരിൽ നിന്ന് വിഭജിക്കപ്പെട്ട് കേന്ദ്രഭരണ പ്രദേശമാക്കിയതിന് ശേഷം ലഡാക്കിലേക്ക് നടത്തുന്ന അദ്ദേഹത്തിന്റെ ആദ്യ പര്യടനത്തിലാണ് രാഹുൽ ഗാന്ധി ഇപ്പോൾ.
Also Read : ലഡാക്കിൽ സൈനിക വാഹനം മലയിടുക്കിലേക്ക് മറിഞ്ഞു; 9 സൈനികർ മരിച്ചു
ലഡാക്കിലെ പാൻഗോങ് തടാകത്തിലേക്കുള്ള യാത്രയിലാണെന്നും ലോകത്തിലെ തന്നെ ഏറ്റവും മനോഹരമായ സ്ഥലങ്ങളിലൊന്നാണതെന്ന് അച്ഛൻ പറയാറുണ്ടെന്നും യാത്രയുടെ ചിത്രങ്ങൾ പങ്കുവച്ചുകൊണ്ട് രാഹുൽ എക്‌സിൽ കുറിച്ചു. ‘തടയാനാവാതെ മുന്നോട്ട് ‘എന്ന കുറിപ്പുമായാണ് കോൺഗ്രസിന്റെ ഔദ്യോഗിക എക്‌സ് ഹാൻഡിലും ചിത്രങ്ങൾ പങ്കുവെച്ചിരിക്കുന്നത്.
Read Latest National News and Malayalam News
