ഇന്നലെ ഇന്‍റഗ്രൽ കോച്ച് ഫാക്ടറിക്കും പാഡി റെയിൽവേ മേൽപാലത്തിനും ഇടയിലാണ് പുതിയ വന്ദേഭാരത് പരീക്ഷണ ഓട്ടം നടത്തിയത്. ഇതിന്‍റെ ദൃശ്യങ്ങൾ ഡിഡി ന്യൂസ് പുറത്തുവിട്ടിട്ടുണ്ട്. ആദ്യമായി കോച്ച് ഫാക്ടറിക്ക് പുറത്തിറക്കിയ ട്രെയിനിന്‍റെ ചിത്രങ്ങളും പുറത്തുവന്നു. ഐസിഎഫ് നിർമ്മിക്കുന്ന 33ാമത്തെ വന്ദേ ഭാരത് ട്രെയിനാണിത്. നേരത്തെ പുറത്തുവന്ന റിപ്പോർട്ടുകൾ 31ാം വന്ദേ ഭാരതാണ് ഓറഞ്ച് നിറത്തിൽ ഇറങ്ങുന്നത് എന്നായിരുന്നു. നിലവിൽ നിറം മാറ്റമുള്ള ഒരു റേക്ക് മാത്രമേ റെയിൽവേ പുറത്തിറക്കിയിട്ടുള്ളൂ.
ഇത്തവണ ഓണം പൊടിപൊടിക്കും; 1500 ഓണ വിപണികള്‍; സബ്സിഡി ഇനങ്ങൾ നിരവധി; 13 ഇനങ്ങൾ 462 രൂപയ്ക്ക്, വിശദാംശങ്ങൾ ഇങ്ങനെKN Balagopal: പാലരുവി അഗ്രി സ്മാർട്ട് വില്ലേജ് പദ്ധതി: ഉന്നത നിലവാരത്തിൽ പൂർത്തിയാക്കുമെന്ന് മന്ത്രി
പുതിയ വന്ദേ ഭാരതിന്‍റെ പുറത്തെ നിറം മാറിയതല്ലാതെ സ്പീഡിലും മറ്റുകാര്യങ്ങളിലൊന്നും മാറ്റങ്ങൾ വരുത്തിയിട്ടില്ല. നിലവിൽ സർവീസ് നടത്തുന്ന വന്ദേ ഭാരതുകളിൽ വെള്ള നിറം മൂലം പെട്ടെന്ന് പൊടി പിടിക്കുന്നതിനാലാണു പുതിയ നിറമാറ്റം എന്നാണ് അധികൃതർ പറയുന്നത്. 8 കോച്ചുകളുള്ള വന്ദേ ഭാരതാണ് ട്രാക്കിലിറക്കി പരീക്ഷിച്ചത്.
വന്ദേ ഭാരതിന്‍റെ പുതിയ ബാച്ചിൽ വരുത്തിയിട്ടുള്ള 25 സവിശേഷതകൾ പുറത്തിറങ്ങാനിരിക്കുന്ന ഓറഞ്ച് കളർ ട്രെയിനിലുമുണ്ട്. സീറ്റുകൾ കൂടുതൽ പിന്നിലേക്ക് ചായിക്കാനുള്ള സൗകര്യം, മെച്ചപ്പെട്ട കുഷ്യനുകൾ, ഫൂട്ട് റെസ്റ്റിന്‍റെ നീളം, സീറ്റുകളുടെ നിറവ്യത്യാസം, വാഷ് ബേസിനിൽ വരുത്തിയ മാറ്റങ്ങൾ, മൊബൈൽ ചാർജിംഗ് പോയിന്‍റുകളിലെ മാറ്റങ്ങൾ തുടങ്ങിയവയെല്ലാം ഈ സെമി ഹൈസ്പീഡ് ട്രെയിനിലുമുണ്ട്.
നിലവിൽ രാജ്യത്ത് 25 റൂട്ടുകളിലാണ് വന്ദേ ഭാരത് സർവീസ് നടത്തുന്നത്. ഡൽഹി, മുംബൈ, ചെന്നൈ, ബെംഗളൂരു, വിശാഖപട്ടണം, ലക്നൗ, ഭോപാൽ, മൈസൂരു, കോയമ്പത്തൂർ, തിരുവനന്തപുരം, ഗാന്ധി നഗർ, തിരുപ്പതി, ഹൗറ, ഷിർദി, ഗുവാഹട്ടി, ഡെറാഡൂൺ, ജയ്പുർ, ജോധ്പുർ, ന്യൂജൽപൈഗുഡി തുടങ്ങിയ പ്രധാന നഗരങ്ങളിലേക്ക് വന്ദേ ഭാരത് സർവീസ് നിലവിലുണ്ട്.
ഈ മാസം കൂടുതൽ വന്ദേ ഭാരത് സർവീസുകൾ ട്രാക്കിലിറങ്ങുമെന്ന് റെയിൽവേ പ്രഖ്യാപിച്ചിട്ടുണ്ട്. വിവിധ റൂട്ടുകളിൽ സെമി ഹൈസ്പീഡ് ട്രെയിനിന്‍റെ പരീക്ഷണ ഓട്ടവും പൂർത്തിയായി. നിലവിൽ സ്ലീപ്പര്‍ കോച്ചുകളുള്ള വന്ദേഭാരത് എക്സ്പ്രസ് നിർമിക്കുന്ന നടപടികൾ പുരോഗമിക്കുകയാണ്.
