Also Read : ISRO Chandrayaan 3 Landing Live: ചരിത്രനേട്ടത്തിന് അരികെ ഇന്ത്യ; ചന്ദ്രയാൻ മൂന്നിന്റെ ഐതിഹാസിക നിമിഷത്തിന് സാക്ഷിയാകാൻ ലക്ഷങ്ങൾ
സെപ്തംബർ 8 മുതൽ 10 വരെ സർക്കാർ അവധി പ്രഖ്യാപിക്കാൻ ശുപാർശ ചെയ്തുകൊണ്ട് ഡൽഹി പോലീസിന്റെ സ്പെഷ്യൽ സിറ്റി കമ്മീഷണർ ഗവൺമെന്റ് ചീഫ് സെക്രട്ടറിക്ക് കത്തെഴുതിയതിന് മണിക്കൂറുകൾക്ക് ശേഷമാണ് ഈ നടപടി.
Onam Calicut: ഓണത്തെ വരവേൽക്കാൻ ഒരുങ്ങി കോഴിക്കോട്
സെപ്റ്റംബർ 9, 10 തീയതികളിലാണ് ലോകത്തിലെ ഏറ്റവും വലിയ സാമ്പത്തിക ശക്തികളായ രാജ്യങ്ങളുടെ നേതാക്കളുടെ സംഗമമായ ജി 20 ഉച്ചകോടി നടക്കുന്നത്. ഇന്ത്യയുടെ അധ്യക്ഷതയിൽ ഡൽഹിയിൽ അടുത്തിടെ ഉദ്ഘാടനം ചെയ്ത പ്രഗതി മൈതാനത്തെ ഭാരത് മണ്ഡപത്തിലാണ് ഈ ഉച്ചകോടി നടക്കുക.
ഗതാഗതക്കുരുക്കുകളും ലോജിസ്റ്റിക്കൽ വെല്ലുവിളികളും ലഘൂകരിക്കുന്നതിന്റെ ഭാഗമായാണ് ഇത്തരത്തിൽ ഒരു ശുപാർശ.
ഉച്ചകോടിക്കായി മിക്ക രാഷ്ട്രത്തലവന്മാരും സെപ്റ്റംബർ 8 ന് തന്നെ എത്തിയേക്കും. സെപ്തംബർ 10-11 തീയതികളിലായി പ്രതിനിധികൾ അതത് രാജ്യങ്ങളിലേക്ക് തിരികെ പുറപ്പെടുതിനും സാധ്യതയുണ്ട്. വിമാനത്താവളത്തിൽ നിന്ന് ഹോട്ടലുകളിലേക്കും ഉച്ചകോടിക്കിടെ മറ്റ് വേദികളിലേക്കുമുള്ള ഡെലിഗേറ്റുകളുടെ യാത്ര സുഗമമാക്കുന്നതിന് ഗതാഗതനിയന്ത്രണം കുറയ്ക്കേണ്ടതുണ്ടെന്നും പോലീസ് നൽകിയ ശുപാർശ കത്തിൽ സൂചിപ്പിക്കുന്നു.
ലോകനേതാക്കൾ കടന്നു പോകുന്നതിന് വൻ സുരക്ഷാ ക്രമീകരണങ്ങളാണ് ഡൽഹി പോലീസ് ഒരുക്കുന്നത്. യുഎസ് പ്രസിഡന്റ് ജോ ബൈഡൻ, ചൈനീസ് പ്രസിഡന്റ് ഷി ജിൻപിങ്ങ്, കനേഡിയൻ പ്രധാനമന്ത്രി ജസ്റ്റിൻ ട്രൂഡോ, ഫ്രഞ്ച് പ്രസിഡന്റ് ഇമ്മാനുവൽ മാക്രോൺ അടക്കം ലോകരാജ്യങ്ങൾ ഉച്ചകോടിയിൽ പങ്കെടുക്കാൻ എത്തും.
Also Read : എസി മൊയ്തീൻ എംഎൽഎയുടെ വസതിയിൽ 22 മണിക്കൂർ നീണ്ട ഇഡി റെയ്ഡ്; പുലർച്ചെ 5:10ന് അവസാനിച്ചു
ഉച്ചകോടിക്ക് മുന്നോടിയായി കഴിഞ്ഞ ദിവസങ്ങളിൽ ഡൽഹി ട്രാഫിക് പോലീസ് പ്രഗതി മൈതാനിലേക്ക് എത്തുന്ന പ്രധാനപാതകളിൽ മോക് ഡ്രിൽ നടത്തിയിരുന്നു. പ്രധാനപാതകളിൽ നിരവധി പോലീസ് ഉദ്യോഗസ്ഥരേയും നിയോഗിച്ചിട്ടുണ്ട്.
Read Latest National News and Malayalam News
