ഭക്ഷണം തൊണ്ടയിൽ കുടുങ്ങിയാൽ ഉടൻ ചെയ്യേണ്ടത്

കാണുമ്പോൾ നിസ്സാരമെന്ന് തോന്നുമെങ്കിലും വളരെ സങ്കീർണ്ണമായ ഒരു പ്രക്രിയയാണ് ഭക്ഷണം കഴിക്കുക എന്നത്. ചില സമയങ്ങളിൽ ഈ പ്രക്രിയയ്ക്കിടെ കാര്യങ്ങൾ തെറ്റിപ്പോകാം, ഇത് ഭക്ഷണം നിങ്ങളുടെ തൊണ്ടയിലോ അന്നനാളത്തിലോ കുടുങ്ങിപ്പോകുന്ന അവസ്ഥയ്ക്ക് കാരണമായേക്കാം. കൊച്ചുകുട്ടികൾക്കും മുതിർന്നവർക്കും ഈ പ്രശ്നം മൂലമുള്ള ശ്വാസംമുട്ടൽ ഉണ്ടാകാറുണ്ട്. ഗുരുതരമായ സാഹചര്യങ്ങളിൽ ശ്വാസതടസ്സം നേരിട്ട് മരണം വരെ സംഭവിക്കാം. ഭക്ഷണമോ മറ്റെന്തെങ്കിലും വസ്തുവോ നിങ്ങളുടെ തൊണ്ടയിലോ ശ്വാസനാളിയിലോ കുടുങ്ങുമ്പോൾ ശ്വാസകോശത്തിലേക്കുള്ള വായുവിന്റെ ഒഴുക്ക് തടയുന്നു.



ശ്വാസംമുട്ടുന്നതിന്റെ അടയാളങ്ങൾ ശ്രദ്ധിക്കണം

* സംസാരിക്കാനുള്ള കഴിവില്ലായ്മ

* ശ്വസിക്കുന്നതിൽ ബുദ്ധിമുട്ട് അല്ലെങ്കിൽ ശബ്ദത്തോടെയുള്ള ശ്വസനം

* ചുമ

* ചർമ്മം, ചുണ്ടുകൾ, നഖങ്ങൾ നീല നിറത്തിൽ അല്ലെങ്കിൽ മങ്ങിയതായി മാറുന്നു

* ബോധം നഷ്ടപ്പെടുന്നു

ശ്വാസതടസ്സം ജീവൻ തന്നെ അപകടപ്പെടുത്തുന്ന ഒരു അടിയന്തരാവസ്ഥയാണ്. നിങ്ങൾ അല്ലെങ്കിൽ നിങ്ങളുടെ പ്രിയപ്പെട്ട ഒരാൾ ഈ ലക്ഷണങ്ങൾ അനുഭവിക്കുകയാണെങ്കിൽ ഉടൻ തന്നെ വൈദ്യസഹായം നേടുക. നിങ്ങളുടെ പ്രാദേശിക ആരോഗ്യ സേവനങ്ങളെ വിളിക്കുന്നതിന് മുമ്പ് പുറത്ത് അടിക്കുക, വയർ ഞെക്കുക തുടങ്ങിയ കാര്യങ്ങൾ ശ്വാസംമുട്ടൽ അനുഭവിക്കുന്ന ആളിൽ ചെയ്യുവാൻ വിദഗ്ദ്ധർ ശുപാർശ ചെയ്യുന്നു.

ഭക്ഷണം തൊണ്ടയിൽ കുടുങ്ങുന്നതിന്റെ കാരണങ്ങൾ



ചെറിയ കുട്ടികളിൽ ഭക്ഷണം തൊണ്ടയിൽ കുടുങ്ങാനുള്ള സാധ്യത വളരെയധികമാണ്. ഭക്ഷണം നന്നായി ചവച്ചരച്ച് കഴിക്കാത്തതിനാലാണ് ഇത്തരത്തിൽ അപകടങ്ങൾ കൂടുതലായും സംഭവിക്കുന്നത്. എന്നാൽ മുതിർന്ന ആളുകളിൽ തിടുക്കത്തിൽ ഭക്ഷണം കഴിക്കുന്നത് ഭക്ഷണം തൊണ്ടയിൽ കുടുങ്ങാൻ കാരണമാകാം.

പഞ്ചസാര ഉപേക്ഷിച്ചാൽ ആരോഗ്യവും പിന്നെ ഈ ഗുണങ്ങളും

ഭക്ഷണം കുടുങ്ങിയാൽ പ്രയോഗിക്കേണ്ട തന്ത്രങ്ങൾ



>

കുട്ടികളിലായാലും മുതിർന്നവരിലായാലും ഭക്ഷണം കുടുങ്ങിയാൽ, കുടിങ്ങിയ ആളോട് ചുമയ്ക്കാൻ ആവശ്യപ്പെടാം. ചുമയുടെ പ്രഷറിൽ കുടുങ്ങിയ ഭക്ഷണം പുറന്തള്ളപ്പെടും.

>

ഭക്ഷണം കുടുങ്ങിയ വ്യക്തിയോട് കുനിഞ്ഞ് നിൽക്കാൻ ആവശ്യപ്പെട്ട ശേഷം പുറംഭാഗത്ത് ശക്തമായി തട്ടുക. ചെറിയ കുട്ടികളാണെങ്കിൽ കമിഴ്ത്തി പിടിച്ച ശേഷം ഇങ്ങനെ തട്ടി കൊടുക്കാം.

ശ്രദ്ധിക്കുക: ഈ രീതികളെല്ലാം വ്യക്തി ബോധാവസ്ഥയിൽ ആണെങ്കിൽ അവലംബിക്കാവുന്ന കാര്യങ്ങളാണ്. അബോധാവസ്ഥയിലേയ്ക്ക് നീങ്ങിയാൽ ഉടനടി ആശുപത്രിയിൽ എത്തിക്കണം.

നിങ്ങളുടെ അന്നനാളത്തിൽ കുടുങ്ങിയ ഭക്ഷണം നീക്കം ചെയ്യുന്നതിനുള്ള ചില തന്ത്രങ്ങൾ

ഭക്ഷണം നിങ്ങളുടെ അന്നനാളത്തിൽ കുടുങ്ങുമ്പോൾ, ഭക്ഷണം ഇതിനകം തന്നെ നിങ്ങളുടെ ശ്വാസനാളത്തിൽ നിന്ന് കടന്നുപോയതിനാൽ ശ്വസനത്തെ ബാധിക്കില്ല. എന്നിരുന്നാലും, നിങ്ങൾക്ക് കടുത്ത നെഞ്ചുവേദന, ചുമ എന്നിവ അനുഭവപ്പെടാം. വീട്ടിൽ തന്നെ ഈ പ്രശ്നം പരിഹരിക്കാനുള്ള ചില വഴികൾ ഇതാ.

>

ഉടൻ തന്നെ ഒരു കാൻ കാർബണേറ്റഡ് പാനീയം കുടിക്കുക. ഈ ലളിതമായ വിദ്യ ഭക്ഷണം തകർക്കുന്നതിനും തടസ്സം നീക്കുന്നതിനും സഹായിക്കുമെന്ന് ഗവേഷണം പറയുന്നു.

>

കുറച്ചധികം വെള്ളം കുടിക്കുന്നത് നിങ്ങളുടെ അന്നനാളത്തിൽ കുടുങ്ങിയ ഭക്ഷണം നീക്കുവാൻ സഹായിക്കും.

>

വാഴപ്പഴമോ മറ്റേതെങ്കിലും ഭക്ഷണമോ കഴിക്കാൻ ശ്രമിക്കുക. ചിലപ്പോൾ ഒരു ഭക്ഷണം മറ്റൊന്നിനെ അന്നനാളത്തിലേക്ക് തള്ളിവിടാൻ സഹായിക്കും. നിങ്ങൾക്ക് പഴം കഴിക്കാൻ ഇഷ്ടമല്ലെങ്കിൽ, ഒരു കഷണം ബ്രെഡ് വെള്ളത്തിലോ പാലിലോ മുക്കി കഴിക്കുക.

>

കുറച്ച് ബേക്കിംഗ് സോഡ അല്ലെങ്കിൽ സോഡിയം ബൈകാർബണേറ്റ് വെള്ളത്തിൽ കലർത്തുക. ഈ പരിഹാരം കുടിക്കുന്നത് തൊണ്ടയിൽ കുടുങ്ങിയ ഭക്ഷണം തകർക്കാൻ സഹായിക്കും.

>

ഒരു ടേബിൾ സ്പൂൺ വെണ്ണ കഴിക്കുക. ഇത് അന്നനാളത്തിന്റെ പാളി നനയ്ക്കാനും കുടുങ്ങിയ ഭക്ഷണം നിങ്ങളുടെ വയറ്റിലേക്ക് എളുപ്പത്തിൽ താഴേക്ക് കൊണ്ടുപോകാനും സഹായിക്കും.