ചന്ദ്രയാൻ കാലുകുത്തിയത് ഇങ്ങനെ; ലാൻ‍ഡിങ് വീഡിയോ പങ്കുവച്ച് ഇസ്രോ

എല്ലാ പ്രവർത്തനങ്ങളും മുൻനിശ്ചയിച്ച പ്രകാരം നടക്കുന്നുണ്ടെന്നും എല്ലാ സംവിധാനവും സാധാരണ നിലയിലാണെന്നും ഐഎസ്ആർഒ അറിയിച്ചു. ലാൻഡറിലെ നാല് ഇമേജിങ് ക്യാമറകളിൽ എടുത്ത ദൃശ്യങ്ങളാണ് പുറത്തുവിട്ടത്. ലാൻഡറിലെ പ്രധാനപ്പെട്ട മൂന്ന് ഉപകരണങ്ങൾ സാന്നിദ്ധ്യം പഠിക്കുന്ന രംഭ, ചന്ദ്രോപരിതലത്തിലെ താപവിത്യാസങ്ങൾ പഠിക്കാൻ പോകുന്ന ചാസ്റ്റേ എന്നീ ഉപകരണങ്ങളാണ് പ്രവർത്തിപ്പിച്ച് സജ്ജമാക്കിയത്. റോവറിന്റെ യാത്ര വൈകാതെ തുടങ്ങും.

പ്രൊപ്പൽഷൻ മൊഡ്യൂളിലെ ഷേപ്പ് പേലോഡ് ഞായറാഴ്ച ഓൺ ചെയ്യുമെന്നും ഐഎസ്ആർഒ അറിയിച്ചു. വൈകിട്ട് 5.44 ന് ഓട്ടോമാറ്റിങ് ലാൻഡിങ് സീക്വൻസിന് നിർദേശം നൽകിയതോടെ പവേഡ് ഡിസന്റ് ഘട്ടം ആരംഭിച്ചു. ബുധനാഴ്ച വൈകിട്ട് 6.04 നാണ് ലാൻഡർ ചന്ദ്രനിൽ വിജയകരമനായി സോഫ്റ്റ് ലാൻഡ് ചെയ്തത്.

കംപ്യൂട്ടർ സംവിധാനങ്ങളുടേയും സെൻസറുകളുടേയും ആർട്ടിഫിഷ്യൽ ഇന്റലിജൻസ് പ്രോഗ്രാമിന്റേയും സഹായത്തോടെയായിരുന്നു ചന്ദ്രയാൻ 3ന്റെ ലാൻഡിങ്. ചന്ദ്രയാന്റെ നാല് ഘട്ട ലാൻഡിംഗ് പ്രക്രിയ കൃത്യമായിരുന്നു. ചന്ദ്രനിലിറങ്ങി മണിക്കൂറുകൾക്ക് ശേഷമാണ് റോവർ പേടകത്തിൽ നിന്നും പുറത്തേക്ക് എത്തിക്കുന്ന അടുത്ത ഘട്ടത്തിലേക്ക് ഇസ്രോ കടന്നത്.

Also Read : യു ടേൺ എടുക്കാൻ കാത്തുനിന്ന പെട്രോൾ ടാങ്കറിലേക്ക് റെൾസ് റോയ്സ് കാർ ഇടിച്ചു; ലോറി ഡ്രൈവറും ക്ലീനറും മരിച്ചു

ഇന്നോളം ഒരു രാജ്യത്തിന്റെ ചാന്ദ്ര ദൗത്യവും കടന്നുചെന്നിട്ടില്ലാത്ത ദക്ഷിണ ധ്രുവത്തിലാണ് സോഫ്റ്റ് ലാൻഡിങ്ങ് വിജയകരമാക്കി പൂർത്തിയാക്കിയത്.

Read Latest National News and Malayalam News