ഖോര്‍ഫക്കാന്‍ റോഡിന് സമീപമുള്ള അല്‍ബതായീ പ്രദേശത്താണ് കടല്‍പല്ലി മല്‍സ്യങ്ങളെ കണ്ടെത്തിയത്. പരിസ്ഥിതി സംരക്ഷിക്കുകയും ദോഷകരമായ പ്രവര്‍ത്തനങ്ങളില്‍ നിന്ന് ജീവികളെ രക്ഷിക്കുകയും ചെയ്യുന്നതിനായുള്ള ഇപിഎ അതോറിറ്റി ഇവയുടെ സംരക്ഷണം ഏറ്റെടുത്തു. കടല്‍പല്ലി മല്‍സ്യങ്ങള്‍ക്ക് ബ്രീഡിങ് സീസണിന് ഏറ്റവും അനുയോജ്യമായ സാഹചര്യങ്ങള്‍ അതോറിറ്റി ഒരുക്കി നല്‍കും.
VSC Exam: വിഎസ്എസ്സി റിക്രൂട്ട്മെന്റ് പരീക്ഷ: കോപ്പിയടിക്കാൻ ബട്ടണിൽ ക്യാമറ ഘടിപ്പിച്ചുവെന്ന് പോലീസ്
പക്ഷികളെ ആകര്‍ഷിക്കാനും അവയെ വേട്ടയാടാനും ഉപയോഗിക്കുന്ന 755 പക്ഷി ശബ്ദ ഉപകരണങ്ങള്‍ ഈ വര്‍ഷമാദ്യം അതോറിറ്റി കണ്ടുകെട്ടിയിരുന്നു. 10 ദേശാടന പക്ഷികളെയും രക്ഷപ്പെടുത്തി. ഈ വര്‍ഷത്തെ കാട്ടുപക്ഷി ദേശാടന സീസണില്‍ നാല് നിയമലംഘനങ്ങള്‍ കണ്ടെത്തി 40,000 ദിര്‍ഹം പിഴ ചുമത്തിയിരുന്നു.
പക്ഷികളെ ആകര്‍ഷിക്കാന്‍ വേട്ടക്കാര്‍ ശബ്ദങ്ങള്‍ പുറപ്പെടുവിക്കുന്ന ഉപകരണങ്ങള്‍ ഉപയോഗിക്കുന്നുണ്ട്. പക്ഷികളെ ആകര്‍ഷിച്ച് വരുത്തിയ ശേഷം വല വിരിച്ച് പിടികൂടുകയാണ് ചെയ്യുന്നത്. ചിലര്‍ പരുന്തുകള്‍ പോലെയുള്ള ഇരപിടിയന്‍ പക്ഷികളെ വേട്ടയാടാന്‍ പറത്തിവിടാറുണ്ട്. ഇത് രണ്ടും നിയമവിരുദ്ധമാണ്.
നിര്‍മിതബുദ്ധി ഗള്‍ഫ് രാജ്യങ്ങളിലെ തൊഴിലവസരങ്ങളെ ബാധിക്കുമോ? തൊഴില്‍ വിപണിയിലെ മാറുന്ന പ്രവണതകള്‍ അറിയാം
ഷാര്‍ജയില്‍, കാട്ടുമൃഗങ്ങളെയും ദേശാടന പക്ഷികളെയും വേട്ടയാടുന്നത് എക്‌സിക്യൂട്ടീവ് കൗണ്‍സില്‍ നിരോധിച്ചിച്ചിട്ടുണ്ട്. കാട്ടുപക്ഷികളുടെ ശബ്ദമുണ്ടാക്കുന്ന ഉപകരണങ്ങളുടെ വ്യാപാരം, കൈവശംവയ്ക്കല്‍, ഉപയോഗിക്കല്‍, ഇറക്കുമതി എന്നിവയ്ക്കും നിരോധനമുണ്ട്. ചില സീസണുകളില്‍ ഗള്‍ഫിലെ കൃഷിയിടങ്ങളില്‍ വ്യാപകമായി വെട്ടുകിളി (ജറാദ്) ഇറങ്ങാറുണ്ട്. ഹെക്ടര്‍ കണക്കിന് പ്രദേശങ്ങള്‍ ഇവ നശിപ്പിക്കുകയും ചെയ്യും. ഇവയെ നിര്‍മാര്‍ജനം ചെയ്യാന്‍ അനുമതിയുണ്ട്. ഇവയെ ചിലര്‍ ഭക്ഷണമാക്കുകയും ചെയ്തുവരുന്നു.
വരുന്നു ട്രോജെന; തബൂക്കിലെ ഹിമമലകള്‍ക്കു മുകളിലെ മഹാവിസ്മയം
സിനോഡസ് ഡെര്‍മറ്റോജെനിസ് എന്ന ശാസ്ത്രീയനാമത്തില്‍ അറിയപ്പെടുന്ന കടല്‍പല്ലി മല്‍സ്യങ്ങള്‍ സാന്‍ഡ് ലിസാര്‍ഡ് ഫിഷ്, ക്ലിയര്‍ഫിന്‍ ലിസാര്‍ഡ് ഫിഷ്, വെറൈഗേറ്റഡ് ലിസാര്‍ഡ് ഫിഷ് എന്നീ പേരുകളിലും അറിയപ്പെടുന്നു. പ്രധാനമായും ഇന്തോ-പസഫിക്കില്‍ വസിക്കുന്ന ഒരു പല്ലി മത്സ്യമാണിത്. ഏകദേശം 170 മീറ്റര്‍ ആഴത്തിലുള്ള പവിഴപ്പുറ്റുമായി ബന്ധപ്പെട്ട സമുദ്ര പരിതസ്ഥിതിയില്‍ കാണപ്പെടുന്നു.
ഉഷ്ണമേഖലാ കാലാവസ്ഥയില്‍ ജീവിക്കുന്ന ഇവയ്ക്ക് പരമാവധി 24 സെന്റീമീറ്റര്‍ നീളമുണ്ടാവും. മണല്‍അവശിഷ്ടങ്ങള്‍ നിറഞ്ഞ പ്രദേശങ്ങളിലും കടല്‍ത്തീരത്തുള്ള പാറക്കെട്ടുകളിലും 20 മീറ്ററിലധികം ആഴത്തില്‍ വരെ ഈ ഇനം കാണപ്പെടുന്നു. കണ്ണും നാസാരന്ധ്രവും മാത്രം പുറത്തുകാണിച്ച് മണലില്‍ സ്വയം മൂടിയാണ് ഇവയുടെ വാസം. ഒറ്റയ്‌ക്കോ ചെറിയ ഗ്രൂപ്പുകളിലോ കാണപ്പെടുന്നു. ചെറിയ മത്സ്യങ്ങളാണ് പ്രധാന ഭക്ഷണം. വായില്‍ മൂര്‍ച്ചയുള്ള സൂചി പോലുള്ള പല്ലുകളുമുണ്ട്.
