പോലവാരം പദ്ധതി
ആന്ധ്രാപ്രദേശിലെ ഏലൂര്‍ ജില്ലയിലാണ് പോലവാരം പദ്ധതി വരുന്നത്. ജലവൈദ്യുതി, ജലസേചനം, ജലവിതരണം എന്നിവയാണ് പദ്ധതി ലക്ഷ്യമിടുന്നത്. പദ്ധതിയുടെ നിര്‍മ്മാണം പുരോഗമിച്ചു കൊണ്ടിരിക്കയാണ്. 2004ല്‍ നിര്‍മ്മാണം ആരംഭിച്ച പദ്ധതി 2025 ജൂലൈയില്‍ തുറക്കുമെന്ന് പ്രതീക്ഷിക്കുന്നു. ആന്ധ്രാപ്രദേശ് സര്‍ക്കാരിന്റെ ഉടമസ്ഥതയിലുള്ള പദ്ധതിയില്‍ കോണ്‍ക്രീറ്റ് സ്പില്‍വേ, നോണ്‍ ഓവര്‍ ഫ്ലോ കോണ്‍ക്രീറ്റ് അണക്കെട്ട്, ഗോദാവരി നദീജലത്തെ തടഞ്ഞുനിര്‍ത്തുന്ന മണ്ണ്-പാറ മിശ്രിതത്തില്‍ നിര്‍മിച്ച ഡാം എന്നിവ ഉള്‍പ്പെടുന്നു. പദ്ധതിക്ക് 12 ടര്‍ബൈനുകളും 960 മെഗാവാട്ട് സ്ഥാപിത ശേഷിയുമുള്ള ഒരു പവര്‍സ്റ്റേഷനും ഉണ്ടായിരിക്കും. പവര്‍സ്റ്റേഷന്‍ ഉള്‍പ്പെടെ പദ്ധതിയുടെ ആകെ ചെലവ് ഏകദേശം 60,000 കോടിയോളം വരും. 2026ല്‍ പദ്ധതി രാജ്യത്തിന് സമര്‍പ്പിക്കപ്പെടുമെന്നാണ് പ്രതീക്ഷിക്കുന്നത്. 2.29 ബില്യണ്‍ കിലോവാട്സ് ഹെട്സ് ഊര്‍ജമാണ് പദ്ധതി സംസ്ഥാനത്തിന് നല്‍കുക.
വിശാഖപട്ടണം – ചെന്നൈ ഇന്‍ഡസ്ട്രിയല്‍ കോറിഡോര്‍
ആന്ധ്രാപ്രദേശിലെ ഒമ്പത് ജില്ലകളിലൂടെ കടന്നുപോകുകയും ഏകദേശം 800 കിലോമീറ്റര്‍ വ്യാപിച്ച് കിടക്കുകയും ചെയ്യുന്ന വിശാഖപട്ടണം-ചെന്നൈ വ്യാവസായിക ഇടനാഴി (വിസിഐസി)യാണിത്. ഇന്ത്യയുടെ ആദ്യത്തെ തീരദേശ ഇടനാഴിയായ കിഴക്കന്‍തീര സാമ്പത്തിക ഇടനാഴിയുടെ (ഇസിഇസി) ഭാഗമാണ് ഇതെന്ന പ്രത്യകതയും ഉണ്ട്. ആസിയാനിലെ ദക്ഷിണ-കിഴക്കന്‍ രാജ്യങ്ങളുമായും കിഴക്കനേഷ്യന്‍ സമ്പദ്‌വ്യവസ്ഥയുമായും ബന്ധിപ്പിക്കുന്ന പദ്ധതിയെന്നതാണ് രണ്ടാമത്തെ സവിശേഷത. കൂടാതെ കിഴക്കന്‍ മേഖലയിലെ സ്വാധീനം വര്‍ധിപ്പിക്കാനുള്ള കേന്ദ്രത്തിന്റെ നയപദ്ധതിക്ക് ഈ ഇടനാഴി ഗുണംചെയ്യും. ഉല്‍പ്പാദന, സേവന മേഖലകളുടെ വ്യാപനം, അത്യാധുനിക അടിസ്ഥാന സൗകര്യങ്ങളോടുകൂടിയ നഗരകേന്ദ്ര സൃഷ്ടി, അന്താരാഷ്ട്ര നിലവാരത്തിലുള്ള വ്യാവസായിക ഇടനാഴികള്‍ വികസിപ്പിക്കല്‍ എന്നിവയെ എല്ലാം പദ്ധതി പിന്തുണയ്ക്കും. ഏഷ്യന്‍ ഡെവലപ്മെന്റ് ബാങ്ക് ആണ് കിഴക്കന്‍തീര സാമ്പത്തിക (ഇസിഇസി) ഇടനാഴി വികസിപ്പിക്കുന്ന പദ്ധതിയിലെ പ്രധാന പങ്കാളി. വിശാഖപട്ടണം ചെന്നൈ വ്യവസായിക ഇടനാഴി അതിന്റെ ആദ്യ ഘട്ടമാണ്. വിശാഖപട്ടണം, മച്ചിലിപട്ടണം, ഡൊണകൊണ്ട, യേര്‍പേട്-ശ്രീകാളഹസ്തി എന്നിങ്ങനെ നാല് വ്യവസായിക ഇടനാഴികളാണ് സാമ്പത്തിക ഇടനാഴി വികസനത്തിന്റെ അവിഭാജ്യ ഘടകങ്ങളായി എഡിബി കണ്ടെത്തിയത്.
ബെംഗളൂരു – വിജയവാഡ എക്സ്പ്രസ്വേ
കര്‍ണാടകത്തിനും ആന്ധ്രാപ്രദേശിനും ഇടയില്‍ 518 കി.മീ നീണ്ടുകിടക്കുന്ന അതിവേഗ പാതയാണ് ബംഗളൂരു-വിജയവാഡ എക്സ്പ്രസ്വേ. 2026ലെ ഭാരത്മാല പരിയോജന പദ്ധതിയുടെ രണ്ടാം ഘട്ടത്തിന്റെ ഭാഗമായി നിര്‍മിക്കുന്ന പദ്ധതി കൂടിയാണിത്. മൊത്തം 100 കോടി രൂപ ചെലവ് വരുമെന്ന് പ്രതീക്ഷിക്കുന്നു. 19,320 കോടി. 4-6 പാതകളുമുള്ള ബ്രൗണ്‍ഫീല്‍ഡ്-അപ്‌ഗ്രേഡ്, ഗ്രീന്‍ഫീല്‍ഡ് പാതകളും പദ്ധതിയിലുണ്ടാവും. ബെംഗളൂരു മുതല്‍ കൊടികൊണ്ട വരെയുള്ള ബ്രൗണ്‍ഫീല്‍ഡ് നവീകരണം, കൊടികൊണ്ട മുതല്‍ അദ്ദങ്കി വരെയുള്ള ഗ്രീന്‍ഫീല്‍ഡ് വിഭാഗം, അദ്ദങ്കിയില്‍ നിന്ന് വിജയവാഡ വരെയുള്ള മറ്റൊരു ബ്രൗണ്‍ഫീല്‍ഡ് നവീകരണം എന്നിവ ഉള്‍പ്പെടെ മൂന്നായി തരംതിരിക്കാവുന്നതാണ്. ഈ പാതകള്‍ക്ക് 3.75 മീറ്റര്‍ വീതിയും 3 മീറ്റര്‍ നടപ്പാതയും ഉണ്ടായിരിക്കും.
വിജയവാഡ ലൈറ്റ് മെട്രോ
നഗരത്തിലെ ഗതാഗതക്കുരുക്ക് കുറയ്ക്കാന്‍ ലക്ഷ്യമിട്ടുള്ള പദ്ധതിയാണ് നിര്‍ദിഷ്ട വിജയവാഡ മെട്രോ റെയില്‍ പ്രൊജക്ട്. മൂന്ന് ഘട്ടങ്ങളിലായി 65 കിലോമീറ്റര്‍ ദൈര്‍ഘ്യമുള്ള മൂന്ന് ഇടനാഴികളാണ് പദ്ധതിയിലുള്ളത്. ഹെവി-റെയില്‍ അടിസ്ഥാനമാക്കിയുള്ള മാസ് റാപ്പിഡ് ട്രാന്‍സിറ്റ് സിസ്റ്റം (എംആര്‍ടിഎസ്) എന്ന നിലയിലാണ് പദ്ധതി ആദ്യം ആസൂത്രണം ചെയ്തിരുന്നത്. എന്നാല്‍ ചെലവ് അടക്കമുള്ള കാര്യങ്ങള്‍ പരിഗണിച്ച് പിന്നീട് ലൈറ്റ്-റെയില്‍ ട്രാന്‍സിറ്റ് സിസ്റ്റത്തിലേക്ക് (എല്‍ആര്‍ടി) മാറ്റി. നിര്‍ദിഷ്ട എല്‍ആര്‍ടി സംവിധാനത്തിന് രണ്ട് ലൈനുകളും 51 സ്റ്റേഷനുകളും ഉണ്ടായിരിക്കും, പദ്ധതിയുടെ എസ്റ്റിമേറ്റ് തുക 15,000 കോടി രൂപയാണ്. നിലവില്‍ സംസ്ഥാന സര്‍ക്കാരിന്റെ അനുമതിക്കായി കാത്തിരിക്കുന്ന പദ്ധതികളിലൊന്നുമാണ്.
രാമയപട്ടണം തുറമുഖം
തുടക്കത്തില്‍ പ്രതിവര്‍ഷം 25 ദശലക്ഷം ടണ്‍ ചരക്ക് കൈകാര്യം ചെയ്യാന്‍ ശേഷിയുള്ള തുറമുഖമായാണ് രാമയപട്ടണം തുറമുഖത്തെ ആന്ധ്രാപ്രദേശ് വികസിപ്പിച്ചു വരുന്നത്. പദ്ധതി പൂര്‍ണമായും നടപ്പാക്കുന്നതോടെ തുറമുഖത്തിന്റെ ശേഷി 138 ദശലക്ഷം ടണ്‍ ചരക്ക് കൈകാര്യം ചെയ്യുന്ന തലത്തിലേക്ക് വളരും. പദ്ധതിക്ക് 3,560 കോടി രൂപ ചെലവ് കണക്കാക്കുന്നു. ആന്ധ്രാപ്രദേശിലെ നെല്ലൂര്‍, പ്രകാശം, ഗുണ്ടൂര്‍, കുര്‍ണൂല്‍ ജില്ലകളും തെലങ്കാനയിലെ നല്‍ഗൊണ്ട, മഹബൂബ്നഗര്‍, രംഗറെഡ്ഡി, ഹൈദരാബാദ് എന്നിവയും പദ്ധതിയുടെ ഭാഗമായി വരും. വൈഎസ്ആര്‍ കടപ്പ, ചിറ്റൂര്‍, അനന്തപൂര്‍, മേദക് എന്നിവയ്ക്ക് പുറമേ, തെലങ്കാന, ഛത്തീസ്ഗഡ്, മഹാരാഷ്ട്ര, കര്‍ണാടക എന്നിവിടങ്ങളും പദ്ധതിയുടെ ഉപയോക്താക്കളാവും. നവയുഗ എഞ്ചിനീയറിംഗ് കമ്പനി ലിമിറ്റഡിന്റെയും അരബിന്ദോ റിയല്‍റ്റി ആന്‍ഡ് ഇന്‍ഫ്രാസ്ട്രക്ചര്‍ പ്രൈവറ്റ് ലിമിറ്റഡിന്റെയും സംയുക്തസംരംഭമായ ‘രാമയപട്ടണം തുറമുഖവികസന കോര്‍പ്പറേഷന്‍ ലിമിറ്റഡി’നാണ് പദ്ധതിയുടെ ചുമതല. 2024-ന്റെ തുടക്കത്തോടെ ആദ്യത്തെ കപ്പല്‍ കൊണ്ടുവരിക എന്ന ലക്ഷ്യത്തോടെ തുടര്‍പ്രവൃത്തികള്‍ നടക്കുന്നത്.
വിജയവാഡ എയര്‍പോര്‍ട്ട് ടെര്‍മിനല്‍
35,000 സ്‌ക്വയര്‍ ഫീറ്റ് വിസ്തീര്‍ണ്ണത്തില്‍ വിജയവാഡ അന്താരാഷ്ട്ര വിമാനത്താവളത്തിലാണ് പുതിയ ടെര്‍മിനല്‍ വരുന്നത്. 611 കോടി രൂപയാണ് പദ്ധതി ചെലവായി പ്രതീക്ഷിക്കുന്നത്. ആഭ്യന്തര, അന്തര്‍ദേശീയ യാത്രക്കാര്‍ക്കായി പ്രത്യേക സൗകര്യങ്ങളുള്ള പുതിയ ടെര്‍മിനല്‍ പ്രതിദിനം 1,200 യാത്രക്കാരെ കൈകാര്യം ചെയ്യാന്‍ ശേഷിയുള്ളതായിരിക്കും. 24 ചെക്ക്-ഇന്‍ കൗണ്ടറുകള്‍, , 14 ഇമിഗ്രേഷന്‍ കൗണ്ടറുകള്‍, മൂന്ന് കസ്റ്റംസ് കൗണ്ടറുകള്‍, എട്ട് ഗേറ്റുകള്‍, ആറ് എയ്റോബ്രിഡ്ജുകള്‍ എന്നിവയും ഉണ്ടാകും. പുതിയ ടെര്‍മിനലില്‍ 1250 കാറുകള്‍ പാര്‍ക്ക് ചെയ്യാനുള്ള സൗകര്യം ഉണ്ടായിരിക്കും. നിലവില്‍, വിമാനത്താവളത്തിന് ആഭ്യന്തര, അന്തര്‍ദേശീയ യാത്രക്കാര്‍ക്കായി 2 പ്രത്യേക ടെര്‍മിനലുകള്‍ ഉണ്ട്. പുതിയ ടെര്‍മിനല്‍ നടപ്പ് സാമ്പത്തിക വര്‍ഷാവസാനത്തോടെ പൂര്‍ത്തിയാകുമെന്ന് പ്രതീക്ഷിക്കുന്നു.
ബെംഗളൂരു – ചെന്നൈ എക്സ്പ്രസ്വേ
കര്‍ണാടകയിലെ ഹോസ്‌കോട്ടിനെയും തമിഴ്നാട്ടിലെ ശ്രീപെരുമ്പുതൂരിനെയും ബന്ധിപ്പിക്കുന്ന പദ്ധതിയാണിത്. കര്‍ണാടകയില്‍ 75.64 കിലോമീറ്ററും ആന്ധ്രാപ്രദേശില്‍ 88.30 കിലോമീറ്ററും തമിഴ്നാട്ടില്‍ 98.32 കിലോമീറ്ററും ഉള്‍പ്പെടെ 260.85 കിലോമീറ്റര്‍ നീളമുള്ള എക്സ്പ്രസ് വേയുടെ നിര്‍മാണം പുരോഗമിക്കുകയാണ്. 2011ല്‍ ആദ്യമായി പ്രഖ്യാപിച്ച പദ്ധതി നിലവില്‍ ഭാരത്മാല പരിയോജന പദ്ധതിയിലൂടെയാണ് നിര്‍മിക്കുന്നത്. പദ്ധതിയുടെ പ്രതീക്ഷിക്കുന്ന ചെലവ് 17,000 കോടിയാണ്.
ചിറ്റൂര്‍ – തച്ചൂര്‍ എക്സ്പ്രസ്വേ
ആന്ധ്രാപ്രദേശിലെ ചിറ്റൂരിനടുത്ത് കീനടംപള്ളിയില്‍ നിന്ന് പൊന്നേരിക്ക് സമീപമുള്ള തച്ചൂരിലേക്കും തമിഴ്നാട്ടിലെ എന്നൂരിലേക്കും എത്തുന്ന അതിവേഗപാതയാണ് ചിറ്റൂര്‍- തച്ചൂര്‍ എക്സ്പ്രസ്വേ. ഈ ഹൈവേ ബാംഗ്ലൂര്‍-ചെന്നൈ എക്സ്പ്രസ്വ‌വേയെ ചിറ്റൂരിനടുത്തുള്ള ചെന്നൈ പെരിഫറല്‍ റിംഗ് റോഡുമായി ബന്ധിപ്പിക്കും. ഭാരത്മാല പരിയോജന പദ്ധതിക്ക് കീഴിലാണ് ഇത് നടപ്പിലാക്കുന്നത്. പദ്ധതിച്ചെലവായി പ്രതീക്ഷിക്കുന്നത് 3,197.56 കോടി രൂപയാണ്. നിലവില്‍ സ്ഥലം ഏറ്റെടുക്കല്‍ ഘട്ടത്തിലാണ് പദ്ധതി. 2024 ഡിസംബറില്‍ പൂര്‍ത്തിയാകുമെന്നാണ് പ്രതീക്ഷിക്കുന്നത്.
ദേവരപ്പള്ളി – ഖമ്മം ഗ്രീന്‍ഫീല്‍ഡ് ഹൈവേ
തെലങ്കാന സംസ്ഥാനത്തെ ഖമ്മം മുതല്‍ ആന്ധ്രാപ്രദേശിലെ ദേവരപള്ളി വരെ 162.126 കിലോമീറ്റര്‍ നീളത്തിലാണ് ഹൈവേ വരുന്നത്. നിര്‍ദിഷ്ട പദ്ധതിയില്‍ 9 വലിയ പാലങ്ങള്‍, 45 ചെറിയ പാലങ്ങള്‍ തുടങ്ങിയവയുണ്ടാകും. പദ്ധതിച്ചെലവ് ഏകദേശം 554.35 കോടി രൂപയോളം വരും. 3554.35 കോടി.
ചില്ലക്കുരു -കാനുപുരി ഹൈവേ
ചില്ലക്കുരു ക്രോസ് റോഡില്‍ നിന്ന് തുര്‍പ്പു കാനുപുരിലേക്കുള്ള നാലുവരി പ്രവേശന നിയന്ത്രിത ഹൈവേും, നായിഡുപേട്ട (ഗ്രീന്‍ഫീല്‍ഡ്സ്) മുതല്‍ തുര്‍പ്പു കാനുപൂര്‍ ഹൈവേ വരെയുള്ള ആറുവരി പാതയും ഉള്‍പ്പെടുന്ന പദ്ധതിയാണിത്. കേന്ദ്രസര്‍ക്കാര്‍ പദ്ധതിക്കായി അനുമതി നല്‍കിയിട്ടുണ്ട്. ചില്ലക്കുരു ക്രോസിനെ തുര്‍പ്പു കാനുപുരിലേക്കും നായിഡുപേട്ടയെ ചില്ലക്കൂര്‍ മണ്ഡലത്തിലെ തുര്‍പ്പു കാനുപൂര്‍ ഗ്രാമത്തിലേക്കും ബന്ധിപ്പിക്കുന്ന തിരുപ്പതി ജില്ലയിലെ ദേശീയ പാതകളുടെ നിര്‍മ്മാണം, വീതികൂട്ടല്‍, നവീകരണം എന്നിവ ഈ രണ്ട് പദ്ധതികളില്‍ ഉള്‍പ്പെടും. ഭാരത്മാലയുടെ കീഴിലുള്ള പദ്ധതിക്ക് 2,308.31 കോടിയാണ് ചെലവ് പ്രതീക്ഷിക്കുന്നത്. ആദ്യപദ്ധതിക്ക് 1000 കോടി രൂപ ചെലവ് വരും. 909.47 കോടി രൂപയില്‍ ചില്ലക്കുരു ക്രോസ് റോഡില്‍ നിന്ന് ചിന്താവരം വഴി തുര്‍പ്പു കാനുപൂരിലേക്ക് 36.05 കിലോമീറ്റര്‍ പ്രവേശന നിയന്ത്രിത ഹൈവേ നിര്‍മിക്കും. 1,398.84 കോടി രൂപയില്‍ നായിഡുപേട്ട മുതല്‍ തുര്‍പ്പു കനുപൂര്‍ വരെയുള്ള 34.881 കിലോമീറ്റര്‍ ദൈര്‍ഘ്യമുള്ള ഹൈവേ ആറുവരിയാക്കൂം. ഈ ഹൈവേ നിര്‍മാണ പദ്ധതികള്‍ നിക്ഷേപകരെ ആകര്‍ഷിക്കുമെന്നാണ് പ്രതീക്ഷ.
വിശാഖപട്ടണം ടൂറിസ പദ്ധതികള്‍
വിനോദസഞ്ചാരികളുടെ സമ്പൂര്‍ണ പറുദീസയായി മാറ്റാന്‍ ഒരുങ്ങുകയാണ് സര്‍ക്കാര്‍. ഇതിനായി 151 സ്ഥലങ്ങള്‍ ഇതിനകം കണ്ടെത്തിയിട്ടുണ്ട്. ഇവിടങ്ങളിലെ ടൂറിസം സാധ്യതകള്‍ വര്‍ധിപ്പിക്കാനാണ് സര്‍ക്കാര്‍ ഒരുങ്ങുന്നത്. 100 കോടി രൂപ ചെലവില്‍ സിംഗപ്പൂര്‍ മാതൃകയിലുള്ള സീ അക്വേറിയം അടക്കമുള്ളവ ഇതിന്റെ ഭാഗമായി നിര്‍മിക്കപ്പെടും.
ചിന്ന ആവുട്ടുപള്ളി-ഗൊല്ലാപുടി ആറുവരി ബൈപാസ്
ആന്ധ്രാപ്രദേശിലെ വിജയവാഡ നഗരത്തിലേക്കുള്ള ബൈപാസായ 30 കിലോമീറ്റര്‍ ദൈര്‍ഘ്യമുള്ള റോഡ് 6-വരി പാതയാക്കി മാറ്റുന്നതിനുള്ള ചുമതല നാഷണല്‍ ഹൈവേ അതോറിറ്റി ഓഫ് ഇന്ത്യയ്ക്ക് നല്‍കിയിട്ടുണ്ട്. ആന്ധ്രാപ്രദേശിലെ കൃഷ്ണ ജില്ലയിലെ ചിന്ന ഔട്ടുപള്ളി ഗ്രാമം മുതല്‍ ഗൊല്ലപ്പുടി ഗ്രാമം (കി.മീ 30.000) വരെയാണ് പദ്ധതി വരുന്നത്. ഭാരത്മാല പരിയോജനയുടെ കീഴിലാണ് ഇതും ഉള്‍പ്പെടുക. 1225 കോടി രൂപയാണ് പ്രതീക്ഷിക്കുന്ന ചെലവ്.
റായ്പൂര്‍-വിശാഖപട്ടണം സാമ്പത്തിക ഇടനാഴി
റായ്പൂര്‍-വിശാഖപട്ടണം എക്സ്പ്രസ് വേ എന്ന് അറിയപ്പെടുന്ന റായ്പൂര്‍-വിശാഖപട്ടണം സാമ്പത്തിക ഇടനാഴി. ഛത്തീസ്ഗഡ്, ഒഡീഷ, ആന്ധ്രാപ്രദേശ് എന്നിവയെ ബന്ധിപ്പിക്കുന്ന 464 കിലോമീറ്റര്‍ 6-വരി പാതയാണിത്. ചരക്ക് ഗതാഗതം മെച്ചപ്പെടുത്തുന്നതിനും കയറ്റുമതി വര്‍ധിപ്പിക്കുന്നതിനും ലക്ഷ്യമിട്ടുള്ള ഏഷ്യന്‍ ഡെവലപ്മെന്റ് ബാങ്കില്‍ നിന്നുള്ള ധനസഹായത്തോടെ ഭാരത്മാല പരിയോജന പ്രോഗ്രാമിന്റെ ഭാഗമായാണ് പദ്ധതി നടപ്പിലാക്കുന്നത്. യോങ്മ എഞ്ചിനീയറിംഗ് കമ്പനി ലിമിറ്റഡും ആര്‍ക്കിടെക്നോ കണ്‍സള്‍ട്ടന്റും പദ്ധതിയുടെ രൂപരേഖ തയ്യാറാക്കുമ്പോള്‍ പദ്ധതിയുടെ മേല്‍നോട്ടം വഹിക്കുന്നത് നാഷണല്‍ ഹൈവേ അതോറിറ്റി ഓഫ് ഇന്ത്യയാണ്. 2025ഓടെ പൂര്‍ത്തിയാകുമെന്ന് പ്രതീക്ഷിക്കുന്നു. പൂര്‍ത്തിയായാല്‍, ഇതുവരെയുള്ള ഹൈവേ യാത്രാ സമയം 14 മണിക്കൂറില്‍ നിന്ന് ഏകദേശം 7 മണിക്കൂറായി കുറയും. റായ്പൂരില്‍ നിന്ന് വിശാഖിലേക്കുള്ള ദൂരം 590 കിലോമീറ്ററില്‍ നിന്ന് 464 ആയി കുറയും. ഛത്തീസ്ഗഢില്‍ 124.611 കിലോമീറ്ററും ഒഡീഷയില്‍ 262.211 കിലോമീറ്ററും ആന്ധ്രാപ്രദേശില്‍ 99.629 കിലോമീറ്ററും ഈ എക്സ്പ്രസ്വേ കടന്നുപോകും.
കടപ്പ-റെനിഗുണ്ട ഹൈവേ പദ്ധതി
1,732.66 കോടിരൂപ ബജറ്റില്‍ ആന്ധ്രാപ്രദേശിലെ വൈഎസ്ആര്‍ കോണ്‍ഗ്രസ് അംഗീകാരം നല്‍കിയ പദ്ധതിയാണിത്. കടപ്പ മുതല്‍ ചിന്ന ഒറമ്പാട് വരെയുള്ള എന്‍എച്ച്-716 നാലുവരിപ്പാതയിലേക്കുള്ള പദ്ധതിക്ക് റോഡ് ഗതാഗത, ഹൈവേ മന്ത്രാലയവും അംഗീകാരം നല്‍കി. സോളാപൂര്‍-ചെന്നൈ സാമ്പത്തിക ഇടനാഴിയുടെ ഭാഗമാണ് ഈ പദ്ധതി. ഈ ഹൈവേ യാത്രക്കാര്‍ക്ക് വേഗമേറിയതും സുരക്ഷിതവുമായ യാത്രയ്ക്കൊപ്പം കടപ്പയ്ക്കും റെനിഗുണ്ടയ്ക്കും ഇടയിലുള്ള യാത്രാസമയം ഗണ്യമായി കുറയ്ക്കുകയും ചെയ്യും. ഗതാഗതക്കുരുക്ക് കുറയ്ക്കുകയും നിലവിലുള്ള വിനോദസഞ്ചാരത്തിനും തീര്‍ത്ഥാടനത്തിനും ഉത്തേജനം നല്‍കുകയും പ്രാദേശിക സമ്പദ്വ്യവസ്ഥയ്ക്ക് ഗുണം ചെയ്യുകയും ചെയ്യും. ഇതിനെല്ലാം പുറമേ സംയോജിത പുനരുപയോഗ ഊര്‍ജ്ജസംഭരണ പദ്ധതി കുര്‍ണൂലിലും വരുന്നുണ്ട്.
