‘ദാ ഇങ്ങനെ… വായിലൂടെ എടുത്ത് മൂക്കിലൂടെ വിടൂ’; ഛത്തീസ്ഗഡ് മന്ത്രിയുടെ പുകവലി ക്ലാസ്; വിമർശനം
Edited by കാർത്തിക് കെ കെ | Samayam Malayalam | Updated: 27 Aug 2023, 8:17 am
സംസ്ഥാനത്ത് മദ്യ- മയക്കുമരുന്ന് ഉപയോഗം കൂടുകയാണെന്ന വിമർശനങ്ങൾക്കിടെയാണ് ഗ്രാമീണനെ മന്ത്രി പുകവലിക്കാൻ പഠിപ്പിക്കുന്ന വീഡിയോ പുറത്തുവരുന്നത്. രൂക്ഷവിമർശനമാണ് വിഷയത്തിൽ ഉയരുന്നത്
ഹൈലൈറ്റ്:
- മന്ത്രിയുടെ പുകവലി ക്ലാസ്
- സംഭവം ഛത്തീസ്ഗഡിൽ
- വിമർശിച്ച് പ്രതിപക്ഷം
വായിലൂടെ പുക ശ്വസിക്കാനും മൂക്കിലൂടെ പുറത്തുവിടാനും മന്ത്രി ഗ്രാമീണനോട് പറയുന്നതാണ് വിഡിയോയിലുള്ളത്. കവാസി ലഖ്മ ബീഡി വലിച്ചുകൊണ്ടാണ് ഗ്രാമീണന് പുകവലിക്കാനുള്ള ക്ലാസ് നൽകിയത്. വീഡിയോക്കെതിരെ രംഗത്തെത്തിയ ബിജെപി സംസ്ഥാന സർക്കാർ ലഹരിവസ്തുക്കളുടെ ഉപയോഗത്തെ പ്രോത്സാഹിപ്പിക്കുകയാണെന്ന് ആരോപിച്ചു.
Smart City Project: സ്മാര്‍ട്ട് സിറ്റി പദ്ധതി 60 ഇലക്ട്രിക് ബസുകള്‍ കെഎസ്ആര്‍ടിസിക്ക് കൈമാറി
വിഷയത്തിൽ കോൺഗ്രസ് പ്രതികരിക്കാത്തതിനെതിരെയും ബിജെപി രൂക്ഷവിമർശനം ഉന്നയിച്ചിരുന്നു. സർക്കാരും കോൺഗ്രസും വിഷയത്തിൽ കണ്ണടയ്ക്കുകയാണ്. ലഹരിമരുന്ന് ഉപയോഗത്തിന്‍റെ അന്തരീക്ഷം വളർത്തിയെടുക്കുകയാണെന്നും ബിജെപി വക്താക്കളായ അനുരാഗ് സിങ്ഡിയോയും നളിനീഷ് തോക്‌നെയും ആരോപിച്ചു.
ഓണക്കാല വറുതി, ജല നിരപ്പ് ഗണ്യമായി താഴ്ന്നു, പമ്പയിലെ ജലമേളകൾ ആശങ്കയിൽ
സംസ്ഥാനത്ത് മദ്യ-ലഹരിമരുന്ന് റാക്കറ്റ് വ്യാപകമാണെന്ന് തെരഞ്ഞെടുപ്പ് കമ്മിഷനും വ്യക്തമാക്കിയിട്ടുണ്ടെന്നും കമ്മിഷന്‍റെ ആശങ്ക അതീവ ഗുരുതരമാണെന്നും ബിജെപി നേതാക്കൾ പറഞ്ഞു. ഇക്കാര്യം ബിജെപി പലതവണ സംസ്ഥാന സർക്കാരിന്‍റെ ശ്രദ്ധയിൽപ്പെടുത്തിയിരുന്നെന്നും നേതാക്കൾ പറഞ്ഞു. സംസ്ഥാനത്ത് മദ്യനിരോധനം ആവശ്യമില്ലെന്ന് കോൺഗ്രസ് നേതാക്കൾ നടത്തിയ പ്രസ്താവനക്കെതിരെയും ബിജെപി നേതാൾ രംഗത്തെത്തി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
